ലൈസന്സില്ലാ കണ്ടക്ടമാര് കുടുങ്ങി, ടിക്കറ്റില്ലാതെ ഓട്ടം; 165 ബസുകള്ക്ക് പിഴയിട്ട് എംവിഡി
തൃശൂർ: ബസുകൾക്കെതിരെ വ്യാപക നടപടിയുമായി മോട്ടോർ വാചഹന വകുപ്പ്. തൃശൂരിൽ നടത്തിയ 65 ബസുകള്ക്കെതിരെ എംവിഡി നടപടിയെടുത്തു. എയര് ഹോണ്, മ്യൂസിക് സിസ്റ്റം ഉപയോഗം, യാത്രക്കാര്ക്ക് ടിക്കറ്റ് കൊടുക്കാതിരിക്കുക, ലൈസന്സ് ഇല്ലാത്ത കണ്ടക്ടമാര് എന്നീ കുറ്റകൃത്യങ്ങള് നടത്തിയ ബസുകൾക്കെതിരെയാണ് നടപടി.
വ്യാപക പരാതികൾ ഉയർന്ന പശ്ചാത്തലത്തിലാണ് മോട്ടോർ വാഹന വകുപ്പിന്റെ പരിശോധന. തൃശൂര് ശക്തന് സ്റ്റാന്ഡ്, ഇരിഞ്ഞാലക്കുട, ചാലക്കുടി ബസ് സ്റ്റാന്ഡുകളിലാണ് പരിശോധന നടത്തിയത്. സ്വകാര്യ ബസുകൾക്ക് പുറമേ കെഎസ്ആർടിസി ബസിലും സംഘം പരിശോധന നടത്തി.
165 ബസുകളില് നടത്തിയ പരിശോധനയിൽ 1.65 ലക്ഷം രൂപ പിഴയാണ് എംവിഡി ഈടാക്കിയത്. സെപ്തംബര് 19 മുതല് 23 വരെയാണ് പരിശോധന നടത്തിയത്.തൃശൂര് റീജിയണല് ട്രാന്സ്പോര്ട് ഓഫീസര് ബിജു ജെയിംസിന്റെ നേതൃത്വത്തിലായിരുന്നു പരിശോധന.മോട്ടോര് വെഹിക്കിള് എന്ഫോഴ്സ്മെന്റ് ആര്ടിഒ സുരേഷ് കുമാര് കെകെ, മോട്ടോര് വെഹിക്കിള് ഇന്സ്പെക്ടര്മാരായ വിഎസ് സിന്റോ, കൃഷ്ണകുമാര് എന്നീ ഉദ്യോഗസ്ഥരാണ് പരിശോധനയില് പങ്കെടുത്തത്. പരിശോധന അടുത്ത ആഴ്ചയും തുടരുമെന്ന് ഉദ്യോഗസ്ഥര് അറിയിച്ചു.
സ്വകാര്യ ബസുകളുടെ മരണയോട്ടം നിയന്ത്രിക്കുന്നതിന്റെ ഭാഗമായി പാലക്കാട് ജില്ലയിലും കഴിഞ്ഞ ദിവസം മോട്ടോർ വാഹന വകുപ്പ് വ്യാപക പരിശോധന നടത്തിയിരുന്നു. മൂന്നു ദിവസത്തിനിടെ 62 ബസുകൾക്കെതിരെ വിവിധ നിയമ ലംഘനങ്ങൾക്ക് നടപടിയെടുത്തത്.
61,500 രൂപ പിഴ ചുമത്തി.
പട്ടാമ്പി ചാലിശ്ശേരിയിൽ സ്കൂട്ടറിനെ ബസ് അപകടകരമായ രീതിയിൽ മറികടക്കുകയും സ്കൂട്ടർ ഓടിച്ചിരുന്ന പെൺകുട്ടി ബസിനെ പിന്തുടർന്ന് ഡ്രൈവറെ താക്കീത് ചെയ്ത സംഭവത്തെ തുടർന്നായിരുന്നു പരിശോധന നടത്തിയത്.
പാലക്കാട് - ഒറ്റപ്പാലം - പട്ടാമ്പി, പാലക്കാട് - നാട്ടുകൽ, പാലക്കാട് - വാണിയമ്പാറ തുടങ്ങിയ മൂന്ന് പാതകളിലും പട്ടാമ്പി, ചാലിശ്ശേരി, കൂറ്റനാട് ഭാഗത്തുമാണ് പരിശോധന നടന്നത്.പെർമിറ്റില്ലാതെയും സ്പീഡ് ബ്രേക്കർ ഘടിപ്പിക്കാതെയും ഓടുന്ന ബസുകളെവരെ പരിശോധനയിൽ കണ്ടെത്തി.വാതിലടയ്ക്കാതെ യാത്രചെയ്തതിനും അനധികൃതമായ മ്യൂസിക് സിസ്റ്റം ഉപയോഗിച്ചതിനും മൂന്ന് ബസുകൾക്കെതിരേ നടപടിയെടുത്തു. 33 ബസുകൾ ടിക്കറ്റ് നൽകുന്നില്ലെന്നും കണ്ടെത്തി.
പരിശോധന തുടരുമെന്ന് പാലക്കാട് മോട്ടോർ വാഹനവകുപ്പ് എൻഫോഴ്സ്മെന്റ് ആർ.ടി.ഒ എം.കെ. ജയേഷ്കുമാറും അറിയിച്ചിരുന്നു. അതേസമയം നിയമലംഘനം നടത്തിയ ഓട്ടോകൾക്കെതിരെ എംവിഡി നടപടിയെടുത്തിട്ടുണ്ട്. മോട്ടോർ വകുപ്പിന്റെ മിന്നൽ പരിശോധനയിൽ മീറ്റർ ഉപയോഗിക്കാതെ സർവീസ് നടത്തിയ 30 പേർക്കെതിരെ നടപടി എടുത്തിരുന്നു. ആകെ 72 ഓട്ടോകൾക്കെതിരെ വിവിധ നിയമലംഘനങ്ങൾക്ക് 1.72 ലക്ഷം രൂപ പിഴ ഈടാക്കി.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google