ഇളയദളപതി നിലത്ത് തുണിവിരിച്ചും കിടക്കും !

സിനിമാ ലോകത്ത്, അത് ഏത് ഭാഷയിലായാലും സൂപ്പര്‍താരങ്ങള്‍ക്ക് വലിയ പരിഗണനയാണ് ലഭിയ്ക്കാറുള്ളത്. അവരഭിനയിക്കുന്ന ചിത്രങ്ങളുടെ സെറ്റില്‍ അവര്‍ക്കായി പലപ്പോഴും രാജകീയ സൗകര്യങ്ങള്‍ ഏര്‍പ്പെടുത്താറുണ്ട്. ഇനി അണിയറക്കാര്‍ ഒന്നുംചെയ്തില്ലെങ്കില്‍ സൂപ്പറുകള്‍ അവരുടെ സൗകര്യത്തിനായി സ്വന്തം കാരവാനുമായിട്ടായിരിക്കും എത്തുന്നത്.

ചിത്രീകരണത്തിന്റെ ഇടവേളകളിലും മറ്റും സ്വന്തം കാരവാനില്‍ കയറിയിരിക്കുന്ന പല സൂപ്പര്‍താരങ്ങളെയും കുറിച്ച നമ്മള്‍ കേടിട്ടുണ്ട്. എന്നാല്‍ തമിഴകത്തിന്റെ സൂപ്പര്‍താരം ഇളയദളപതി ഇക്കാര്യത്തില്‍ അല്‍പം വ്യത്യസ്തനാണ്. പുതിയതായി പുറത്തെത്തിയിരിക്കുന്ന ഒരു ചിത്രം വിജയിയുടെ ഡൗണ്‍ ടു എര്‍ത്ത് മനോഭാവത്തെ വെളിച്ചത്തുകൊണ്ടുവന്നിരിക്കുകയാണ്.

ഷൂട്ടിങ് ഇടവേശയില്‍ നിലത്ത് തുണി വിരിച്ച് കിടക്കുന്ന വിജയുടെ ചിത്രമാണ് പുറത്തുവന്നിരിക്കുന്നത്. പുതിയ ചിത്രമായ കത്തിയുടെ ലൊക്കേഷനിലാണ് സംഭവം നടന്നത്. ആരാധകരിലാരോ ആണ് വിജയ് നിലത്ത് തുണിവിരിച്ച് കിടക്കുന്ന ചിത്രം പകര്‍ത്തി പുറത്തുവിട്ടിരിക്കുന്നത്. എന്തായാലും ചിത്രം ഇപ്പോള്‍ ഓണ്‍ലൈനില്‍ വൈറലായിരിക്കുകയാണ്.

എആര്‍ മുരുഗദോസ് സംവിധാനം ചെയ്യുന്ന കത്തിയില്‍ വിജയ് ഇരട്ടവേഷത്തിലാണ് എത്തുന്നത്. അരവിന്ദ്, ആന്‍ഡ്ര്യൂ എന്നിവയാണ് വിജയുടെ രണ്ട് കഥാപാത്രങ്ങള്‍. കൊല്‍ക്കത്തയിലാണ് ചിത്രത്തിന്റെ ബഹുഭൂരിഭാഗം രംഗങ്ങളും ചിത്രീകരിച്ചത്. ബോളിവുഡ് താരം നീല്‍ നിതിന്‍ മുകേഷാണ് ചിത്രത്തില്‍ വില്ലനായി എത്തുന്നത്. ചിത്രത്തില്‍ നായികയായി എത്തുന്നത് സാമന്തയാണ്.

English summary

Ilayathalapathi Vijay's photo from the location of Kaththi goes viral on Social Media.