തൃശൂരില്‍ യുവാവിനെ വെട്ടിക്കൊന്നു; കൊല്ലപ്പെട്ടത് രണ്ട് മാസത്തെ പരോളിലിറങ്ങിയ പോക്സോ കേസ് പ്രതി

തൃശൂര്‍: തൃശൂരില്‍ യുവാവിനെ വെട്ടിക്കൊന്നു. എളനാട് സ്വദേശി സതീഷ് ( കുട്ടന്‍ 37) ആണ് കൊല്ലപ്പെട്ടത്. ആളൊഴിഞ്ഞ പറമ്പിലാണ് ഇയാളുടെ മൃതദേഹം കണ്ടെത്തിയത്. പീഡനക്കേസ് കുറ്റവാളിയായിരുന്നു സതീഷ് . ഇയാള്‍ രണ്ട് മാസത്തെ പരോളില്‍ നാട്ടിലെത്തിയപ്പോഴായിരുന്നു കൊല്ലപ്പെട്ടത്. സംഭവത്തില്‍ പഴയന്നൂര്‍ പൊലീസ് അന്വേഷണം ആരംഭിച്ചു .

എളയനാട് സ്വദേശിയായ ആദിവാസി പെണ്‍കുട്ടിയെ പീഡിപ്പിച്ച കേസിലാണ് ഇയാള്‍ പ്രതി . ബുധനാഴ്ച രാവിലെയോടെ ആളൊഴിഞ്ഞ പറമ്പില്‍ ഇയാളുടെ മൃതദേഹം കണ്ടെത്തുകയായിരുന്നു. കൊവിഡ് രൂക്ഷമായ സാഹചര്യത്തില്‍ സംസ്ഥാനത്തെ ജയിലുകളില്‍ പരോള്‍ അനുവദിച്ചിരുന്നു. ഇതേ തുടര്‍ന്ന് കഴിഞ്ഞ രണ്ട് മാസത്തോളമായി ഇയാള്‍ പരോളിലായിരുന്നു. എളനാട് തിരുമണി സ്വദേശിയാണ് സതീഷ്.

English summary

Kerala: A youth convicted in a molestation case was hacked to death in Thrissur