ഔഷധി പഞ്ചകര്മ ആശുപത്രിയില് കര്ക്കടകക്കഞ്ഞി ഫെസ്റ്റിവല് തുടങ്ങി
തൃശൂര്: ഔഷധി പഞ്ചകര്മ ആശുപത്രി കുടുംബശ്രീ കാന്റീനില് കര്ക്കടക കഞ്ഞി ഫെസ്റ്റിവല് ആരംഭിച്ചു. പൊടിയരി കഞ്ഞി, ഔഷധി ഔഷധ കഞ്ഞി, ജീരക കഞ്ഞി, മുരിങ്ങ ഇല കഞ്ഞി, ഓട്സ് കഞ്ഞി, നവര കഞ്ഞി, ദശപുഷ്പ കഞ്ഞി, തവിട് കളയാത്ത അരി കഞ്ഞി, ഉലുവ കഞ്ഞി, നെയ് കഞ്ഞി, ഗോതമ്പ് കഞ്ഞി, യവ കഞ്ഞി തുടങ്ങി 12 തരം കഞ്ഞികളാണു കഞ്ഞി ഫെസ്റ്റിവലില് ലഭിക്കുന്നത്.
കഞ്ഞി ഫെസ്റ്റിവലിന്റെ ഉദ്ഘാടനം ഔഷധി ചെയര്മാന് ഡോ. കെ.ആര്. വിശ്വംഭരന്, ഔഷധി മാനേജിങ് ഡയറക്ടര് കെ.വി. ഉത്തമന്, സിനിമാതാരങ്ങളായ ജയരാജ് വാര്യര്, രചന നാരായണന്കുട്ടി എന്നിവര് കഞ്ഞി കുടിച്ചുകൊണ്ട് നിര്വഹിച്ചു. ചടങ്ങില് ഓയിസ്ക ഇന്റര്നാഷണല് പ്രസിഡന്റ് ഡോ. കെ.എസ്. രജിതന് അധ്യക്ഷതവഹിച്ചു.
Comments
English summary
karkadaka kanji festival started in Oushadhi panchakarma hospital