ക്വാറന്റൈന് ലംഘിച്ച് കറക്കം; വാഹന പരിശോധനക്കിടെ പെട്ടു, കേച്ചേരി സ്വദേശികള് പിന്നീട് പറഞ്ഞത്...
തൃശൂര്: കോയമ്പത്തൂരില് നിന്ന് വന്ന് ഹോം ക്വാറന്റൈനില് കഴിയവെ നിര്ദേശം ലംഘിച്ച് കറക്കം. ഒടുവില് പോലീസ് പരിശോധനയില് കുടുങ്ങി. കേച്ചേരി സ്വദേശികളായ രണ്ടു പേരാണ് കുന്ദംകുളം പോലീസിന്റെ പിടിയിലായത്. കമ്മീഷണറെ കാണാന് പോകുകയാണെന്നാണ് പോലീസിനോട് പറഞ്ഞത്. വിശദമായി അന്വേഷിച്ചപ്പോള് സംഭവം മറ്റൊന്നായിരുന്നു. ഒടുവില് ഹോം ക്വാറന്റൈന് ലംഘിച്ചതിന് ഇരുവര്ക്കുമെതിരെ കേസെടുത്തു.
രണ്ടു പേര്ക്കും രോഗ ലക്ഷണങ്ങളില്ല. തുടര്ന്ന് പെയ്ഡ് കെയര് സെന്ററിലേക്ക് മാറ്റാന് തീരുമാനിച്ചു. കഴിഞ്ഞ ദിവസങ്ങളിലും തൃശൂര് ജില്ലയില് സമാനമായ സംഭവങ്ങളുണ്ടായരുന്നു. ദില്ലിയില് നിന്ന് ട്രെയിനില് എറണാകുളത്തെത്തിയ കോട്ടയം സ്വദേശി ദേശമംഗലത്ത് പോകാന് തൃശൂരില് എത്തുകയായിരുന്നു. ഇയാള് നഗരത്തിലെ പല ഭാഗങ്ങളിലും കറങ്ങി നടന്നു. ഒടുവില് പോലീസ് പിടികൂടി മെഡിക്കല് കോളജ് ആശുപത്രിയില് പ്രവേശിപ്പിച്ചു.
അഞ്ചാംഘട്ട ലോക്ക്ഡൗണില് വന് ഇളവ്; യാത്രാ നിയന്ത്രണം നീക്കി, നിശാ നിയമം സമയം കുറച്ചു
കഴിഞ്ഞദിവസം കൊടുങ്ങല്ലൂരില് നിന്ന് റിപ്പോര്ട്ട് ചെയ്തത് മറ്റൊരു സംഭവമായിരുന്നു. ബെംഗളൂരുവില് നിന്ന് എറിയാട് സ്വദേശി ബസിലാണ് കൊടുങ്ങല്ലൂരെത്തിയത്. ക്വാറന്റീന് സൗകര്യം വീട്ടിലുണ്ടെന്ന് പറഞ്ഞ് പാസ് തരപ്പെടുത്തി നാട്ടിലെത്തിയ ഇയാള് മുങ്ങുകയായിരുന്നു. കൊടുങ്ങല്ലൂര് സ്റ്റാന്റിലും മറ്റുമായി ഇയാള് കറങ്ങി. വിളിച്ചപ്പോള് ഫോണ് കട്ട് ചെയ്തു. ഇതോടെ അധികൃതര് അങ്കലാപ്പിലായി. ഒടുവില് പോലീസ് സഹായത്തോടെ ചന്തപ്പുര-എറിയാട് റോഡില് നിന്ന് പൊക്കിയപ്പോള് ക്വാറന്റീന് സൗകര്യം വീട്ടിലില്ല എന്ന് പറഞ്ഞു. മാരിടൈം ഇന്സ്റ്റിറ്റൂട്ടിലെ കേന്ദ്രത്തില് നിരീക്ഷണത്തിലാക്കിയാണ് പ്രശ്നം അവസാനിപ്പിച്ചത്.
കര്ണാടക ഞായറാഴ്ച ലോക്ക്ഡൗണ് പിന്വലിച്ചു; കൊറോണ പരിശോധനയ്ക്ക് 650 രൂപ, തിരഞ്ഞെടുപ്പ് നീട്ടി
കൊറോണയേക്കാള് വീര്യമുള്ള വൈറസ്!! 400 കോടി ജനങ്ങള് മരിക്കും, വ്യാപിക്കുക കോഴിഫാമുകളില് നിന്ന്
നരേന്ദ്ര മോദിയുടെ ആഡംബര ജീവിതം!! ഫോട്ടോ പുറത്തുവിട്ട് കോണ്ഗ്രസ് വെട്ടിലായി, രൂക്ഷ വിമര്ശനം
മാസങ്ങള്ക്ക് ശേഷം പൃഥ്വിരാജ് വീട്ടിലേക്ക് മടങ്ങി; എങ്കിലും തീര്ന്നില്ല... താരത്തിന്റെ പ്രതികരണം...