Click it and Unblock the Notifications
Just In
-
-
-
Don't Miss
-
കെട്ടുറപ്പിച്ചയാളെ ജാസ്മിന് ഓര്ക്കുന്നു കൂടിയില്ല, പിന്നെ എങ്ങനെയാണ് ഗബ്രി ചതിയനാകുന്നത്? -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
തദ്ദേശ തിരഞ്ഞെടുപ്പ്; തൃശ്ശൂര്‍ കോര്‍പ്പറേഷനിലേക്കുള്ള എല്‍ഡിഎഫ് സ്ഥാനാര്‍ഥികളെ പ്രഖ്യാപിച്ചു
തൃശൂര്‍: കോര്‍പ്പറേഷനിലേക്കും ജില്ല പഞ്ചായത്തിലേക്കും മത്സരിക്കുന്ന എല്‍ഡിഎഫ് സ്ഥാനാര്‍ത്ഥികളെ പ്രഖ്യാപിച്ചു. അഴീക്കോടന്‍ സ്മാരക മന്ദിരത്തില്‍ നടന്ന പത്ര സമ്മേളനത്തില്‍ സിപിഎം തൃശൂര്‍ ജില്ലാ സെക്രട്ടറി എംഎം വര്‍ഗീസാണ് സ്ഥാനാര്‍ത്ഥികളെ പ്രഖ്യാപിച്ചത്. വികസനത്തെ മുന്‍നിര്‍ത്തിയാണ് എല്‍ഡിഎഫ് തിരഞ്ഞെടുപ്പിനെ നേരിടുന്നതെന്ന് എംഎം വര്‍ഗീസ് മാധ്യമങ്ങളോട് പറഞ്ഞു.
തൃശൂര്‍ ജില്ലാ പഞ്ചായത്തില്‍ ആകെയുള്ള ഡിവിഷനുകളില്‍ സിപിഎം 16 സീറ്റിലും സിപിഐ എട്ട് സീറ്റിലും, എല്‍ജെഡി രണ്ട് സീറ്റിലും എന്‍സിപി, കേരള കോണ്‍ഗ്രസ് മാണി വിഭാഗം, ഐഎന്‍എല്‍ എന്നിവര്‍ ഒരു സീറ്റിലും മത്സരിക്കും.
തൃശൂര്‍ കോര്‍പ്പറേഷനില്‍ ആകെയുള്ള 55 ഡിവിഷനില്‍ സിപിഎം 32 സീറ്റിലും സിപിഐ എട്ട് സീറ്റിലും, എല്‍ജെഡി മൂന്ന് സീറ്റിലും കേരള കോണ്‍ഗ്രസ് മാണി വിഭാഗവും ജനതദള്‍ സെക്യുലറും രമ്ട് സീറ്റിലും മത്സരിക്കും. കേരള കോണ്‍ഗ്രസ് എസ് വിഭാഗവും എന്‍സിപിയും ഓരോ സീറ്റിലും മത്സരിക്കും.
അതേസമയം, കോര്‍പ്പറേഷനിലേക്കും ജില്ലാ പഞ്ചായത്തിലേക്കുമുള്ള കോണ്‍ഗ്രസിന്റെ ആദ്യ ഘട്ട സ്ഥാനാര്‍ത്ഥി പട്ടിക രണ്ട് ദിവസങ്ങള്‍ക്ക് മുമ്പ് പുറത്തിറക്കിയിരുന്നു. യുവാക്കള്‍ക്കും വനിതകള്‍ക്കും പ്രാതിനിധ്യം നല്‍കുന്നതാണ് പട്ടിക. എ ഗ്രൂപ്പിന്റെ തര്‍ക്കത്തില്‍ രാജന്‍ ജെ, ജോണ്‍ ഡാനിയല്‍ എന്നിവരുടെ സ്ഥാനാര്‍ത്ഥിത്യം പ്രഖ്യാപിച്ചിട്ടില്ല. ഐ ഗ്രൂപ്പില്‍ എ പ്രസാദ് മത്സരിക്കും. ഡിസിസി പ്രസിഡന്റ് ജോസഫ്, ജനറല്‍ സെക്രട്ടറി പികെ രാജന്‍, യൂത്ത് കോണ്‍ഗ്രസ് പ്രസിഡന്റ് ഒയു ജനീഷ്, എന്നിവര്‍ പട്ടികയില്‍ ഇടം നേടിയിട്ടുണ്ട്.
