മാനന്തവാടിയിൽ സി പി എം-സി പി ഐ പോരിന് അയവ്: നഗരസഭാ വൈസ് ചെയര്പേഴ്സണ് സ്ഥാനം സി പി ഐക്ക് നല്കും
മാനന്തവാടി: വര്ഷങ്ങളായി മാനന്തവാടിയില് തുടരുന്ന സി പി എം-സി പി ഐ പോരിന് അയവ്. നഗരസഭയില് സി പി എമ്മിന്റെ കൈവശമുണ്ടായിരുന്ന വൈസ് ചെയര്പേഴ്സണ് സ്ഥാനം സി പി ഐക്ക് നല്കാന് ധാരണയായി. നിലവിലെ വൈസ് ചെയര്പേഴ്സണ് പ്രദീപ ശശി രാജിവെച്ചു. പകരക്കാരിയായി സി പി ഐയിലെ ശോഭാരാജന് അധികാരമേല്ക്കും. എല് ഡി എഫ് മുന്നണി ധാരണപ്രകാരം സി പി ഐക്ക് വൈസ് ചെയര്പേഴ്സണ് സ്ഥാനം നല്കുന്നതിന്റെ ഭാഗമായാണ് രാജി.
മുന്നണി ധാരണയുണ്ടായിരുന്നെങ്കിലും നിലവിലെ വൈസ് ചെയര്പേഴ്സണ് രാജിവെക്കില്ലെന്ന് വാര്ത്തകളുണ്ടായിരുന്നു. ഇതേ തുടര്ന്ന് സി പി ഐ ജില്ലാ എല് ഡി എഫ് നേതൃത്വത്തിന് പരാതിയും നല്കിയിരുന്നു. ഒരുമിച്ചുള്ള ഭരണം ആരംഭിക്കുന്നതോടെ വര്ഷങ്ങളായുള്ള സി പി എം-സി പി ഐ പോരിന് താല്ക്കാലിക അന്ത്യമായതായാണ് വിലയിരുത്തപ്പെടുന്നത്.
മാനന്തവാടി നഗരസഭാ വൈസ് ചെയര്പേഴ്സണ് പ്രദീപ ശശി രാജി സമര്പ്പിക്കുന്നു
മാനന്തവാടിയിലെ ഇരുപാര്ട്ടികളും തമ്മിലുള്ള പോരിന് പതിറ്റാണ്ടുകളുടെ ചരിത്രമുണ്ട്. തദ്ദേശസ്വയംഭരണ സ്ഥാപനങ്ങളിലേക്ക് പരസ്പരം മത്സരിച്ചത് മുതല് തെരുവ് യുദ്ധം വരെ നീളുന്നതാണ് ഇരുവിഭാഗങ്ങളും തമ്മിലുള്ള പോര്. മാനന്തവാടി ടൗണില് സി പി ഐ നടത്തിയ പ്രകടനത്തിന് നേരെ സി പി എം അക്രമണമഴിച്ചുവിട്ടപ്പോള് എസ് ഐ ഉള്പ്പെടെ നിരവധി പേര്ക്ക് പരിക്കേറ്റിരുന്നു. ഇതേ തുടര്ന്ന് യു ഡി എഫ് ഭരണകാലം മുതല് എല് ഡി എഫ് നടത്തുന്ന പ്രക്ഷോഭപരിപാടികള് ഇരുപാര്ട്ടികളും വെവ്വേറെയായിരുന്നു നടത്തിയിരുന്നത്.
മാനന്തവാടി മേഖലയില് സി പി ഐ പൂര്ണമായി ഇല്ലാതായ സാഹചര്യമുണ്ടായിരുന്നു. എന്നാല് സി പി എമ്മിലെ ഇ ജെ ബാബുവും അദ്ദേഹത്തോടൊപ്പുമുണ്ടായിരുന്ന പ്രവര്ത്തകരും രാജി വെച്ച് സി പി ഐയില് ചേര്ന്നതോടെ പാര്ട്ടി വീണ്ടും ശക്തിപ്രാപിക്കുകയായിരുന്നു. ഈ സംഭവത്തിന് ശേഷം ഇരുപാര്ട്ടികളും തമ്മിലുള്ള പോര് ശക്തമാവുകയും പരസ്യമായ തെരുവ് സംഘട്ടനങ്ങളില് വരെയെത്തുകയും ചെയ്തു.
നഗരസഭയില് സി പി എമ്മിന് 18ഉം, സി പി ഐക്ക് രണ്ടും കൗണ്സിലര്മാരാണുള്ളത്. രണ്ടരവര്ഷത്തിന് ശേഷം വൈസ് ചെയര്പേഴ്സണ് സ്ഥാനം സി പി ഐക്ക് നല്കുമെന്ന് ധാരണയുണ്ടാക്കിയിരുന്നെങ്കിലും ഇരുവിഭാഗങ്ങളും തമ്മിലുള്ള പോര് മൂലം സി പി എം രാജിവെച്ചൊഴിയാന് തയ്യാറായിരുന്നില്ല. പിന്നീട് എല് ഡി എഫ് ജില്ലാ നേതൃത്വം ഇടപെട്ടാണ് പ്രശ്നം ഒത്തുതീര്പ്പാക്കിയത്. ഇരുപാര്ട്ടികളും ഒരുമിച്ച് നീങ്ങിയാല് മാനന്തവാടിയില് എല് ഡി എഫ് കൂടുതല് ശക്തിപ്രാപിക്കും.
-
സ്വര്ണം മൂക്കു കുത്തി വീണു; വിപണി ഇടിയുന്നു, സ്വര്ണവില ഇനിയും കുറഞ്ഞേക്കും, ഇന്നത്തെ പവന് വില -
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
എല്പിജി സിലിണ്ടര് വിതരണം നിലച്ചു; ബെംഗളൂരുവില് നാളെ ഹോട്ടലുകള് അടച്ചിടും -
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
മംഗളൂരു-തിരുനല്വേലി ട്രെയിന് കേരളത്തിലൂടെ; 20 സ്റ്റോപ്പുകള്, മാര്ച്ച് 11ന് സര്വീസ് തുടങ്ങും -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ
Click it and Unblock the Notifications
Sign in with Google