വന്യജീവി ഭീതിയില് വീണ്ടും മലക്കപ്പാറ: നാടിനെ വിറപ്പിച്ച് കരടികള്, ആക്രമണത്തില് ഒരാള്ക്ക് പരിക്ക്
തൃശൂര്: മലക്കപ്പാറ വീണ്ടും വന്യജീവി ആക്രമണത്തിന്റെ ഭീതിയില്. ഇത്തവണ നരവേട്ടയ്ക്കെത്തിയതു കരടികളാണ്. കഴിഞ്ഞദിവസം ജോലി കഴിഞ്ഞ് മടങ്ങവേ തോട്ടംതൊഴിലാളിയെ രണ്ടുകുട്ടികള് ചേര്ന്ന് ആക്രമിച്ചു. സേക്കല് മുടി പുതുക്കാട് ബാലകൃഷ്ണന് (54) ആണ് കരടികളുടെ ആക്രമണത്തില് പരുക്കേറ്റത്. ഇടതുകൈയിലെ മാംസം ഒരു കരടി കടിച്ചെടുത്തു. കോയമ്പത്തൂരിലെ ആശുപത്രിയില് ചികിത്സയിലാണിപ്പോള്. മലക്കപ്പാറയില് ആനകളും പുലികളും ഇറങ്ങി നടത്തുന്ന ആക്രമണങ്ങള് ഭയാനകമായ തരത്തില് വര്ധിച്ചുവരികയാണ്. നിരവധി ആളുകള് കൊല്ലപ്പെടുകയും പരുക്കേല്ക്കുകയും ചെയ്തിരുന്നു.
ഈഭാഗത്ത് കരടികളെ കണ്ടെത്തിയത് ആദ്യമാണ്. സാധാരണ ഗതിയില് ജനവാസ കേന്ദ്രങ്ങളില് ഇറങ്ങുന്ന ജീവിയല്ല കരടി. വളരെ വന്യമായ ആക്രമണ സ്വഭാവമുള്ള ഇവയെ ഉള്വനങ്ങളിലാണ് സാധാരണയായി കാണാറുള്ളത്. വളരെ ദൂരെവച്ചുതന്നെ മനുഷ്യന്റെ മണം പിടിച്ച് എത്തി ആക്രമിക്കുന്ന രീതി കരടികള്ക്കുണ്ടെന്ന് പറയപ്പെടുന്നു. ഇവ കൂട്ടമായി നടക്കുന്ന രീതിയും പതിവുള്ളതല്ല.
'പുലികളെയും കടുവകളെയുംപോലെ മാംസപ്രിയരല്ല കരടികള്. തേനും ചിതലുകളും ചെറുപ്രാണികളും പഴങ്ങളുമാണ് കരടികള്ക്ക് പ്രിയങ്കരം. എന്നാല് കാട്ടിലെ ഏറ്റവും ആക്രമണകാരിയായ മൃഗം കരടികള് തന്നെയാണ്. ഇരതേടലിന്റെ ഭാഗമല്ല ഈ ആക്രമണം. കൂര്ത്ത നഖങ്ങളോടുകൂടിയ കൈകാലുകളും മൂര്ച്ചയുള്ള കൂര്ത്ത പല്ലുകളും അവയുടെ ആക്രമണത്തെ മാരകമാക്കിത്തീര്ക്കുന്നു.
മനുഷ്യരുടെ പിന്നില്നിന്നാണു കരടികള് ആക്രമിക്കുക. ശബ്ദമുണ്ടാക്കാതെ നടന്നു മണംപിടിച്ച് അരികിലെത്തി പെട്ടെന്നു പിന്നിലൂടെ ആക്രമിക്കുകയുമാണു രീതി. കരടികളെ തോട്ടംമേഖലയില് കണ്ടു വരാറില്ല. ആനകളും പുലികളും നിരന്തരമായി ഭീതിപടര്ത്തിയ ഇവിടെ കരടികളെക്കൂടി കണ്ടതോടെ ആളുകള് വലിയ ഭയപ്പാടിലാണ്. വന്യജീവി ആക്രമണങ്ങളില്നിന്നു ജനവാസ കേന്ദ്രങ്ങളെ സംരക്ഷിക്കാന് അടിയന്തര ഇടപെടല് വേണമെന്നാണ് ആവശ്യം. ഫെന്സിങ്ങും വൈദ്യത വേലിയും അടക്കമുള്ള നിര്ദേശങ്ങള് പലവട്ടം ഉയര്ന്നുവരികയും അധികാരികള് അതെല്ലാം തത്വത്തില് അംഗീകരിക്കുകയും ചെയ്തതാണ്. ഇതൊന്നും നടപ്പായില്ല. കടുത്ത ജനരോഷമാണ് ഇവിടെ നിലനില്ക്കുന്നത്. വനംവകുപ്പ് ഇനിയും നിസംഗത തുടര്ന്നാല് ശക്തമായ ബഹുജന സമരം ഉയര്ത്തി കൊണ്ടുവരാനാണ് തീരുമാനിച്ചിട്ടുള്ളത് എന്ന് മലക്കപ്പാറ തോട്ടം തൊഴിലാളി യൂണിയന് സി.ഐ.ടി.യു. ജനറല് സെക്രട്ടറി എ.ബി. പ്രേമദാസ് പറഞ്ഞു.
-
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം -
ഇറാന്റെ പുതിയ പരമോന്നത നേതാവായി മൊജ്തബ ഖാംനഇ അധികാരമേറ്റു; ഉറ്റുനോക്കി ലോകം
Click it and Unblock the Notifications
Sign in with Google