• search
  • Live TV
തൃശൂർ വാർത്തകൾക്ക്
നോട്ടിഫിക്കേഷൻ അനുവദിക്കൂ  

പെരിങ്ങല്‍കുത്ത് ഡാമില്‍ ജലനിരപ്പ് ഉയരുന്നു: ബ്ലൂ അലേര്‍ട്ട് പ്രഖ്യാപിച്ചു, ജാഗ്രത പാലിക്കണം

തൃശൂര്‍: പെരിങ്ങല്‍കുത്ത് ഡാമില്‍ ജലനിരപ്പ് ഉയര്‍ന്ന് 417 മീറ്റര്‍ ആയതിനെ തുടര്‍ന്ന് ജില്ലാ ദുരന്ത നിവാരണ അതോറിട്ടി ചെയര്‍മാനായ കളക്ടര്‍ ബ്ലൂ അലേര്‍ട്ട് പ്രഖ്യാപിച്ചു. ഞായറാഴ്ച രാവിലെ 9 മണിക്ക് 417.45 ആണ് ജലനിരപ്പ്. ജലനിരപ്പ് 418 മീറ്ററായാല്‍ ഓറഞ്ച് അലേര്‍ട്ടും 419.4 മീറ്ററായാല്‍ റെഡ് അലേര്‍ട്ടും പ്രഖ്യാപിക്കും. 419.4 മീറ്ററായാല്‍ ഡാമില്‍നിന്ന് വെള്ളം ചാലക്കുടി പുഴയിലേക്ക് ഒഴുകും. ഓറഞ്ച് അലേര്‍ട്ട് പ്രഖ്യാപിച്ചാല്‍ ജനങ്ങള്‍ പുഴയില്‍ മീന്‍ പിടിക്കാനോ കുളിക്കാനോ ഇറങ്ങരുതെന്നും വഞ്ചിയോ ചങ്ങാടമോ മറ്റോ ഇറക്കരുതെന്നും ജില്ലാ ദുരന്ത നിവാരണ അതോറിട്ടി അറിയിച്ചു.

കഴിഞ്ഞ രണ്ടു ദിവസങ്ങളിലായി മഴ ശക്തമായതിനെ തുടര്‍ന്ന് പെരിങ്ങല്‍ക്കുത്ത് ഡാമില്‍ ജലനിരപ്പുയര്‍ന്നു വരികയാണ്. ബ്ലു അലര്‍ട്ട് ലെവലായ 417 മീറ്ററില്‍ എത്തിയിരിക്കുകയാണിപ്പോള്‍. ജൂലൈ നാല് ഉച്ചയ്ക്ക് ഒരു മണിക്ക് ജലനിരപ്പ് 416.55 മീറ്ററായിരുന്നു. കഴിഞ്ഞ വര്‍ഷം ഇതേ ദിവസം 414.40 മീറ്ററായിരുന്നു ജലനിരപ്പ്. ആകെ സംഭരണശേഷിയുടെ 43.44 ശതമാനം വെള്ളം ഇപ്പോള്‍ ഡാമിലുണ്ട്. രാവിലെ ഏഴ് മണിവരെ വൃഷ്ടിപ്രദേശത്ത് 28 മില്ലീമീറ്റര്‍ മഴയാണ് പെയ്തത്. ഡാമില്‍ ഏഴ് സ്പില്‍വേ ഗേറ്റുകള്‍ ഇപ്പോള്‍ തുറന്നിട്ടുണ്ട്. എന്നാല്‍, ജലനിരപ്പ് 419.40 മീറ്ററായാലാണ് സ്പില്‍വേ ഗേറ്റുകളിലൂടെ വെള്ളം പുറത്തേക്കൊഴുകുക.

8 പേരെ കളത്തിലിറക്കി തിരിച്ചടിക്കാന്‍ കോണ്‍ഗ്രസ്; വിമത നീക്കത്തില്‍ ഞെട്ടി ബിജെപി, പോരാട്ടം കനക്കും

424 മീറ്ററാണ് ഫുള്‍ റിസര്‍വോയര്‍ ലെവല്‍. ഓറഞ്ച് അലേര്‍ട്ട് പ്രഖ്യാപിച്ചാല്‍ സെക്കന്‍ഡില്‍ 200 മീറ്റര്‍ ക്യൂബ് വേഗതയില്‍ സ്പില്‍വേയിലൂടെ നിയന്ത്രിതമായി വെള്ളം ഒഴുക്കും. റെഡ് അലേര്‍ട്ട് പുറപ്പെടുവിച്ചാല്‍ സെക്കന്‍ഡില്‍ 200 മീറ്റര്‍ ക്യൂബില്‍ കൂടുതല്‍ വേഗതയിലാവും വെള്ളം ഒഴുക്കുക. ജില്ലാ കളക്ടറുടെ നിര്‍ദേശ പ്രകാരം മാത്രമാണ് ഈ അലേര്‍ട്ടുകള്‍ പുറപ്പെടുവിക്കുക. ചാലക്കുടി പുഴയോരവാസികള്‍ക്ക് ആവശ്യമായ മുന്നറിയിപ്പ് നല്‍കിയ ശേഷം മാത്രമേ പുഴയിലേയ്ക്ക് വെള്ളം ഒഴുക്കൂ. ഡാമിലെ വെള്ളം ഉപയോഗിച്ച് ഇപ്പോള്‍ വൈദ്യുതി ഉല്‍പാദനം നടത്തുന്നുണ്ട്.

സിന്ധ്യയെ കൂടെ ചേര്‍ത്ത ബിജെപിക്ക് തലവേദന ഒഴിയുന്നില്ല; പുതിയ ആവശ്യം... ചൗഹാന്‍ ദില്ലിയിലേക്ക്

പെരിങ്ങല്‍ക്കുത്തിന്റെ മുകളിലുള്ള കേരള ഷോളയാര്‍ ഡാമില്‍ 2590.5 അടിയാണ് ജൂലൈ നാലിലെ ജലനിരപ്പ്. കഴിഞ്ഞ വര്‍ഷം ഇത് 2583.6 അടി ആയിരുന്നു. 37 മില്ലി മീറ്ററാണ് ഡാമിന്റെ വൃഷ്ടിപ്രദേശത്ത് ജൂലൈ നാലിന് രാവിലെ ഏഴ് മണി വരെ പെയ്ത മഴ. ആകെ സംഭരണ ശേഷിയുടെ 15.89 ശതമാനം വെള്ളം മാത്രമാണ് ഇപ്പോള്‍ ഡാമിലുള്ളത്. ഫുള്‍ റിസര്‍വോയല്‍ ലെവല്‍ 2663 അടിയാണ്. ഇതിലെത്തിയാല്‍ മാത്രമേ വെള്ളം പെരിങ്ങല്‍ക്കുത്തിലേക്ക് തുറന്നുവിടുകയുള്ളൂ. തമിഴ്‌നാട് ഷോളയാര്‍ ഡാമിലും സംഭരണ ശേഷിയുടെ 40 ശതമാനം മാത്രമാണ് വെള്ളമുള്ളത്.

ഇറാനെ ഞെട്ടിച്ച് രണ്ട് വന്‍ സ്‌ഫോടനങ്ങള്‍; ആണവ, മിസൈല്‍ കേന്ദ്രങ്ങളില്‍... പിന്നില്‍ ഇസ്രായേല്‍?

Thrissur

English summary
Water Level increase in Peringalkkuth Dam; Thrissur Collector declared Blue alert
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more