Click it and Unblock the Notifications
Just In
Don't Miss
-
IPL 2024: ആ നിയമം ഓള്റൗണ്ടര്മാരെ നശിപ്പിക്കും, ഇന്ത്യന് ടീമിനെ തകര്ക്കും; തുറന്നടിച്ച് രോഹിത് -
ഒരു പാട്ടിന് വാങ്ങുന്നത് 10 ലക്ഷം! 1.50 കോടി രൂപയുടെ ലക്ഷ്വറി എസ്യുവി സ്വന്തമാക്കി ബോളിവുഡ് ഗായിക -
സരിഗമ അടക്കം മൂന്ന് ഓഹരികൾ, 13 ശതമാനം വരെ കുതിക്കും, ഇപ്പോൾ തന്നെ വാങ്ങാം -
ഷാരൂഖ് ഖാനെ പ്രണയിച്ച് അഭിനയിക്കണമെന്നാണ് ആഗ്രഹം! മുന്പ് നടക്കാതെ പോയതിനെ പറ്റി നടി വിദ്യ ബാലന് -
'അഴിച്ചുവിട്ട' മുതലിനെ ഏറ്റുവാങ്ങാൻ സമയമായി! നേരേ ഫ്ലിപ്പ്കാർട്ടിലേക്ക് വിട്ടോ, ദേ ഇത് വാങ്ങിക്കോ -
നിസ്സാര കാര്യത്തിന് പിണങ്ങുന്ന പങ്കാളി, ബ്രേക്ക് അപ്പ് ആകാതെ ബന്ധം കാക്കാന് 7 കാര്യം -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
കുട്ടികളുടെ നഗ്നദൃശ്യം പ്രചരിപ്പിച്ച യുവാവ് തൃശൂരില്‍ അറസ്റ്റില്‍; ഓപറേഷന്‍ പി ഹണ്ട് തുടങ്ങി
തൃശൂര്‍: കുട്ടികളുടെ നഗ്‌നചിത്രം ഇന്റര്‍നെറ്റിലൂടെ പ്രചരിപ്പിച്ചയാള്‍ അറസ്റ്റില്‍. വെള്ളറക്കാട് എടക്കളത്തൂര്‍ വീട്ടില്‍ സാന്‍ജോ ജെയിംസ് (22) ആണ് അറസ്റ്റിലായത്. ഇയാള്‍ക്കെതിരെ ഇന്‍ഫര്‍മേഷന്‍ ടെക്‌നോളജി ആക്ട് പ്രകാരം കേസ് രജിസ്റ്റര്‍ ചെയ്തു. ഇയാള്‍ കുട്ടികളുടെ നഗ്‌നചിത്രങ്ങള്‍ ഇന്റര്‍നെറ്റ് വഴി ഡൌണ്‍ലോഡ് ചെയ്ത് ശേഖരിച്ചുവെക്കുന്നതും പ്രചരിപ്പിക്കുന്നതും പോലീസ് സൈബര്‍സെല്‍ വിഭാഗം നിരീക്ഷിച്ചു വരികയായിരുന്നു. കുട്ടികളുടെ നഗ്‌നചിത്രങ്ങളും വീഡിയോകളും ഫോട്ടോകളുമടങ്ങിയ ടാബ്‌ലെറ്റ് പ്രതിയില്‍ നിന്നും പോലീസ് പിടിച്ചെടുത്തു.
കുട്ടികളുടെ നഗ്‌നചിത്രം ഇന്റര്‍നെറ്റിലൂടെ കാണുന്നവരേയും പ്രചരിപ്പിക്കുന്നവരേയും പിടികൂടുന്നതിനായി കേരളാ പോലീസ് സംസ്ഥാനവ്യാപകമായി ഓപ്പറേഷന്‍ പി ഹണ്ട് എന്ന പേരില്‍ റെയ്ഡ് നടത്തി. തൃശൂര്‍ സിറ്റിപോലീസ് എരുമപ്പെട്ടി പോലീസ് സ്റ്റേഷന്‍ ഇന്‍സ്‌പെക്ടര്‍ കെ.കെ.ഭൂപേഷിന്റെ നേതൃത്വത്തില്‍ നടത്തിയ റെയ്ഡിലാണ് ജെയിംസ് അറസ്റ്റിലായത്. സംസ്ഥാനത്തിന്റെ വിവിധ ഭാഗങ്ങളിലായി 47 പേരാണ് പിടിയിലായത്.
പ്രായപൂര്‍ത്തിയാകാത്ത കുട്ടികളുടെ നഗ്‌നചിത്രങ്ങള്‍ ഡൌണ്‍ലോഡ് ചെയ്യുന്നതും സൂക്ഷിക്കുന്നതും കാണുന്നതും പ്രചരിപ്പിക്കുന്നതും അഞ്ചു വര്‍ഷം വരെ കഠിനതടവ് ശിക്ഷ ലഭിക്കാവുന്ന കുറ്റകൃത്യമാണ്. ഇത്തരക്കാരെ സൈബര്‍സെല്‍ വിഭാഗം നിരീക്ഷിച്ചു വരുന്നുണ്ട്. കുട്ടികള്‍ക്കെതിരായ ലൈഗികാതിക്രമങ്ങള്‍ വര്‍ദ്ധിച്ചുവരുന്ന സാഹചര്യത്തില്‍ നിരീക്ഷണം ഇനിയും ശക്തമാക്കുമെന്ന് പോലീസ് അറിയിച്ചു.
പ്രതിയെ പിടികൂടിയ സംഘത്തില്‍ ഇന്‍സ്‌പെക്ടര്‍ കെകെ ഭൂപേഷ്, സബ് ഇന്‍സ്‌പെക്ടര്‍ സിആര്‍ രാജീവ്, അസിസ്റ്റന്റ് സബ് ഇന്‍സ്‌പെക്ടര്‍ സുധീഷ്, സിപിഒ മാരായ സുജു, ജംഷീന, സൈബര്‍സെല്‍ സിപിഒ ധനില്‍ദാസ് എന്നിവരാണുണ്ടായിരുന്നത്.
