തൃശൂരിന് ആശ്വാസത്തിന്റെ മൂന്നാംദിനം; പോസറ്റീവ് കേസില്ല, ബി പോസറ്റീവ്
തൃശൂര്: തുടര്ച്ചയായി മൂന്നാം ദിവസവും തൃശൂര് ജില്ലയ്ക്ക് ആശ്വാസം. മൂന്ന് ദിവസമായി ജില്ലയില് കോവിഡ് പോസിറ്റീവ് കേസ് റിപ്പോര്ട്ട് ചെയ്തില്ല. കോവിഡ് പ്രതിരോധത്തിന്റെ ഭാഗമായി ജില്ലയില് വീടുകളില് 9474 പേരും ആശുപത്രികളില് 49 പേരും ഉള്പ്പെടെ ആകെ 9523 പേരാണ് നിരീക്ഷണത്തിലുളളത്. തിങ്കളാഴ്ച നിരീക്ഷണത്തിന്റെ ഭാഗമായി ഒന്പത് പേരെ ആശുപത്രിയില് പ്രവേശിപ്പിച്ചു. മൂന്ന് പേരെ ഡിസ്ചാര്ജ്ജ് ചെയ്തു.
തിങ്കളാഴ്ച അയച്ച 54 സാമ്പിളുകള് ഉള്പ്പെടെ ഇതു വരെ 1929 സാമ്പിളുകള് പരിശോധനയ്ക്ക് അയച്ചു. അതില് 1822 സാമ്പിളുകളുടെ ഫലം വന്നിട്ടുണ്ട്. 107 എണ്ണത്തിന്റെ ഫലം ലഭിക്കാനുണ്ട്. വിവിധ മേഖലയിലുളള 492 ആളുകളുടെ സാമ്പിളുകള് പരിശോധനയ്ക്ക് അയച്ചു.
400 ഫോണ്കോളുകള് ജില്ലാ കണ്ട്രോള് സെല്ലില് ലഭിച്ചു. നിരീക്ഷണത്തിലുളളവര്ക്ക് മാനസിക പിന്തുണയേകുന്നതിനായി സൈക്കോ-സോഷ്യല് കൗണ്സിലര്മാരുടെ സേവനം തുടരുന്നുണ്ട്. ഇന്ന് 139 പേര്ക്ക് കൗണ്സലിംഗ് നല്കി.
ചരക്ക് വാഹനങ്ങളിലെത്തുന്ന ഡ്രൈവര്മാരെയും മറ്റുളളവരെയുമടക്കം ശക്തന് പച്ചക്കറി മാര്ക്കറ്റില് 1675 പേരെയും മത്സ്യചന്തയില് 1037 പേരെയും ബസ് സ്റ്റാന്റിലെ പഴവര്ഗ്ഗങ്ങള് വില്ക്കുന്ന മാര്ക്കറ്റില് 96 പേരെയും സ്ക്രീന് ചെയ്തു.
ഡെങ്കിപ്പനി തടയുന്നതിനുളള പ്രതിരോധ പ്രവര്ത്തനങ്ങളുടെ ഭാഗമായി കാറളം മേഖലയില് ഉറവിട നശീകരണ പ്രവര്ത്തനങ്ങള് ജില്ലാ വെക്ടര് കണ്ട്രോള് യൂണിറ്റിന്റെ നേതൃത്വത്തില് നടപ്പിലാക്കി.
അതേസമയം, ഇന്ന് സംസ്ഥാനത്ത് 49 പേര്ക്കാണ് കോവിഡ്-19 സ്ഥിരീകരിച്ചത്. കാസര്ഗോഡ് ജില്ലയില് നിന്നുള്ള 14 പേര്ക്കും കണ്ണൂര് ജില്ലയില് നിന്നുള്ള 10 പേര്ക്കും, തിരുവനന്തപുരം, പാലക്കാട് ജില്ലകളില് നിന്നുള്ള 5 പേര്ക്ക് വീതവും കോഴിക്കോട് ജില്ലയില് നിന്നുള്ള 4 പേര്ക്കും പത്തനംതിട്ട, ആലപ്പുഴ ജില്ലകളില് നിന്നുള്ള 3 പേര്ക്ക് വീതവും കൊല്ലം, കോട്ടയം ജില്ലകളില് നിന്നുള്ള 2 പേര്ക്ക് വീതവും ഇടുക്കി ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്.
Click it and Unblock the Notifications
Sign in with Google