പ്ലാസ്റ്റിക് വിമുക്ത പരിസ്ഥിതിയെന്ന സന്ദേശവുമായി വിദ്യാര്ത്ഥികള്ക്കായി മിഠായി കടലാസ് പെറുക്കല് മത്സരം നടത്തി
തൃക്കൈപ്പറ്റ: പ്ലാസ്റ്റിക് വിമുക്ത പരിസ്ഥിതിയെന്ന സന്ദേശവുമായി വിദ്യാര്ത്ഥികള്ക്കായി മിഠായി കടലാസ് പെറുക്കല് മത്സരം നടത്തി. തൃക്കൈപ്പറ്റ ഉറവ് ബാംബു വില്ലേജാണ് മത്സരം സംഘടിപ്പിച്ചത്. മഴക്കാലമാവുന്നതോടെയാണ് ഏറ്റവുമധികം പ്ലാസ്റ്റിക് മാലിന്യങ്ങള് പുഴകളിലും മറ്റ് ജലാശയങ്ങളിലുമെത്തുന്നതെന്നാണ് കണക്ക്. ഒരുവര്ഷം—80 ടണ് പ്ലാസറ്റിക്ക് മാലിന്യങ്ങള് സമുദ്രത്തില് എത്തപ്പെടുന്നതായാണ് കണക്ക്. 2050 ആകുമ്പോഴേക്കും മത്സ്യങ്ങളുടെ എണ്ണത്തേക്കാളധികം പ്ലാസറ്റിക്ക് കഷണങ്ങള് കടലിലുണ്ടാകുമെന്നും പഠനങ്ങള് വ്യക്തമാക്കുന്നു.
ഈ മാലിന്യങ്ങളില് പ്ലാസ്റ്റിക് കവറുകള് മുതല് മിഠായി കടലാസുകള് വരെ ഉള്പ്പെടുന്നുവെന്നതാണ് വാസ്തവം. ഈ അവബോധം കുട്ടികളിലെത്തിക്കുന്നതിന്റെ ഭാഗമായാണ് ഉറവ് മിഠായി കടലാസ് പെറുക്കല് മത്സരം സംഘടിപ്പിച്ചത്. മത്സരത്തില് 28000 മിഠായി കടലാസുകളാണ് തങ്ങളുടെ ചുറ്റുപാടുകളില് നിന്നുമാത്രമായി കുട്ടികള് പെറുക്കിക്കൂട്ടിയത്. തൃക്കൈപ്പറ്റ ഗവ. യു പി സ്കൂള്, മുട്ടില് ഡബ്ല്യു ഒ യു പി സ്കൂള്, ഡബ്ല്യു എം ഒ ഇംഗ്ലീഷ് മീഡിയം സ്കൂള്, മുട്ടില് യു പി സ്കൂള് എന്നീ വിദ്യാലയങ്ങളിലെ വിദ്യാര്ത്ഥികളാണ് മത്സരത്തില് പങ്കെടുത്തത്. വായനാദിനാചരണത്തിന്റെ ഭാഗമായി പ്രത്യേകം സംഘടിപ്പിച്ച ചടങ്ങില് വെച്ച് വിജയികള്ക്കായി സമ്മാനങ്ങള് വിതരണം ചെയ്തു. രണ്ട് വിഭാഗങ്ങളിലായി നടത്തിയ മത്സരത്തില് ഒന്നാം സമ്മാനമായ സൈക്കിള് സൂര്യകിരണ്, ബേസില് റെജി എന്നിവര് സ്വന്തമാക്കി. രണ്ടാം സ്ഥാനക്കാര്ക്കുള്ള ബാറ്റ് മിന്റന് സെറ്റിന് സച്ചിന് ഷിബു, അബിഷ ഷി ബി എന്നിവരും, മൂന്നാം സ്ഥാനക്കാര്ക്കുള്ള ഫുട്ബോളിന് അഭിനവ് വിജയന്, മുഹമ്മദ് മുസതഫ എന്നിവരും അര്ഹരായി. പ്രശസ്ത പക്ഷി നിരീക്ഷകനും ഫോട്ടോ ഗ്രാഫറുമായ എന്.വി. കൃഷ്ണന് സമ്മാനദാനം നടത്തി.
മേപ്പാടി ഗ്രാമപഞ്ചായത്ത് വികസന കാര്യസ്റ്റാന്റിംഗ് കമ്മിറ്റി ചെയര്മാന് ചന്ദ്രശേഖരന് തമ്പി ചടങ്ങ് ഉദ്ഘാടനം ചെയ്തു. ഒന്നാംവാര്ഡ് മെമ്പര് എം ഉഷടീച്ചര് അധ്യക്ഷയായിരുന്നു. സ്കൂള്ലീഡര് സാനിയ ഔസേപ്പ് വായനാദിന സന്ദേശവും ഉറവിലെ എം. ബാബുരാജ് പരിസ്ഥിതിസന്ദേശവും നല്കി. ചടങ്ങില് ഉറവ് പ്രസിഡന്റ് അബ്ദുള്ള , കൊറിന് കാര്ലഗാനിസ്, പി.ടി.എ. പ്രസിഡന്റ് ജോഷി അധ്യക്ഷരായ രാജേഷ്, അബ്ദുള്അസീസ്, അലീമടീച്ചര്, ദാനിയേല് എന്നിവര് സംസാരിച്ചു. വിദ്യാര്ത്ഥികള് ആയ മാളവിക, ദേവിക ,ദേവാര്ച്ചന എന്നിവര്വയനാനുഭവം പങ്കുവെച്ചു. ആര്ട്ടിസറ്റ് സദാനന്ദന്, ബെന്നി, കവിത എന്നിവരുടെ നേതൃത്വത്തില് കൂറ്റന് ക്യാന്വാസില് കുട്ടികള് പരിസ്ഥിതിചിത്ര രചന നടത്തി.
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google