കണ്ണനു മുന്നില് ജീവന് വെടിയാനെത്തി:കമിതാക്കള്ക്ക് പോലീസ് കൊടുത്ത് 'എട്ടി'ന്െ്റ പണി, ലോഡ്ജില്
തൃശൂര്: പ്രേമ സ്വരൂപനായ കണ്ണനു മുന്നില് ജീവനവസാനിപ്പിക്കാനായി എത്തിയ കമിതാക്കളുടെ ശ്രമം പോലീസ് തടഞ്ഞു. പോലീസിന്റെ സമയോജിത ഇടപെടലിനെതുടര്ന്ന് ഗുരുവയൂരില് സ്വകാര്യ ലോഡ്ജില് ആത്മഹത്യക്ക് ശ്രമിച്ച മുതിര്ന്ന കമിതാക്കളുടെ ജീവന് രക്ഷിക്കാനായി. ജീവന് തിരിച്ചു കിട്ടിയതില് ആശ്വാസത്തിന് പകരം അപമാനവും പ്രശ്നങ്ങളുമാണ് ഇവരെ കാത്തിരിക്കുന്നത്. അപസര്പ്പക കഥകളെ വെല്ലുന്ന നാടകീയ രംഗങ്ങളാണ് ഗുരുവായൂരിലെ ലോഡ്ജിലുണ്ടായത്.
കൊയിലാണ്ടി സ്വദേശികളായ മുതിര്ന്ന കുട്ടികളുടെ അമ്മയും, വിവാഹിതനായ ആളുമാണ് ഗുരുവായൂരിലെത്തിയത്. ഒരിമിച്ച് ജീവിക്കാന് കഴിയില്ല എന്ന് മനസിലായതോടെയാണ് ഇവര് മരിക്കാന് തീരുമാനിച്ചത്. മരിക്കാന് തെരഞ്ഞെടുത്തത് ഗുരുവായൂരും.
കമിതാക്കള് ഗുരുവായൂരിലുണ്ടെന്ന് സൂചന ലഭിച്ച ബന്ധുക്കള് തിങ്കാളാഴ്ച രാത്രി 10ഓടെ ഗുരുവായൂര് ടെമ്പിള് പോലീസ് സ്റ്റേഷനിലെത്തി പരാതി അറിയിച്ചു. പരാതി കിട്ടിയതോടെ പോലീസ് ഉണര്ന്നു പ്രവര്ത്തിച്ചു. ഊര്ജിതമായ അന്വേഷണത്തില് രാത്രി ഒന്നരയോടെ ഇവര് താമസിച്ചിരുന്ന സ്ഥലം കണ്ടെത്തി.
മുട്ടിവിളിച്ചിട്ടും വാതില് തുറക്കാതെ ആയതോടെ പോലീസ് വാതില് ചവിട്ടി തുറന്ന് അകത്ത് കയറി. ഇരുവരും കൈഞരമ്പ് മുറിച്ചും കഴുത്തില് ബ്ലേഡ് കൊണ്ട് മുറിവേല്പ്പിച്ചും രക്തം വാര്ന്ന നിലയിലായിരുന്നു. ഉടന് തന്നെ ഇരുവരേയും മുതുവട്ടൂരിലെ ആശുപത്രിയിലും തുടര്ന്ന് തൃശൂര് ഗവ. മെഡിക്കല് കേളജിലും പ്രവേശിപ്പിച്ചു.