Click it and Unblock the Notifications
Just In
Don't Miss
-
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ -
കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ് -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം -
IPL 2024: ജയം തുടരാന് ഡല്ഹി, കണക്കുവീട്ടാന് ഗുജറാത്ത്; ടോസ് 7 മണിക്ക് -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
ഗുഡ്‌സ് കംപാര്‍ട്ട്‌മെന്റില്‍നിന്ന് നായ കുരച്ചുചാടി; കമ്പിയില്‍ തൂങ്ങിയ ഗാര്‍ഡിനെ ചങ്ങല വലിച്ചു രക്ഷപ്പെടുത്തി
തൃശൂര്‍: ട്രെയിനിനു സിഗ്നല്‍ നല്‍കിയ ശേഷം കോച്ചില്‍ കയറിയ ഗാര്‍ഡിനു നേരേ നായ കുരച്ചുചാടിയതിനാല്‍ അപകടത്തില്‍പ്പെട്ട ഗാര്‍ഡിനെ ചങ്ങല വലിച്ചു നിര്‍ത്തി രക്ഷപ്പെടുത്തി. ഷൊര്‍ണൂരില്‍നിന്നു ഡ്യൂട്ടിക്ക് കയറിയ രാമമൂര്‍ത്തിയാണ് അദ്ഭുതകരമായി രക്ഷപ്പെട്ടത്.
പുറത്തേക്ക് വീഴാതിരിക്കാന്‍ വാതിലിനോട് ചേര്‍ന്ന കമ്പിയില്‍ അദ്ദേഹം പിടിച്ചുനിന്നു. ഇതിനിടെ ഗാര്‍ഡിനെയും വലിച്ചിഴച്ച് ട്രെയിന്‍ സ്‌റ്റേഷനില്‍നിന്നു മുന്നോട്ടുനീങ്ങി. തൊട്ടുമുന്നിലെ കോച്ചിലെ യാത്രികന്‍ ചങ്ങല വലിച്ചതിനെത്തുടര്‍ന്നാണു ട്രെയിന്‍ നിര്‍ത്തിയത്. ഇന്നലെ ഉച്ചയോടെ മംഗലാപുരത്തുനിന്നു തിരുവനന്തപുരത്തേക്ക് പോയ പരശുറാം എക്‌സ്പ്രസിലാണ് സംഭവം.
ട്രെയിന്‍ സ്‌റ്റേഷനിലെത്തിയപ്പോള്‍ ഗുഡ്‌സ് കംപാര്‍ട്ട്‌മെന്റില്‍നിന്ന് സാധനങ്ങള്‍ ഇറക്കാനും കയറ്റാനും രാമമൂര്‍ത്തി നിര്‍ദേശം നല്‍കി. ട്രെയിന്‍ വിടാറായപ്പോഴാണ് തമിഴ്‌നാട് സ്വദേശിയായ യുവതി പട്ടിയെ ഗാര്‍ഡിന്റെ കോച്ചിലുള്ള കൂട്ടിനകത്തേക്ക് കയറ്റിയത്. ട്രെയിന്‍ വിടാന്‍ സമയമായതിനാല്‍ യുവതി തിടുക്കത്തില്‍ ഇറങ്ങി. കൂട് നന്നായി പൂട്ടിയിരുന്നില്ല.
എന്നാല്‍, ട്രെയിന്‍ നീങ്ങാന്‍ വയര്‍ലെസിലൂടെ നിര്‍ദേശം നല്‍കിയതിന് ശേഷം കോച്ചില്‍ കയറിയപ്പോഴായിരുന്നു രാമമൂര്‍ത്തിക്ക് നേരേ നായ കുരച്ചു ചാടിയത്. അവിചാരിതമായ കുരയില്‍ പേടിച്ചു പിന്നോട്ടേക്ക് ചായുന്നതിനിടയിലായിരുന്നു അപകടത്തില്‍പ്പെട്ടത്. കാല്‍മുട്ട് ട്രാക്കിലുരച്ച് കമ്പിയില്‍ തൂങ്ങിപ്പിടിച്ച ഗാര്‍ഡുമായി ട്രെയിന്‍പോകുന്നത് കണ്ട യാത്രക്കാര്‍ ബഹളം കൂട്ടിയപ്പോഴാണ് തൊട്ടുമുന്നിലെ കോച്ചിലിരുന്ന ഹിന്ദിക്കാരന്‍ ചങ്ങല വലിച്ചത്. ഗാര്‍ഡിനു മുട്ടുരഞ്ഞ് ചെറിയ പരുക്കുണ്ടായി. ക്ഷീണിതനായ അദ്ദേഹത്തെ ആശുപത്രിയിലേക്ക് മാറ്റി. മറ്റൊരു ഗാര്‍ഡിനെ വച്ച് അരമണിക്കൂറിന് ശേഷം ട്രെയിന്‍ പുറപ്പെട്ടു.
