കൊരട്ടി ഗവ. പ്രസ് അടച്ച് പൂട്ടുന്ന നടപടി പിന്വലിക്കുന്നത് സംബന്ധിച്ച കോടതി വിധി അനുകൂലമാകുമെന്ന പ്രതീക്ഷയില് ജീവനക്കാര്
തൃശൂര്: ചാലക്കുടി കൊരട്ടി ഗവ. പ്രസ് അടച്ച് പൂട്ടുന്ന നടപടി പിന്വലിക്കുന്നത് സംബന്ധിച്ച കോടതി വിധി അനുകൂലമാകുമെന്ന പ്രതീക്ഷയിലാണ് ജീവനക്കാര്. ഇത് സംബന്ധിച്ച കേസ് ജൂലൈ മാസത്തില് കോടതി പരിഗണിക്കും. വിധി തങ്ങള്ക്ക് അനുകൂലമാകുമെന്നാണ് ഇവരുടെ പ്രതീക്ഷ. വൈഗ ത്രെഡ്സിന് പിന്നാലെ കൊരട്ടിയുടെ ശോഭ കെടുത്തി ഗവ. പ്രസും അടച്ചുപൂട്ടുമെന്ന ജീവനക്കാരുടേയും നാട്ടുകാരുടേയും ഭയത്തിന് ഇപ്പോള് താത്കാലിക ശമനമായിരിക്കുകയാണ്.
കോടതിവിധി അനുകൂലമാകണമെന്നാണ് ഇവരുടെ പ്രാര്ഥന. ഒരുകാലത്ത് കൊരട്ടിയുടെ പ്രതാപമായിരുന്നു വൈഗ ത്രെഡ്സും ഗവ. പ്രസും. ജമുന കമ്പനി, മദുര കോട്സ് പിന്നീട് വൈഗ ത്രെഡ്സുമായി മാറിയ ദക്ഷണേന്ത്യയിലെ പേരുകേട്ട നൂല് നിര്മാണ കമ്പനിയുടെ തിരോധാനത്തിന് ചുവട് പിടിച്ച് ഇപ്പോള് ഗവ. പ്രസും അടച്ചുപൂട്ടല് ഭീഷണി നേരിടുകയാണ്. വൈഗ ത്രെഡ്സ് അടച്ച് പൂട്ടിയിട്ട് വര്ഷങ്ങളായി.
ഇപ്പോള് ഗവ. പ്രസും അടച്ചുപൂട്ടലിന്റെ വക്കിലെത്തി നില്ക്കുകയാണ്. കേന്ദ്രമന്ത്രിയായിരുന്ന പനമ്പിള്ളി ഗോവിന്ദമേനോന്റെ ശ്രമഫലമായാണ് അമ്പത്തിയൊന്ന് വര്ഷങ്ങള്ക്ക് മുമ്പ് കൊരട്ടിയില് ഗവ. പ്രസ് ആരംഭിച്ചത്. കറന്സി നോട്ടുകളടക്കമുള്ള സംവിധാനങ്ങളോട് കൂടിയുള്ള പ്രസാണ് ആരംഭിച്ചത്. എന്നാല് തപാല് സ്റ്റാമ്പ്, റെയില്വേ-സെയില്സ് ടാക്സ് എന്നീ വകുപ്പുകള്ക്കാവശ്യമായ വിവിധ ഫോമുകളാണ് ഇവിടെ അച്ചടിച്ചിരുന്നത്. ഇവിടത്തെ അച്ചടി മികവിന് നിരവധി പരുസ്കാരങ്ങളും ലഭിച്ചിട്ടുണ്ട്. ഇതിന്റെ അടിസ്ഥാനത്തില് പ്രസിന്റെ ആധുനികവത്കരണത്തിന്റെ ഭാഗമായി 333 പുതിയ തസ്തികകളും ഇവിടെ അനുവദിച്ചിരുന്നു.
ഇതേതുര്ന്ന് 140 തസ്തികളിലേക്ക് നിയമനം നടത്താന് 2007ല് അപേക്ഷ ക്ഷണിച്ചു. നടപടികള് പുരോഗമിക്കുന്നതിനിടെ 2008 ഏപ്രില് മാസത്തില് നിയമന നടപടികള് നിര്ത്തിവയ്ക്കാന് ആവശ്യപ്പെട്ട് ഉത്തരവിറങ്ങി. പിന്നീട് ആറ് വര്ഷങ്ങള്ക്ക് ശേഷമാണ് നിരോധനം നീങ്ങിയത്. 2013ല് വീണ്ടും നിയമനം നടത്താന് സര്ക്കാര് ഉത്തരവായി. കൊരട്ടി ഗവ. പ്രസിനൊപ്പം രാജ്യത്തെ 12 പ്രസുകള്ക്കും ഇത്തരത്തിലുള്ള നിയമനം സര്ക്കാര് നോട്ടിഫിക്കേഷന് ലഭിച്ചു. 441 പോസ്റ്റുകളിലേക്കുള്ള നിയമനത്തിന്റെ നോട്ടിഫിക്കേഷനാണ് കൊരട്ടി പ്രസിന് ലഭിച്ചത്. ആയിരക്കണക്കിനാളുകള് ഒഴിവുകളിലേക്ക് അപേക്ഷിച്ചു. ഇതിന്റെ പ്രവൃത്തികള് അതിവേഗം നടക്കുന്നതിനിടെ ഡിംസബറില് അപ്രതീക്ഷിതമായി നിയമനം നിര്ത്തിവയ്ക്കാന് ആവശ്യപ്പെട്ടുകൊണ്ടുള്ള ഉത്തരവിറങ്ങി. അതോടെ പ്രസിന്റെ ഉന്നതിയെ കുറിച്ചുള്ള പ്രതീക്ഷ ഇല്ലാതായി. നിയമനം നടത്താതിനെ തുടര്ന്ന് ഇപ്പോള് 24 ജീവനക്കാര് മാത്രമാണ് ഇവിടെയുള്ളത്.
ജീവനക്കാരെ പിരിച്ചുവിടാതെ മറ്റു പ്രസുകളിലേക്ക് ലയിപ്പിക്കാനാണ് സര്ക്കാര് തീരുമാനം. കേരളത്തില് ഇനി സര്ക്കാര് പ്രസുകള് ഉണ്ടാകില്ലെന്നതിനാല് റിട്ടയര് പ്രായത്തോട് അടുത്തുള്ള ജീവനക്കാര് ഉള്പ്പെടെ ഉത്തരേന്ത്യയിലെ പ്രസുകളിലേക്ക് പോകേണ്ടി വരുമോയെന്ന ആശങ്കയാണ് ജീവനക്കാര്ക്ക്. കൊരട്ടി പ്രസടക്കം രാജ്യത്തെ ഒമ്പത് പ്രസുകള് അടച്ചു പൂട്ടാനാണ് നീക്കം നടക്കുന്നത്. പ്രസുകള് പൂട്ടണമെന്നാവശ്യപ്പെട്ട് 31 എം.പിമാര് അടങ്ങിയ കമ്മിറ്റിയുടെ റിപ്പോര്ട്ട് പ്രസുകളെ കുറിച്ച് പഠിക്കാന് സര്ക്കാര് നിയോഗിച്ച പാര്ലിമെന്റ് കമ്മിറ്റി നേരത്തെ തള്ളിയിരുന്നു. സര്ക്കാര് പ്രസുകള് നവീകരിച്ച് പ്രവര്ത്തിക്കുകയാണ് വേണ്ടതെന്നാണ് കമ്മിറ്റി സര്ക്കാരിന് നല്കിയ റിപ്പോര്ട്ടില് പറയുന്നത്. ഈ റിപ്പോര്ട്ട് പരിഗണിക്കാതെ ഗവ. പ്രസുകള് അടച്ചുപൂട്ടാനൊരുങ്ങുകയാണ് അധികൃതര്. കോടതിവിധി അനുകൂലമായാല് പ്രസ് നിലനിര്ത്താനാകുമെന്നാണ് പ്രതീക്ഷ.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google