Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
തൃശൂരില്‍ നടപടികള്‍ കര്‍ശനമാക്കി; കടകളില്‍ 3 ജീവനക്കാര്‍ മാത്രം, പുതിയ കണ്ടെയ്ന്‍മെന്റ് സോണുകള്‍
തൃശൂര്‍: ഇരിങ്ങാലക്കുട നഗരസഭയിലെ ഇരുപത്തിഏഴാം ഡിവിഷനും അന്നമടയിലെ 07, 08 വാര്‍ഡുകളും കണ്ടയിന്മെന്റ് സോണുകളാക്കാന്‍ തീരുമാനം. കോവിഡ് 19 വ്യാപനം തടയുന്നതിന് വേണ്ടിയുള്ള നടപടിയുടെ ഭാഗമായിട്ടാണ് ജില്ലാ കളക്ടര്‍ എസ് ഷാനവാസ് പുതിയ കണ്ടെയ്ന്‍മെന്റ് സോണുകള്‍ പ്രഖ്യാപിച്ചത്.
നേരത്തെ കണ്ടയിന്റ്മെന്റ് സോണുകളായിരുന്ന കുന്നംകുളം നഗരസഭയിലെ 07, 15, 17, 19, 26 ഡിവിഷനുകളെ ഒഴിവാക്കി. എന്നാല്‍ കുന്നംകുളം നഗരസഭയിലെ 10. 11. 25 ഡിവിഷനുകള്‍ കണ്ടയിന്റ്മെന്റ് സോണുകളായി തുടരും.നടത്തറ ഗ്രാമപഞ്ചായത്തിലെ 08, പുത്തന്‍ ചിറയിലെ 06,07, അന്നമനടയിലെ 17, അരിമ്പൂരിലെ 05, അതിരപ്പിള്ളിയിലെ 04 വാര്‍ഡുകള്‍ കണ്ടെയ്‌മെന്റ് സോണുകളായി തുടരും.
Recommended Video
ജില്ലയിലെ എല്ലാ മുഖ്യ മാര്‍ക്കറ്റുകളിലെയും കടകളില്‍ ഒരു സമയം മൂന്നു ജീവനക്കാരെ മാത്രമേ അനുവദിക്കൂ. ഇവര്‍ ജില്ലാ മെഡിക്കല്‍ ഓഫീസറുടെ പരിശോധനയ്ക്കു വിധേയമാവണം. കടകളിലെ ജീവനക്കാര്‍ക്ക് തിരിച്ചറിയല്‍ കാര്‍ഡ് നല്‍കും. കാര്‍ഡില്ലാത്തവരെ മാര്‍ക്കറ്റുകളില്‍ പ്രവേശിപ്പിക്കില്ല. കടകളില്‍ സാനിറ്റൈസര്‍, ഗുണനിലവാരമുള്ള മാസ്‌ക്, കയ്യുറ എന്നിവ നിര്‍ബന്ധമായും കരുതണം. 60 വയസിനു മുകളിലുള്ളവരെ കടകളില്‍ പ്രവര്‍ത്തിക്കാന്‍ അനുവദിക്കില്ല. സാമൂഹിക അകലം പാലിക്കുന്നതിന് കടകളില്‍ കൃത്യമായ മാര്‍ക്കിങ് വേണം.
വഴിവാണിഭക്കാരുടെ എണ്ണം നിയന്ത്രിക്കും. കടയിലുള്ള ജീവനക്കാരുടെ പേര് വിവരം പ്രദര്‍ശിപ്പിക്കണം. പകുതി ജീവനക്കാര്‍ക്ക് ഒരാഴ്ച, മറു പകുതി അടുത്ത ആഴ്ച എന്ന രീതിയില്‍ കടയുടെ പ്രവര്‍ത്തനം ക്രമീകരിക്കണം. ചരക്കു ലോറികള്‍ക്കും കയറ്റിറക്കിനും സമയ നിയന്ത്രണം കര്‍ശനമാക്കും. കടയുടെ പുറത്തു പടികളില്‍ വച്ച് കച്ചവടം അനുവദിക്കില്ല. പച്ചക്കറികള്‍ ഉള്‍പ്പെടെയുള്ള സാധങ്ങള്‍ തൊട്ടു പരിശോധിച്ച് വാങ്ങുന്ന പതിവ് രീതി പാടില്ല. ഈ നിര്‍ദേശങ്ങള്‍ പാലിക്കാത്ത കടകള്‍ അടച്ചിടുന്നതടക്കമുള്ള നടപടികള്‍ ജില്ലാ ഭരണകൂടം കൈക്കൊള്ളുമെന്ന് ജില്ലാ കലക്ടര്‍ അറിയിച്ചു.
