രോഗികള് കുറയുന്നില്ല; തൃശൂരില് ഇന്ന് ടെസ്റ്റ് പോസിറ്റിവിറ്റി നിരക്ക് 20.31% , 2873 പേര്ക്ക് രോഗം
തൃശൂര്: ജില്ലയില് ഇന്നും കൊവിഡ് കേസുകള് 2000 കടന്നു. 2873 പേര്ക്കാണ് ഇന്ന് ജില്ലയില് കൊവിഡ് സ്ഥിരീകരിച്ചത്. ഇതോടെ ആകെ 9581 പേരാണ് തൃശൂരില് ചികിത്സയില് കഴിയുന്നത്. അതേ സമയം, 2542 പേര് രോഗമുക്തരായി. തൃശ്ശൂര് സ്വദേശികളായ 83 പേര് മറ്റു ജില്ലകളില് ചികിത്സയില് കഴിയുന്നു. ജില്ലയില് ഇതുവരെ കോവിഡ് സ്ഥിരീകരിച്ചവരുടെ എണ്ണം 3,73,811 ആണ്. 3,62,362 പേരെയാണ് ആകെ രോഗമുക്തരായി ഡിസ്ചാര്ജ്ജ് ചെയ്തത്. ഇന്നത്തെ ടെസ്റ്റ് പോസിറ്റിവിറ്റി നിരക്ക് 20.31% ആണ്.
ജില്ലയില് വ്യാഴാഴ്ച്ച സമ്പര്ക്കം വഴി 2,851 പേര്ക്കാണ് രോഗം സ്ഥിരീകരിച്ചത്. കൂടാതെ 08 ആരോഗ്യപ്രവര്ത്തകര്ക്കും, സംസ്ഥാനത്തിന് പുറത്തുനിന്ന് എത്തിയ 06 പേര്ക്കും, ഉറവിടം അറിയാത്ത 08 പേര്ക്കും രോഗബാധ ഉണ്ടായിട്ടുണ്ട്. രോഗ ബാധിതരില് 60 വയസ്സിനുമുകളില് 176 പുരുഷന്മാരും 208 സ്ത്രീകളും 10 വയസ്സിനു താഴെ 115 ആണ്കുട്ടികളും 114 പെണ്കുട്ടികളുമുണ്ട്.
രോഗം സ്ഥിരീകരിച്ച് ചികിത്സയില് കഴിയുന്നവര് -
തൃശ്ശൂര് ഗവ. മെഡിക്കല് കോളേജില് - 211
വിവിധ കോവിഡ് ഫസ്റ്റ ് ലൈന് ട്രീറ്റ്മെന്റ് സെന്ററുകളില് - 490
സര്ക്കാര് ആശുപത്രികളില് - 333
സ്വകാര്യ ആശുപത്രികളില് - 493
വിവിധ ഡോമിസിലിയറി കെയര് സെന്ററുകളില് - 604
കൂടാതെ 4,577 പേര് വീടുകളിലും ചികിത്സയില് കഴിയുന്നുണ്ട്. 2,322 പേര് പുതിയതായി ചികിത്സയില് പ്രവേശിച്ചതില് 272 പേര് ആശുപത്രിയിലും 2,050 പേര് വീടുകളിലുമാണ്. 14,149 സാമ്പിളുകളാണ് പരിശോധനയ്ക്ക് എടുത്തത്. ഇതില് 7,562 പേര്ക്ക് ആന്റിജന് പരിശോധനയും, 6,375 പേര്ക്ക് ആര് ടി - പി സി ആര് പരിശോധനയും, 212 പേര്ക്ക് ട്രുനാറ്റ് / സിബിനാറ്റ് പരിശോധനയുമാണ് നടത്തിയത്. ജില്ലയില് ഇതുവരെ ആകെ 27,25,660 സാമ്പിളുകളാണ് പരിശോധനയ്ക്ക് അയച്ചത്.
1,208 ഫോണ് വിളികളാണ് ജില്ലാ കണ്ട്രോള് സെല്ലില്ലേക്ക് വന്നത്. ഇതുവരെ ആകെ 2,99,872 ഫോണ് വിളികളാണ് ജില്ലാ കണ്ട്രോള് സെല്ലില്ലേക്ക് വന്നിട്ടുളളത്. 33 പേര്ക്ക് സൈക്കോ സോഷ്യല് കൗണ്സിലര്മാര് വഴി കൗണ്സിലിംഗ് നല്കി. പൂമല, അരിമ്പൂര്, അന്തിക്കാട്, താന്ന്യം, മുണ്ടൂര്, തോളൂര്, മാടക്കത്തറ, പുത്തൂര്, പാറളം, വല്ലച്ചിറ എന്നിവിടങ്ങളില് നാളെ ( 20 /08/2021 ) മൊബൈല് ടെസ്റ്റിംഗ് ലാബുകള് കോവിഡ്- 19 ടെസ്റ്റുകള് സൗജന്യമായി ചെയ്യുന്നതാണ്. പൊതുജനങ്ങള് ഈ സൗകര്യം പരമാവധി പ്രയോജനപ്പെടുത്തേണ്ടതാണ്.
ജില്ലയില് ഇതുവരെ കോവിഡ് 19 വാക്സിന് സ്വീകരിച്ചവര്
വിഭാഗം ഫസ്റ്റ് ഡോസ് സെക്കന്റ് ഡോസ്
ആരോഗ്യ പ്രവര്ത്തകര് 49,613 41,804
മുന്നണി പോരാളികള് 39,751 27,341
18 - 44 വയസ്സിന് ഇടയിലുളളവര് 4,69,207 46,307
45 വയസ്സിന് മുകളിലുളളവര് 10,48,197 5,13,579
ആകെ 16,06,768 6,29,031
Click it and Unblock the Notifications
Sign in with Google