• search
  • Live TV
തൃശൂർ വാർത്തകൾക്ക്
നോട്ടിഫിക്കേഷൻ അനുവദിക്കൂ  

അവസര നിഷേധം; സമര വേദിയില്‍ മോഹിനിയാട്ടം അവതരിപ്പിച്ച് ആര്‍എല്‍വി രാമകൃഷ്ണന്റെ പ്രതിഷേധം

തൃശൂര്‍: തൃശൂരിലെ സംഗീത നാടക അക്കാദമിക്ക് മുന്നില്‍ നാടകപ്രവര്‍ത്തകരുടെ സംഘടനയായ നാടക് നടത്തിവരുന്ന പ്രതിഷേധസമരത്തില്‍ മോഹിനിയാട്ടം അവതരിപ്പിച്ച് ആര്‍എല്‍വി രാമകൃഷ്ണന്‍. കേരള സംഗീത നാടക അക്കാദമി നടത്തുന്ന സര്‍ഗഭൂമിക പരിപാടിയില്‍ നൃത്തം അവതരിപ്പിക്കാന്‍ മോഹിനിയാട്ടം കലാകാരന്‍ ആര്‍എല്‍വി രാമകൃഷ്ണന് അവസരം നല്‍കാത്തതില്‍ പ്രതിഷേധിച്ചാണ് സമരം. രാമകൃഷ്ണന് അവസരം നിഷേധിച്ച് ഒരു മാസങ്ങള്‍ക്ക് ശേഷമാണ് പ്രതിഷേധ സമരവുമായി രാമകൃഷ്ണന്‍ രംഗത്തെത്തുന്നത്.

cmsvideo
    തൃശ്ശൂര്‍; അവസര നിഷേധം;സമര വേദിയിൽ മോഹിനിയാട്ടം അവതരിപ്പിച്ച് ആർഎൽവി രാമകൃഷ്ണന്റെ പ്രതിഷേധം

    സംഗീത നാടക അക്കാദമി നൃത്തം അവതരിപ്പിക്കുന്നതിന് അവസരം നല്‍കിയില്ലെന്ന വിവാദങ്ങള്‍ക്കിടെ നടന്‍ കലാഭവന്‍ മണിയുടെ സഹോദരന്‍ കൂടിയായ ആര്‍എല്‍വി രാമകൃഷ്ണന്‍ ആത്മഹത്യയ്ക്ക് ശ്രമിച്ചിരുന്നു. സംഗീത നാടക അക്കാദമി സെക്രട്ടറി രാധാകൃഷ്ണന്‍ നായര്‍ തനിക്ക് അവസരം നിഷേധിച്ചുവെന്ന് ആര്‍എല്‍വി രാമകൃഷ്ണന്‍ ഫേസ്ബുക്ക് പോസ്റ്റിലാണ് വെളിപ്പെടുത്തുന്നത്. ഇത് സംബന്ധിച്ച് പിന്നീട് മുഖ്യമന്ത്രിയ്ക്ക് പരാതിയും നല്‍കിയിരുന്നു.

    രാമകൃഷ്ണന് നൃത്തം അവതരിപ്പിക്കാന്‍ അവസരം നല്‍കിയാല്‍ ധാരാളം വിമര്‍ശനം ഉണ്ടാകും. അന്തിവരെ വെള്ളം കോരിയിട്ട് ഞങ്ങള്‍ അവസാനം കുടം ഉടയ്‌ക്കേണ്ടല്ലോ. അവസരം തരികയാണെങ്കില്‍ സംഗീത നാടക അക്കാദമിയുടെ ഇമേജ് നഷ്ടപ്പെടും'. എന്ന് തന്നോട് പറഞ്ഞതായി ആര്‍എല്‍വി രാമകൃഷ്ണനെ ഉദ്ധരിച്ച് ഏഷ്യാനെറ്റ് ന്യൂസ് റിപ്പോര്‍ട്ട് ചെയ്തിരുന്നു. തന്നെപ്പോലെ പട്ടികജാതിയില്‍പ്പെട്ട ഒരാള്‍ക്ക് അവസരം നല്‍കില്ലെന്ന ധാര്‍ഷ്ട്യമാണ് അദ്ദേഹത്തെക്കൊണ്ട് അങ്ങനെ ചെയ്യിപ്പിച്ചതെന്നും രാമകൃഷ്ണനെ ഉദ്ധരിച്ച് ഏഷ്യാനെറ്റ് ന്യൂസ് ഓണ്‍ലൈന്‍ റിപ്പോര്‍ട്ട് ചെയ്തിരുന്നു.

    Thrissur

    English summary
    RLV Ramakrishnan performs Mohiniyattam during a protest in front of the Sangeetha Nataka Academy
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X