Click it and Unblock the Notifications
Just In
Don't Miss
-
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
കനത്ത മഴയിലും തൃശ്ശൂർ വടക്കുംനാഥ സന്നിധിയിൽ ആനയൂട്ടിന് ആയിരങ്ങളെത്തി.. ചിത്രങ്ങൾ!
തൃശൂര്‍: രാമായണമാസാചരണത്തിന് തുടക്കം കുറിച്ച് വടക്കുന്നാഥക്ഷേത്രത്തില്‍ ആനയൂട്ട്. കര്‍ക്കടകപിറവിദിനത്തില്‍ നടക്കുന്ന ആനയൂട്ടില്‍ എഴുപതോളം ഗജവീരന്മാരാണ് പങ്കെടുക്കുന്നത്.. ആനയൂട്ടിനോടനുബന്ധിച്ച് മഹാഗണപതിഹോമവും നടത്തി. വടക്കുനാഥക്ഷേത്രക്ഷേമസമിതി, ആനയൂട്ടിനുള്ള സമിതി എന്നിവയുടെ ആഭിമുഖ്യത്തിലാണ് ചടങ്ങ്.
രാമായണ മാസാരംഭമായ കര്‍ക്കടകം ഒന്നിനാണ് എല്ലാവര്‍ഷവും വടക്കുംനാഥ ക്ഷേത്രത്തില്‍ ആനയൂട്ട് നടത്തുന്നത്. ഗജവീരന്‍മാരെ കാണാന്‍ ആനപ്രേമികളുമെത്തും. ഗണേശ പ്രീതിയ്ക്കും സര്‍വൈശ്വര്യത്തിനുമായാണ് അഷ്ടദ്രവ്യ മഹാഗണപതി ഹോമവും ആനയൂട്ടും നടത്തുന്നത്.
10,0008 നാളികേരമുപയോഗിച്ചുള്ള മഹാഗണപതിഹോമം അപൂര്‍വമായാണ് നടത്തുന്നത്. ഇതിന് തന്ത്രി പുലിയന്നൂര്‍ ശങ്കരനാരായണന്‍ നമ്പൂതിരി കാര്‍മികത്വം വഹിക്കുന്നു. മേല്‍ശാന്തി ചെറുമുക്ക് ശ്രീരാജ് നാരായണന്‍ നമ്പൂതിരി യാണ് സഹകാര്‍മികൻ. അമ്പതോളം പേരാണ് പങ്കെടുക്കുന്നത്.
പുലര്‍ച്ചെ അഞ്ചരയോടെയാണ് മഹാഗണപതിഹോമ ചടങ്ങുകള്‍ക്ക് തുടക്കമായത്. മുവായിരത്തിഅഞ്ഞൂറ് കിലോ ശര്‍ക്കര, ആയിരത്തി അഞ്ഞൂറ് കിലോ അവില്‍, അഞ്ഞൂറ് കിലോ മലര്‍, മുന്നൂറ് കിലോ നെയ്യ്, കരിമ്പ്, എള്ള്, അമ്പത് കിലോ തേന്‍, ഗണപതിനാരങ്ങ എന്നിവ ഉപയോഗിച്ചാണ് ഗണപതി ഹോമത്തിനുള്ള പ്രസാദം തയാറാക്കുന്നത്.
രാവിലെ ഒമ്പതരയോടെയാണ് വടക്കുന്നാഥക്ഷേത്ര മതില്‍ക്കകത്ത് കരിവീരന്മാര്‍ക്ക് ആനയൂട്ട് ആരംഭിച്ചത്. ഉണക്കല്ലരി, മഞ്ഞള്‍പ്പൊടി, ഗണപതി ഹോമ പ്രസാദം, ശര്‍ക്കര, നെയ്യ് എന്നിവ ചേര്‍ത്താണ് ആനയ്ക്ക് നല്‍കാനുള്ള ചോറ് തയാറാക്കുന്നത്. കൂടാതെ കരിമ്പ്, വെള്ളരിക്ക, പഴം, ഉണ്ടശര്‍ക്കര, കൈതച്ചക്ക എന്നിവയും കരിവീരന്‍മാരെ ഊട്ടാന്‍ നല്‍കും. തെച്ചിക്കോട്ടുകാവ് രാമചന്ദ്രന്‍, കൊച്ചിന്‍ദേവസ്വം ബോര്‍ഡ് ശിവകുമാര്‍, പാറമേക്കാവ് പത്മനാഭന്‍, പുതുപ്പള്ളി കേശവന്‍ തുടങ്ങിയ കരിവീരന്മാര്‍ ഊട്ടില്‍ പങ്കെടുക്കുന്നുണ്ട്.
കര്‍ശനസുരക്ഷയാണ് ഇക്കുറി ഒരുക്കിയിട്ടുള്ളത്. ആനകളെ വിദഗ്ധപരിശോധനയ്ക്ക് ശേഷമാണ് ക്ഷേത്രമതില്‍ക്കകത്തേക്ക് പ്രവേശിപ്പിച്ചത് . ആനകള്‍ക്ക് വിവിധ ദേവസ്വങ്ങളുടെ നേതൃത്വത്തില്‍ സുഖചികിത്സയും നടത്തും. ആനകളെ വിസ്തരിച്ച് കുളിപ്പിച്ച് ച്യവനപ്രാശവും ആയുര്‍വേദ മരുന്നുകൂട്ടുകളും ഉള്‍പ്പെടെ നല്‍കിയിട്ടുണ്ട്.
