കര്ക്കടകത്തിലെ രാമായണമാസാചരണത്തിന് ക്ഷേത്രങ്ങളും ഗൃഹങ്ങളും ഒരുങ്ങി
തൃശൂര്: കര്ക്കടകത്തിലെ രാമായണമാസാചരണത്തിന് ക്ഷേത്രങ്ങളും ഗൃഹങ്ങളും ഒരുങ്ങി. ക്ഷേത്രങ്ങളില് അഷ്ടദ്രവ്യ മഹാഗണപതി ഹോമം, ആനയൂട്ട്, രാമായണപാരായണം, പ്രഭാഷണം എന്നിവ നടക്കും. വീടുകളില് പ്രായമായവര് രാമായണം പാരായണം ചെയ്യും. കുട്ടികള് ഉള്പ്പെടെയുള്ളവര് രാമകഥകള് ഭക്തിയോടെ ശ്രവിക്കും.
പൂങ്കുന്നം ശ്രീ സീതാരാമ സ്വാമി ക്ഷേത്രത്തില് രാമായണ മാസം വിപുലമായ പരിപാടികളോടെ 17 മുതല് ആചരിക്കും. ലക്ഷ്മണനും ഹനുമാനും പ്രത്യേകം ശ്രീകോവിലുകളുള്ള ക്ഷേത്രത്തില് കര്ക്കടക മാസത്തില് എല്ലാ ദിവസവും രാവിലെയും വൈകിട്ടും സ്വര്ണരഥം ദര്ശിക്കുവാന് ഭക്തര്ക്ക് അവസരമുണ്ടായിരിക്കും. 22 മുതല് മുന്നു ദിവസം നീണ്ടുനില്ക്കുന്ന പവിത്രോത്സവത്തിന് ക്ഷേത്രം തന്ത്രി മധുരൈ ഗോവിന്ദരാജ ഭട്ടാചാര്യന് നേതൃത്വം നല്കും.
വടക്കാഞ്ചേരി ടൗണിലെ കരുമരക്കാട് ശിവ - വിഷ്ണു ക്ഷേത്രത്തില് ചൊവ്വാഴ്ച പുലര്ച്ചെ അഷ്ടദ്രവ്യ മഹാഗണപതിഹോമം നടക്കും. ദര്ശനത്തിനെത്തുന്ന ഭക്തര്ക്ക് സൗജന്യമായി പ്രസാദം വിതരണം ചെയ്യും.
അകമല ധര്മ്മശാസ്താക്ഷേത്രത്തില് രാമായണമാസാചരണം വിപുലമായി ആചരിക്കും. കര്ക്കടകം അവസാനമാണ് ഇവിടെ മഹാഗണപതിഹോമം. ഊത്രാളിക്കാവ് ക്ഷേത്രം, ടൗണ് മാരിയമ്മന് കോവില്, മച്ചാട് തിരുവാണിക്കാവ് ക്ഷേത്രം, പനങ്ങാട്ടുകര കാര്ത്ത്യായനിക്ഷേത്രം, നെല്ലുവായ് ധന്വന്തിരിക്ഷേത്രം, കടങ്ങോട് ശ്രീരാമക്ഷേത്രം, ചെറുതുരുത്തി പാങ്ങാവ് ശിവക്ഷേത്രം തുടങ്ങി മേഖലയിലെ മിക്ക ക്ഷേത്രങ്ങളിലും രാമായണമാസം ആചരിക്കും.
ചാവക്കാട് വിശ്വനാഥക്ഷേത്രത്തില് രാമായണ മാസാചരണത്തിന് 17ന് തുടക്കമാവും. 17 മുതല് ഓഗസ്റ്റ് 16 വരെ ക്ഷേത്രത്തില് ഗണപതി ഹോമം, മഹാഗണപതി ഹോമം, ഭഗവത് സേവ, നവഗ്രഹ പൂജ എന്നിവ ഉണ്ടാവും. വൈകിട്ട് ദീപാരാധനവരെ ക്ഷേത്ര മാതൃസമിതിയുടെ ഭജന, പ്രഭാതത്തില് രാമായണ പാരായണവും ഉണ്ടാവും.കര്ക്കടക അമാവാസിയുടെ ഭാഗമായുള്ള പിതൃബലി ഓഗസ്റ്റ് 11-ന് പുലര്ച്ചെ 3.30 മുതല് രാവിലെ എട്ടുവരെ ക്ഷേത്രം മേല്ശാന്തിയുടെ മുഖ്യകാര്മികത്വത്തില് നടക്കും. രാമായണ മാസാചരണത്തിന്റെ സമാപനത്തിന്റെ ഭാഗമായി ഓഗസ്റ്റ് 16-ന് ഉദയം മുതല് അസ്തമയംവരെ നാമജപം ഉണ്ടാവും. ജൂലൈ 17 മുതല് 23 വരെ രാവിലെ 9.30-ന് ഔഷധക്കഞ്ഞി വിതരണം ഉണ്ടാവും.
അയിനിപ്പുള്ളി സുബ്രഹ്മണ്യ ശാസ്താമംഗല ക്ഷേത്രത്തില് 17 മുതല് ഓഗസ്റ്റ് 16 വരെ പുലര്ച്ചെ അഞ്ചിന് ഗണപതിഹവനവും ഏഴിന് രാമായണ പാരായണവും നടക്കും. വൈകിട്ട് 5.30-ന് ഭഗവത് സേവ നടക്കും. ജൂലൈ 23-ന് ക്ഷേത്രം തന്ത്രി ദൊഡ്ഡുമഠത്തില് ബാലചന്ദ്രന് എമ്പ്രാന്തിരിയുടെയും ക്ഷേത്രം മേല്ശാന്തി അഭിലാഷ് ശര്മ്മയുടെയും മുഖ്യകാര്മികത്വത്തില് പുലര്ച്ചെ അഞ്ചിന് 108 നാളികേരം കൊണ്ടുള്ള മഹാഗണപതി ഹവനം ഉണ്ടാവും.
തിരുവില്വാമല ശ്രീവില്വാദ്രിനാഥക്ഷേത്രത്തില് രാമായണമാസാചരണത്തിന് ഒരുക്കങ്ങള് പൂര്ത്തിയായി. നാളെമുതല് ഓഗസ്റ്റ് 16 വരെയുള്ള ദിവസങ്ങളില് നിത്യേന അന്നദാനം നടക്കും. ക്ഷേത്രത്തില് നിത്യേന രാവിലെ നടതുറക്കല് അഭിഷേകം, ഉച്ചപൂജ, ശീവേലി, നവകം, പന്തീരടിപൂജ, ഉച്ചപൂജ എന്നിവയ്ക്ക് ശേഷം 11 മണിക്ക് പ്രസാദ ഊട്ട് അരങ്ങേറും. ക്ഷേത്രത്തില് എത്തുന്ന ഭക്തജനങ്ങള്ക്ക് പാര്ക്കിങ് സൗകര്യവും സുരക്ഷയുടെ ഭാഗമായി കൂടുതല് പോലീസ് ഉദ്യോഗസ്ഥരുടെ സേവനവും ഉറപ്പുവരുത്തിയിട്ടുണ്ട്. ക്ഷേത്രത്തിലെ പ്രധാന വഴിപാടായ അവില് നിവേദ്യം
,വടമാല ചാര്ത്തല്, പാല്പ്പായസം എന്നിവ ഭക്തര്ക്ക് മുന്കൂട്ടി ബുക്ക് ചെയ്യുന്നതിനാവശ്യമായ സൗകര്യം ഒരുക്കിയിട്ടുണ്ടെന്ന് ദേവസ്വം ഓഫീസര് സുനില് കര്ത്ത അറിയിച്ചു. തിരുവില്വാമല ആനപ്രേമിസംഘത്തിന്റെ നേതൃത്വത്തില് തിരുവില്വാമല പറക്കോട്ടുകാവ് ഭഗവതിക്ഷേത്രത്തില് ജൂലൈ 22 ഞായറാഴ്ച ആനയൂട്ട് നടക്കും. രാവിലെ പ്രത്യക്ഷമഹാഗണപതി ഹോമം തുടര്ന്ന് ഗജപൂജ എന്നിവയും അരങ്ങേറും.
-
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
എല്പിജി സിലിണ്ടര് വിതരണം നിലച്ചു; ബെംഗളൂരുവില് നാളെ ഹോട്ടലുകള് അടച്ചിടും -
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
മംഗളൂരു-തിരുനല്വേലി ട്രെയിന് കേരളത്തിലൂടെ; 20 സ്റ്റോപ്പുകള്, മാര്ച്ച് 11ന് സര്വീസ് തുടങ്ങും -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്'
Click it and Unblock the Notifications
Sign in with Google