വയനാട് സന്ദര്ശിക്കാന് രാഹുല് ഗാന്ധി ഈ മാസം 30ന് എത്തും; മൂന്ന് ദിവസം മണ്ഡലത്തില്
വയനാട്: ബഫര്സോണ് വിഷയവുമായി ബന്ധപ്പെട്ട് രാഹുല് ഗാന്ധിയുടെ ഓഫീസ് കഴിഞ്ഞ ദിവസമായിരുന്നു എസ് എഫ് ഐ പ്രവര്ത്തകര് അടിച്ചുതകര്ത്തത്. സംഭവത്തിന് പിന്നാലെ രാഹുല് ഗാന്ധി വയനാട് സന്ദര്ശിക്കാന് ഒരുങ്ങുന്നെന്ന റിപ്പോര്ട്ടാണ് ഇപ്പോള് പുറത്തുവരുന്നത്. മൂന്ന് ദിവസത്തെ സന്ദര്ശനത്തിനായി രാഹുല് ഗാന്ധി ഈ മാസം 30ന് വയനാട്ടില് എത്തും. തുടര്ന്ന് മൂന്ന് ദിവസങ്ങളില് രാഹുല് വയനാട് ലോക്സഭ മണ്ഡലത്തിലുണ്ടാകും. ഓഫീസ് ആക്രമണത്തിന്റെ പശ്ചാത്തലത്തിലല്ല രാഹുലിന്റെ സന്ദര്ശനം. ഒരാഴ്ച മുമ്പ് നിശ്ചയിച്ചതാണെന്നാണ് വിവരം.
Recommended Video
രാഹുല് ഗാന്ധിക്ക് വന് സ്വീകരണം ഒരുക്കുമെന്ന് ഡി സി സി അറിയിച്ചു. അതേസമയം, രാഹുല് ഗാന്ധിയുടെ ഓഫീസ് അടിച്ചു തകര്ത്തതിന് പിന്നാലെ വലിയ പ്രതിഷേധമാണ് സംസ്ഥാനത്ത് കോണ്ഗ്രസിന്റെ നേതൃത്വത്തില് അരങ്ങേറിയത്. ഓഫീസിന് നേരെയുണ്ടായ ആക്രമണത്തില് സി പി എം ആകെ പ്രതിരോധത്തിലായിരിക്കുകയാണ്. പാര്ട്ടി സെക്രട്ടറിയേറ്റ് ഔദ്യോഗികമായി പ്രതികരിച്ചില്ലെങ്കിലും മുഖ്യമന്ത്രിയും എല് ഡി എഫ് കണ്വീനറും സംഭവത്തെ തള്ളിപ്പറഞ്ഞു.
മംമ്ത..ഒരു കാലത്ത് ഞങ്ങളുടെ ക്രഷ് ആയിരുന്നു, ഇപ്പോഴും; മാല്ദ്വീവ്സില് അടിപൊളി ചിത്രങ്ങളുമായി താരം
അതേസമയം, മുഖ്യമന്ത്രി പിണറായി വിജയന്റെ അറിവോടെയാണ് രാഹുല് ഗാന്ധി എം പിയുടെ ഓഫീസ് എസ് എഫ് ഐ ഗുണ്ടകള് അടിച്ച് തകര്ത്തതെന്ന് വി ഡി സതീശന് പറഞ്ഞു. സ്വര്ണക്കടത്ത് കേസില് നിന്ന് രക്ഷപ്പെടാനായി ബി ജെ പി ദേശീയ നേതൃത്വത്തെ സന്തോഷിപ്പിക്കാനാണ് പിണറായിയുടെ ശ്രമം. പൊലീസിന്റെ മൗനാനുവാദത്തോടെയാണ് അക്രമമുണ്ടായത്. മുഖ്യമന്ത്രിക്ക് എതിരെ ഉയര്ന്ന നാണംകെട്ട ആരോപണങ്ങളില് നിന്ന് രക്ഷപ്പെടാന് കേരളത്തില് വീണ്ടും കലാപമുണ്ടാക്കാനാണ് ശ്രമിക്കുന്നതെന്നും വി ഡി സതീശന് വ്യക്തമാക്കി.
വന്യജീവി സങ്കേതങ്ങള്ക്കും ദേശീയ ഉദ്യാനങ്ങള്ക്കും ചുറ്റുമുള്ള ഒരു കിലോമീറ്റര് ദൂരം ബഫര് സോണ് ആക്കണമെന്ന് 2019 ഒക്ടോബര് 23-ന് സംസ്ഥാന മന്ത്രിസഭയുടെ ശുപാര്ശയുണ്ട്. ബഫര് സോണിന്റെ പേരില് രാഹുല് ഗാന്ധിയുടെ ഓഫീസ് അടിച്ച് തകര്ത്ത എസ് എഫ് ഐക്കാര് സമരം നടത്തേണ്ടത് പിണറായി വിജയന്റെ ഓഫീസിലേക്കാണ്. ബഫര് സോണ് വിഷയത്തില് കുറ്റവാളികളായി നില്ക്കുന്ന മുഖ്യമന്ത്രിയും സംസ്ഥാന മന്ത്രിസഭയുമാണ്. രാഹുല് ഗാന്ധിയെ ശക്തമായി എതിര്ക്കുന്നുവെന്ന് സംഘപരിവാറിനെ ബോധ്യപ്പെടുത്താനാണ് ഈ ആക്രമണത്തിലൂടെ സി പി എം ലക്ഷ്യമിട്ടതെന്നും അദ്ദേഹം കൂട്ടിച്ചേര്ത്തു.
ബി ജെ പി ദേശീയ നേതൃത്വത്തെയും സംഘപരിവാറിനെയും സന്തോഷിപ്പിക്കാന് രാഹുല് ഗാന്ധിയുടെ ഓഫീസിലേക്ക് അക്രമികളെ പറഞ്ഞുവിട്ട മുഖ്യമന്ത്രിയും അദ്ദേഹത്തിന്റെ ഓഫീസും സംസ്ഥാനത്ത് കലാപ ആഹ്വാനമാണ് നടത്തുന്നത്. ഇത് ജനാധിപത്യ മര്യാദകളുടെ അങ്ങേയറ്റത്തെ ലംഘനമാണ്. സംഘപരിവാറിന്റെ രാഷ്ട്രീയവും സി.പി.എം രാഷ്ട്രീയവും തമ്മിലുള്ള അകലം കുറഞ്ഞ് വരികയാണ്. സര്ക്കാരിന്റെ ഒത്താശയോടെ സി.പി.എമ്മും ക്രിമിനല് സംഘങ്ങളും കോണ്ഗ്രസ് നേതാക്കള്ക്കും പാര്ട്ടി ഓഫീസുകള്ക്കുമെതിരെ നടത്തുന്ന അക്രമത്തെയും ഗുണ്ടായിസത്തെയും പ്രതിരോധിക്കുക തന്നെ ചെയ്യുമെന്നും അദ്ദേഹം വ്യക്തമാക്കി.
അതേസമയം, വയനാട് എം പി രാഹുല് ഗാന്ധിയുടെ ഓഫീസിലേക്ക് നടന്ന മാര്ച്ചും തുടര്ന്നുണ്ടായ അനിഷ്ടസംഭവങ്ങളും സംബന്ധിച്ച് സര്ക്കാര് ഉന്നതതല അന്വേഷണം നടത്തും. പോലീസ് ആസ്ഥാനത്തെ എ ഡി ജി പിയെ ചുമതലപ്പെടുത്തി അന്വേഷണം നടത്തി ഒരാഴ്ചക്കകം റിപ്പോര്ട്ട് സമര്പ്പിക്കുന്നതിന് മുഖ്യമന്ത്രി പിണറായി വിജയന് ആഭ്യന്തര അഡീഷണല് ചീഫ് സെക്രട്ടറിക്ക് നിര്ദ്ദേശം നല്കി.
സംഭവ സ്ഥലത്ത് ചുമതലയില് ഉണ്ടായിരുന്ന കല്പ്പറ്റ ഡി വൈ എസ പിയെ അന്വേഷണ വിധേയമായി അടിയന്തിരമായി സസ്പെന്റ് ചെയ്യാനും മുഖ്യമന്ത്രി നിര്ദ്ദേശിച്ചു. കല്പ്പറ്റ ഡിവൈഎസ്പിയുടെ ചുമതല മറ്റൊരു ഓഫീസര്ക്ക് നല്കുവാന് സംസ്ഥാന പോലീസ് മേധാവിയെ ചുമത ലപ്പെടുത്തി.
Click it and Unblock the Notifications
Sign in with Google