പാലക്കാട്ടെ കള്ളനോട്ട് കേസ്: രണ്ടുപേര്കൂടി അറസ്റ്റില്, പിടിച്ചെടുത്തത് 2000 രൂപയുടെ കള്ളനോട്ട്!!
തൃശൂര്: പാലക്കാട് ചെര്പ്പുളശേരിയില് 2000 രൂപയുടെ കള്ളനോട്ട് പിടികൂടിയതില് രണ്ടുപേര്കൂടി അറസ്റ്റില്. തൃശൂര് കാട്ടൂര് തോട്ടപ്പുള്ളി വീട്ടില് ടി.എന്. മണി (45), തൃശൂര് വെങ്കിടങ്ങ് പെരുമ്പടപ്പില് വീട്ടില് സദു എന്ന സദാനന്ദന് (45) എന്നിവരെയാണ് അറസ്റ്റ് ചെയ്തത്. മണിയില് നിന്നും 2000 രൂപയുടെ 40 കള്ളനോട്ടും സദാനന്ദനില് നിന്നും 20 കള്ളനോട്ടും പിടികൂടിയതായി പോലീസ് പറഞ്ഞു. മണിയെ വ്യാഴാഴ്ച തൃശൂര് കാട്ടൂര് ചേലക്കത്തറയില്നിന്നും, സദാനന്ദനെ ഇന്നലെ ചെര്പ്പുളശേരി പേങ്ങാട്ടിരിയില് നിന്നുമാണു പിടികൂടിയത്.
സാമഗ്രികള് പിടിച്ചെടുത്തു
കള്ളനോട്ട് നിര്മിക്കുന്നതിന് ഉപയോഗിച്ച കമ്പ്യൂട്ടര്, കളര്പ്രിന്റര് എന്നിവ കാട്ടൂര് ചേലക്കത്തറയിലെ മണിയുടെ താമസ വീട്ടില് നിന്നും പോലീസ് കണ്ടെത്തി. കഴിഞ്ഞ ദിവസം കള്ളനോട്ടുമായി അറസ്റ്റിലായ മലപ്പുറം കാടാമ്പുഴ ഓണത്തു കാട്ടില് അബ്ദുള് കരീമിനെ കസ്റ്റഡിയില് വാങ്ങി നടത്തിയ അന്വേഷണത്തിലാണ് കളളനോട്ടിന്റെ ഉറവിടം കണ്ടെത്തിയതെന്ന് പോലീസ് പറഞ്ഞു. മണിയും സംഘവും കള്ളനോട്ട് നിര്മിച്ച് കോഴിക്കോട്, പാലക്കാട്, ചെര്പ്പുളശ്ശേരി, ഒറ്റപ്പാലം, ഷൊര്ണൂര്, പട്ടാമ്പി, ചാലിശ്ശേരി, കൊഴിഞ്ഞാമ്പാറ ഭാഗങ്ങളില് വിതരണം നടത്തിയതായാണ് വിവരം.
പ്രതികള് ഇനിയും
കള്ളനോട്ട് ഡിസൈന് ചെയ്തവരുള്പ്പടെ ഇനിയും പ്രതികളെ പിടികൂടാനുണ്ട്. ഇടനിലക്കാര് വഴിയും നേരിട്ടും ഇവര് കള്ളനോട്ട് വിതരണം നടത്തിയിരുന്നെന്നും പോലീസ് പറഞ്ഞു. കഴിഞ്ഞ ദിവസം ഒറ്റപ്പാലം, ഷൊര്ണൂര് എന്നിവിടങ്ങളില് നിന്ന് കള്ളനോട്ട് കേസില് അറസ്റ്റിലായവരുമായി ഇവര്ക്ക് ബന്ധമുണ്ടോയെന്നും പോലീസ് അന്വേഷിക്കുന്നുണ്ട്. എസ്.ഐ. സി.കെ. രാജേഷ്, റോയ് ജോര്ജ്, എ.എസ്.ഐ. സി.ടി. ബാബുരാജ്, എസ്.സി.പി.ഒ. ശങ്കരനാരായണന് എന്നിവരും അന്വേഷണ സംഘത്തില് ഉണ്ടായിരുന്നു. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
2000 നോക്കി വാങ്ങണം
രണ്ടായിരം രൂപയുടെ കറന്സി വിനിമയത്തില് സൂക്ഷിക്കുക, വ്യാജന്മാര് വിപണിയിലുണ്ട്. കഴിഞ്ഞ പത്തു ദിവസത്തിനിടെ ഷൊര്ണൂര് സബ് ഡിവിഷന് പരിധിയില് 5.12 ലക്ഷം രൂപയുടെ കള്ളനോട്ടുകളാണ് പിടികൂടിയത്. പിടിച്ചെടുത്തതില് ഭൂരിഭാഗവും 2000 ത്തിന്റെ വിവിധ സീരിസ് നോട്ടുകളാണ്. പിടികൂടിയ കള്ളനോട്ടുകളില് വാട്ടര്മാര്ക്കില് ഗാന്ധിജിയുടെ ചിത്രമില്ല. 2000 എന്ന് രേഖപ്പെടുത്തിയിട്ടുമില്ല. നോട്ടിന് അല്പ്പം കനം കൂടുതലും, സുരക്ഷാ വരയില് നിറവ്യത്യാസം വരാത്തതുമാണ്. ആര്.ബി.ഐ മുദ്രയും ലഭിച്ച കള്ളനോട്ടുകളിലില്ല.
നാല് ദിവസത്തിനിടെ കള്ളനോട്ട് വേട്ട
ഒറ്റപ്പാലത്ത് നിന്ന് ബന്ധുക്കളായ രണ്ടു പേരില് നിന്ന് മാത്രം കഴിഞ്ഞ നാലു ദിവസത്തിനിടെ അഞ്ചു എം.വി. സീരീസിലുള്ള രണ്ടായിരത്തിന്റെ 195 നോട്ടുകളാണ് പോലീസ് പിടികൂടിയത്. 16 നോട്ടുകള് വേറെ സീരീസിലുള്ളതാണ്. കോതകുര്ശ്ശി, ഒറ്റപ്പാലം, ഷൊര്ണൂര്, ചെര്പ്പുളശേരി ഭാഗങ്ങളില് നിന്നായി നാലു പേരെയും അറസ്റ്റു ചെയ്തു. ഇവര്ക്ക് പരസ്പരം ബന്ധമുണ്ടോയെന്നും, നോട്ടുകള് വിപണിയില് വ്യാപകമായി പ്രചരിച്ചിട്ടുണ്ടോ എന്നും പോലീസ് അന്വേഷിക്കുന്നുണ്ട്. ചില വ്യാപാര സ്ഥാപനങ്ങള്ക്കും, ബാങ്കുകള്ക്കും നോട്ടുകള് ലഭിച്ച സംഭവങ്ങളുമുണ്ടായി. ഡിവൈ.എസ്.പിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് ഒറ്റപ്പാലത്തു രണ്ടുപേരില്നിന്ന് 4.22 ലക്ഷത്തിന്റെ കള്ളനോട്ട് പിടികൂടിയത്.
-
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം -
ഇറാന്റെ പുതിയ പരമോന്നത നേതാവായി മൊജ്തബ ഖാംനഇ അധികാരമേറ്റു; ഉറ്റുനോക്കി ലോകം
Click it and Unblock the Notifications
Sign in with Google