അതൊന്നും കോഴ വാങ്ങി ഉണ്ടാക്കിയ പൈസയല്ല; കടം വാങ്ങാനും പറ്റില്ലെയെന്ന് സി.കെ ജാനു

തന്റെ വായ്പ ഇടപാടിനെക്കുറിച്ചൊന്നും പൊതുസമൂഹത്തില്‍ പറയേണ്ട ആവശ്യമില്ലെന്നും ജാനു

Updated: Sunday, June 20, 2021, 16:05 [IST]

കൽപ്പറ്റ: ബിജെപി സംസ്ഥാന അധ്യക്ഷനിൽ നിന്നും എൻഡിഎയുടെ ഭാഗമാകാനും മത്സരിക്കാനും കോഴ വാങ്ങിയെന്ന ആരോപണം നിലനിൽക്കെ തന്നെയാണ് ഇത്തരത്തിൽ വാങ്ങിയ പണം മുൻ കൽപ്പറ്റ എംഎൽഎ സി.കെ ശശീന്ദ്രന്റെ ഭാര്യയ്ക്ക് നൽകിയെന്ന ആരോപണവുമായി എംഎസ്എഫ് നേതാവ് രംഗത്തെത്തുന്നത്. എന്നാൽ ഇത് നിഷേധിക്കുകയാണ് സി.കെ ജാനു. നേരത്തെ വായ്പയായി വാങ്ങിയ പണമാണ് ശശീന്ദ്രന് നല്‍കിയതെന്നും ഇതെല്ലാം അധ്വാനിച്ച് തന്നെ ഉണ്ടാക്കിയതാണെന്നും ജാനു പറഞ്ഞു. തന്റെ വായ്പ ഇടപാടിനെക്കുറിച്ചൊന്നും പൊതുസമൂഹത്തില്‍ പറയേണ്ട ആവശ്യമില്ലെന്നും അവർ കൂട്ടിച്ചേർത്തു.

"എംഎല്‍എ ശശിയേട്ടനില്‍ നിന്നും ഞാന്‍ വായ്പ വാങ്ങിയ പൈസയാണ് തിരിച്ച് കൊടുത്തത്. അത് തിരിച്ചുകൊടുക്കണ്ടെ. ഇനിയും ഞാന്‍ വായ്പ അദ്ദേഹത്തില്‍ നിന്നും വാങ്ങും. അദ്ദേഹത്തിന്റെ കൈയ്യില്‍ പൈസ ഇല്ലാത്തതിനാല്‍ ലോണ്‍ വഴിയാണ് എനിക്ക് സംവിധാനം ചെയ്തു തന്നത്. അത് ആ ബാങ്കില്‍ തന്നെയാണ് തിരിച്ചടക്കുകയും ചെയ്തിരിക്കുന്നത്. അതെന്താ ഒരു ലോണും സംവിധാനവും ഒന്നും ചെയ്യാന്‍ പറ്റില്ലേ. ഇതെന്ത് ലോകമാണ്. വായ്പയും കടവും ഒന്നും വാങ്ങാന്‍ പറ്റില്ലേ." ജാനു ചോദിച്ചു.

ഇത്തരത്തിൽ മൂന്ന് ലക്ഷം രൂപയാണ് വാങ്ങിയതെന്നും ജാനു വ്യക്തമാക്കി. കാർ വിറ്റ സമയത്ത് ഒന്നര ലക്ഷം രൂപ തിരികെ നൽകിയിരുന്നു. ബാക്കി ഈയിടെയാണ് നൽകിയത്. എന്നാൽ അതൊന്നും കോഴ വാങ്ങി ഉണ്ടാക്കിയ പൈസയല്ല. അധ്വാനിച്ചുള്ള പൈസയാണെന്നും അവർ പറയുന്നു. അത് അടക്കാന്‍ വേണ്ടിയാണ് പൈസ വാങ്ങിയത്. ഞാന്‍ ആരോടെല്ലാം വായ്പ മേടിക്കുന്നുവെന്ന് എന്തിനാണ് പറയേണ്ട ആവശ്യം. ഇതെല്ലാം സാധാരണ മനുഷ്യമ്മാര് ചെയ്യുന്നതല്ലേ. ഇതെല്ലാം സാധാരണമാണെന്നും ശശീന്ദ്രനുമായുള്ളത് രാഷ്ട്രീയ ബന്ധമല്ലെന്നും അവർ പറഞ്ഞു.

സമ്പൂര്‍ണ്ണ ലോക്ക്ഡൗണില്‍ ആളൊഴിഞ്ഞ് കേരളത്തിലെ നിരത്തുകള്‍- ചിത്രങ്ങള്‍

ജാനു തന്നത് വായ്പ നൽകിയ പണമാണെന്ന വിശദീകരണവുമായി ശശീന്ദ്രൻ തന്നെ നേരത്തെ രംഗത്തെത്തിയിരുന്നു. മൂന്നുലക്ഷം രൂപ 2019-ല്‍ സി.കെ. ജാനു വാങ്ങിയിരുന്നു. പണം വാങ്ങിയത് അക്കൗണ്ടിലൂടെയാണ്. വാഹനം വാങ്ങാനാണ് ജാനു പണം വാങ്ങിയതെന്നും ആ തുകയാണ് തിരികെ തന്നതെന്നും ശശീന്ദ്രന്‍ കൂട്ടിച്ചേര്‍ത്തു. പണത്തില്‍ ഒരു ഭാഗം നേരത്തെ തന്നിരുന്നു. ബാക്കിയുള്ളത് കഴിഞ്ഞ മാര്‍ച്ചിലും തന്നുവെന്നും അദ്ദേഹം പറഞ്ഞു.

ക്യൂട്ട് ഹോട്ട് ലുക്കിൽ രഷ്മിക മന്ദന; പുതിയ ചിത്രങ്ങൾ കാണാം