Click it and Unblock the Notifications
Just In
Don't Miss
-
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ -
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
ഫേസ്ബുക്ക് സൗഹൃദത്തിലൂടെ സ്വര്‍ണം തട്ടി: യുവാവും സഹായിയായ യുവതിയും അറസ്റ്റില്‍, സംഭവം തൃശൂരില്‍!
തൃശൂര്‍: ഫേസ്ബുക്ക് സൗഹൃദത്തിലൂടെ വീട്ടമ്മയും ഗള്‍ഫുകാരന്റെ ഭാര്യയുമായ യുവതിയുടെ 70 പവന്‍ ആഭരണങ്ങള്‍ തട്ടിയെടുത്ത യുവാവും സഹായിയായ പെണ്‍സുഹൃത്തും അറസ്റ്റില്‍. നിരവധി തട്ടിപ്പുകേസുകളില്‍ പ്രതിയായ പൊന്നാനി ഇഴവതുരുത്തി തെയ്യനാട് വള്ളിക്കാട്ടില്‍ സെബിന്‍ (30), സഹായിയും പെണ്‍സുഹൃത്തുമായ പൊന്നാനി നായരങ്ങാടി ഹയറുന്നിസ (നിഷ - 38) എന്നിവരെയാണ് സി.ഐ. കെ.ജി. സുരേഷ്, അഡീഷണല്‍ എസ്.ഐ. സന്തോഷ്, എ.എസ്.ഐ. ഗോപി, സിവില്‍ പോലീസ് ഓഫീസര്‍മാരായ താജി, ജാന്‍സി, ബാബുരാജ് എന്നിവരടങ്ങുന്ന സംഘം അറസ്റ്റു ചെയ്തത്.
പൊന്നാനി എരമംഗലത്തുനിന്ന് കുന്നംകുളം പാറമ്പാടം കമ്പിപ്പാലത്തേക്ക് വിവാഹം ചെയ്തുകൊണ്ടുവന്ന ഗള്‍ഫുകാരന്റെ ഭാര്യയും ഒരു കുട്ടിയുടെ അമ്മയുമായ യുവതിയുടെ 70 പവന്‍ ആഭരണങ്ങളാണ് ഇരുവരും ചേര്‍ന്ന് തട്ടിയെടുത്തത്. യുവതിയും രണ്ടു വയസുള്ള മകനും കമ്പിപ്പാലത്തെ വീട്ടിലാണ് താമസിച്ചിരുന്നത്. യുവതി വീട്ടില്‍ അണിഞ്ഞിരുന്ന ആഭരണങ്ങളില്‍ ഭര്‍ത്തൃസഹോദരി സംശയം പ്രകടിപ്പിച്ചിരുന്നു. യുവതി അണിഞ്ഞിരുന്നത് മുക്കുപണ്ടങ്ങളായിരുന്നു. ഭര്‍തൃ സഹോദരിയുടെ ചോദ്യം ചെയ്യലില്‍ ആഭരണങ്ങളെല്ലാം രണ്ടുപേര്‍ക്ക് വായ്പ നല്‍കിയതായി യുവതി വെളിപ്പെടുത്തി.
യുവതിക്ക് വിവാഹസമയത്ത് പിതാവ് 60 പവന്‍ ആഭരണങ്ങള്‍ നല്‍കിയിരുന്നു. 10 പവന്‍ മകന്റെ ആഭരണങ്ങളാണ്. അറസ്റ്റിലായ സെബിന്‍ ഒരു വര്‍ഷമായി യുവതിയുമായി ഫേസ്ബുക്ക് വഴി സൗഹൃദത്തിലായിരുന്നു. നിരന്തരമായ മൊബൈല്‍ ചാറ്റിങ്ങിലൂടെ ഇരുവരും അടുത്തു. യുവാവിന്റെ സഹായിയും പെണ്‍സുഹൃത്തുമായ ഹയറുന്നിസയും യുവാവ് വഴി യുവതിയുമായി അടുപ്പത്തിലായി. ഹയറുന്നിസയുടെ ഭര്‍ത്താവ് ഗള്‍ഫിലാണ്. സെബിയും ഹയറുന്നിസയും ചേര്‍ന്നാണ് യുവതിയുമായി അടുപ്പത്തിലായത്. മൂന്നുപേരും പലപ്പോഴും ബന്ധുക്കളുടെ വീടുകളിലേക്കെന്ന് പറഞ്ഞ് പുറത്ത് യാത്ര ചെയ്യാറുണ്ട്.
കഴിഞ്ഞ മൂന്നു മാസത്തിനിടെയാണ് വിവിധ കാരണങ്ങള്‍ പറഞ്ഞ് സെബിന്‍ 30 പവനും ഹയറുന്നിസ 40 പവനും തട്ടിയെടുത്തത്. സെബിന്‍ കാര്‍ വാങ്ങാനെന്ന വ്യാജേനയാണ് അവസാനമായി ആഭരണങ്ങള്‍ തട്ടിയെടുത്തത്. ഭര്‍ത്തൃസഹോദരി സംഭവം ഗള്‍ഫിലുള്ള പിതാവിനോടും സഹോദരനായ യുവതിയുടെ ഭര്‍ത്താവിനോടും സൂചിപ്പിച്ചു. തുടര്‍ന്നാണ് ഇവര്‍ നാട്ടിലെത്തിയശേഷം യുവതിയെകൊണ്ട് പോലീസില്‍ പരാതി നല്‍കിയത്.
തട്ടിയെടുത്ത ആഭരണങ്ങള്‍ രണ്ടു സ്വകാര്യ ബാങ്കിങ് പണമിടപാട് സ്ഥാപനങ്ങളില്‍ പണയംവച്ച് പണം തട്ടിയെടുത്തതായി പോലീസ് കണ്ടെത്തിയിട്ടുണ്ട്. സേവാഭാരതി സംഘടനയുടെ പ്രവര്‍ത്തകനായ സെബിന്‍ സോഷ്യല്‍ മീഡിയായില്‍ ബി.ജെ.പി യുടെ സൈബര്‍ വക്താവുകൂടിയാണ്. പല തട്ടിപ്പു കേസുകളിലും ഇരുവരും പ്രതികളാണെന്ന് പോലീസ് പറഞ്ഞു.
