തൃശ്ശൂരില് കൊവിഡ് കേസുകള് കുതിക്കുന്നു; 1389 പേര്ക്ക് കൂടി രോഗം, 185 പേര് രോഗമുക്തരായി
തൃശ്ശൂര്: ജില്ലയില് വെള്ളിയാഴ്ച (14/01/2022) 1389 പേര്ക്ക് കൂടി കോവിഡ്19 സ്ഥിരീകരിച്ചു; 185 പേര് രോഗമുക്തരായി. ജില്ലയില് രോഗബാധിതരായി ചികിത്സയില് കഴിയുന്നവരുടെ എണ്ണം 7,620 ആണ്. ജില്ലയില് ഇതുവരെ കോവിഡ് 19 സ്ഥിരീകരിച്ചവരുടെ എണ്ണം 5,58,358 ആണ്. 5,47,433 പേരെയാണ് ആകെ രോഗമുക്തരായി ഡിസ്ചാര്ജ് ചെയ്തത്.
ജില്ലയില് വെള്ളിയാഴ്ച സമ്പര്ക്കം വഴി 1359 പേര്ക്കാണ് രോഗം സ്ഥിരീകരിച്ചത്. കൂടാതെ സംസ്ഥാനത്തിനു പുറത്തു നിന്നും വന്ന 10 പേര്ക്കും, ആരോഗ്യ പ്രവര്ത്തകരായ 14 പേര്ക്കും, ഉറവിടം അറിയാത്ത 06 പേര്ക്കും രോഗബാധ ഉണ്ടായിട്ടുണ്ട്. 6,513 സാമ്പിളുകളാണ് പരിശോധനയ്ക്ക് എടുത്തത്. ഇതില് 1,533 പേര്ക്ക് ആന്റിജന് പരിശോധനയും, 4,724 പേര്ക്ക് ആര്ടി പിസിആര് പരിശോധനയും, 256 പേര്ക്ക് സിബിനാറ്റ്/ട്രുനാറ്റ്/പിഒസി പിസിആര്/ആര്ടി ലാംപ് പരിശോധനയുമാണ് നടത്തിയത്. ജില്ലയില് ഇതുവരെ ആകെ 39,50,823 സാമ്പിളുകളാണ് പരിശോധനയ്ക്ക് അയച്ചത്. ഇന്നത്തെ ടെസ്റ്റ് പോസിറ്റിവിറ്റി നിരക്ക് 21.33% ആണ്.
ജില്ലയില് ഇതുവരെ 46,76,285 ഡോസ് കോവിഡ് 19 വാക്സിന് വിതരണം ചെയ്തു. ഇതില് 25,12,029 പേര് ഒരു ഡോസ് വാക്സിനും, 21,45,430 പേര് രണ്ട് ഡോസ് വാക്സിനും സ്വീകരിച്ചു. ജില്ലയില് 18,826 പേര് കരുതല് ഡോസ് വാക്സിന് സ്വീകരിച്ചു. 91,320 കുട്ടികളാണ് (1518 വയസ്സ്) ജില്ലയില് ഇതുവരെ കോവിഡ് പ്രതിരോധ വാക്സിന് സ്വീകരിച്ചത്.