• search
  • Live TV
വയനാട് വാർത്തകൾക്ക്
നോട്ടിഫിക്കേഷൻ അനുവദിക്കൂ  

വയനാട്ടില്‍ 83 പേര്‍ക്ക്‌ കൂടി കോവിഡ്‌ സ്ഥിരീകരിച്ചു;122 പേര്‍ക്ക് രോഗമുക്തി

കല്‍പ്പറ്റ:വയനാട് ജില്ലയില്‍ ഇന്ന് 83 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 122 പേര്‍ രോഗമുക്തി നേടി. 80 പേർക്ക് സമ്പര്‍ക്കത്തിലൂടെയാണ് രോഗബാധ.

ഒരു ആരോഗ്യ പ്രവർത്തകയ്ക്കും കോവിഡ് ബാധിച്ചു. രണ്ട് പേരുടെ സമ്പർക്ക ഉറവിടം ലഭ്യമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 26156 ആയി. 24413 പേര്‍ ഇതുവരെ രോഗമുക്തരായി. നിലവില്‍ 1467 പേരാണ് ചികിത്സയിലുള്ളത്. ഇവരില്‍ 1288 പേര്‍ വീടുകളിലാണ് ഐസൊലേഷനില്‍ കഴിയുന്നത്.

അമ്പലവയൽ സ്വദേശികളായ 10 പേർ, നൂൽപ്പുഴ, പൂതാടി, ബത്തേരി 9 പേർ വീതം, മാനന്തവാടി 6 പേർ, പനമരം 5 പേർ, മീനങ്ങാടി, കൽപ്പറ്റ, മുട്ടിൽ, വൈത്തിരി 4 പേർ വീതം, കണിയാമ്പറ്റ, മേപ്പാടി, തവിഞ്ഞാൽ 3 പേർ വീതം, എടവക, മുള്ളൻകൊല്ലി 2 പേർ വീതം, നെന്മേനി, പുൽപ്പള്ളി, വാഴവറ്റ സ്വദേശികളായ ഓരോരുത്തരുമാണ് സമ്പർക്കത്തിലൂടെ രോഗ ബാധിതരായത്. ദുബായിൽ നിന്ന് വന്ന ഒരു പുൽപ്പള്ളി സ്വദേശിയും, ഗൾഫിൽ നിന്ന് വന്ന രണ്ട് ബത്തേരി സ്വദേശികളുമാണ് വിദേശത്തു നിന്നെത്തി രോഗബാധിതരായത്.

ജില്ലയില്‍ 122 പേര്‍ കൂടി കോവിഡ്‌ രോഗമുക്തരായി.വെങ്ങപ്പള്ളി സ്വദേശികളായ 8 പേർ, ബത്തേരി 7 പേർ, മാനന്തവാടി, തവിഞ്ഞാൽ മൂന്ന് പേർ വീതം, പനമരം, കൽപ്പറ്റ രണ്ടു പേർ വീതം, മേപ്പാടി സ്വദേശിയായ ഒരാളും, രണ്ട് തമിഴ്നാട് സ്വദേശികളും, വീടുകളിൽ ചികിത്സയിലായിരുന്ന 94 പേരുമാണ് രോഗം ഭേദമായതിനെ തുടർന്ന് ഡിസ്ചാർജ് ആയത്.

കോവിഡുമായി ബന്ധപ്പെട്ട് ജില്ലയില്‍ ഇന്ന് പുതുതായി നിരീക്ഷണത്തിലായത് 396 പേരാണ്. 339 പേര്‍ നിരീക്ഷണക്കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 5997 പേര്‍. ഇന്ന് പുതുതായി 23 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് ഇന്ന് 1153 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 277346 സാമ്പിളുകളില്‍ 271607 പേരുടെ ഫലം ലഭിച്ചു. ഇതില്‍ 245451 നെഗറ്റീവും 26156 പോസിറ്റീവുമാണ്.

Wayanad

English summary
83 new covid 19 cases reported in wayanad district today
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X