തൃശൂർ കോർപ്പറേഷനിൽ യുഡിഎഫ് മുന്നേറ്റമുണ്ടാക്കും, ഇടതുപക്ഷം തകർച്ചയുടെ വക്കിൽ: ഡിസിസി പ്രസിഡന്റ്
തൃശൂര്: ജില്ലയിലെ തദ്ദേശ സ്ഥാപനങ്ങളിലെ തിരഞ്ഞെടുപ്പില് വലിയ മുന്നേറ്റമുണ്ടാകാന് കോണ്ഗ്രസിന് സാധിക്കുമെന്ന് തൃശൂര് ഡിസിസി പ്രസിഡന്റ് എംപി വിന്സെന്റ് പറഞ്ഞു. കോണ്ഗ്രസിനെ സംബന്ധിച്ച് എതിരായ ഒരു സാഹചര്യവും ഇപ്പോള് ജില്ലയിലില്ല. മറിച്ച് ഇടതുപക്ഷത്തിന് രാഷ്ട്രീയപരമായ സാഹചര്യം, സംഘടനപരമായ സാഹചര്യത്തിലും ഇടതുപക്ഷം തകര്ച്ചയുടെ പടവിലാണ്. ജില്ലയില് കോണ്ഗ്രസ് നേതൃത്വം നല്കുന്ന യുഡിഎഫ് മുന്നണി വന് ഭൂരിപക്ഷത്തോടെ വിജയിക്കുമെന്ന് അദ്ദേഹം കൂട്ടിച്ചേര്ത്തു. വണ് ഇന്ത്യയ്ക്ക് നല്കിയ പ്രത്യേക അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
Recommended Video
മുതിര്ന്ന കോണ്ഗ്രസ് നേതാവ് എംകെ മുകുന്ദന് പാര്ട്ടി വിട്ട് സിപിഎമ്മില് ചേര്ന്നത് കോര്പ്പറേഷന് തിരഞ്ഞെടുപ്പില് ബാധിക്കില്ലെന്നും അദ്ദേഹം വ്യക്തമാക്കി. കോണ്ഗ്രസിനകത്ത് നിന്ന് കുറേ വേസ്റ്റുകള് പോകുന്നതല്ലാതെ, ഇപ്പോ പല വേസ്റ്റുകളെയും എടുക്കുന്ന ഒരു കുപ്പത്തൊട്ടിയായി സിപിഎം മാറിക്കൊണ്ടിരിക്കുകയാണ്. മുതിര്ന്ന നേതാവ് സിപിഎമ്മില് പോയത് ഗൗരവമായ കാര്യമല്ലെന്നും അദ്ദേഹംവ്യക്തമാക്കി.
സിപിഎം പോലുള്ള സംഘടന എടുത്ത ആളുടെ ക്വാളിറ്റി കൂടി നോക്കേണ്ടതാണ്. എന്താണ് ഏതാണ് എന്നൊക്കെ നമുക്ക് അറിയാമല്ലോ. ആ വിഷയത്തിലേക്ക് വരുന്നില്ല. മുകുന്ദനുമായി ബന്ധപ്പെട്ട കാര്യങ്ങളെല്ലാം പൊതുജനത്തിന് വ്യക്തമായി അറിയാം. മറ്റ് പല പാര്ട്ടികളില് നിന്നും കോണ്ഗ്രസിലേക്ക് പ്രവര്ത്തകര് വരുന്നുണ്ട്. ഞങ്ങള് അത് വാര്ത്തയാക്കാനോ പോകുന്നില്ല. ഞങ്ങളെ സംബന്ധിച്ചിടത്തോളം പാര്ട്ടി സംഘടനപരമായി ശക്തി ഉയര്ത്തുക. അതോടൊപ്പം ജനകീയ വിഷയങ്ങള് ഉയര്ത്തിക്കൊണ്ടുവരിക എന്നതാണ് പ്രധാനമെന്നും അദ്ദേഹം വ്യക്തമാക്കി.
Click it and Unblock the Notifications
Sign in with Google