Click it and Unblock the Notifications
Just In
Don't Miss
-
അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ് -
ഫിറ്റ്നസ് നോക്കുമ്പോഴും 15 വര്ഷമായി ഹോട്ടല് ഭക്ഷണം; ശരീരം നോക്കുന്നതിനെക്കുറിച്ച് ഉണ്ണി മുകുന്ദന് -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ദാമ്പത്യത്തില് എന്നും കളിയും ചിരിയും ഉണ്ടാകാന് പങ്കാളികള് ശ്രദ്ധിക്കേണ്ട കാര്യങ്ങള് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വയനാട്ടില്‍ രണ്ടിടത്ത് കഞ്ചാവ് പിടികൂടി; തോല്‍പ്പെട്ടിയില്‍ നാല് യുവാക്കള്‍ അറസ്റ്റില്‍
മാനന്തവാടി: വയനാട്ടില്‍ രണ്ടിടത്ത് കഞ്ചാവ് പിടികൂടി. കഞ്ചാവുമായി ഓടിരക്ഷപ്പെടാന്‍ ശ്രമിച്ച യുവാവിനെയും അറസ്റ്റ് ചെയ്തു. ആകെ ജില്ലയില്‍ കഞ്ചാവുമായി അറസ്റ്റിലായത് അഞ്ച് പേര്‍. തലപ്പുഴ ടൗണിലും, ഹൈസ്‌കൂള്‍ കോളേജ് ഭാഗങ്ങളിലും കഞ്ചാവ് വില്‍പ്പന നടത്തുന്ന തലപ്പുഴ കാട്ടേരികുന്ന് പുത്തേട്ട് വീട്ടില്‍ ഷാഹുല്‍ ഹമീദ് (20) നെയാണ് 80 ഗ്രാം കഞ്ചാവ് സഹിതം മാനന്തവാടി എക്സൈസ് ഇന്‍സ്പെക്ടര്‍ ടി ഷറഫുദ്ദീനും സംഘവും മാനന്തവാടി ചൂട്ടക്കടവ് ഭാഗത്ത് കഞ്ചാവ് വില്‍പ്പനക്കിടെ അറസ്റ്റ് ചെയ്തത്.
അറസ്റ്റ് ചെയ്യാനുള്ള ഉദ്യോഗസ്ഥരുടെ ശ്രമത്തിനിടെ പ്രതി എക്സൈസ് ഉദ്യോഗസ്ഥരെ ആക്രമിച്ച് രക്ഷപ്പെടാന്‍ ശ്രമിച്ചു. ഇതിനെ തുടര്‍ന്ന് പരുക്കേറ്റ ഉദ്യോഗസ്ഥര്‍ മാനന്തവാടി ജില്ലാ ആശുപത്രിയില്‍ ചികിത്സ തേടി. ഷാഹുലിനെതിരെ വേറെയും കേസുകള്‍ നിലവിലുണ്ട്. കഞ്ചാവു ബീഡിയായും ചെറുപൊതികളായും പ്രദേശങ്ങളില്‍ വില്‍പ്പന നടത്തുന്ന ഷാഹുല്‍ ഹമീദിനെ പിന്തുടര്‍ന്നെത്തിയ എക്സൈസ് സംഘത്തിലെ സിവില്‍ എക്സൈസ് ഓഫീസര്‍മാരായ ഹാഷിം കെ. അഖില്‍ കെ എം എന്നിവര്‍ ആവശ്യക്കാരനെന്ന നിലയില്‍ പ്രതിയെ സമീപിച്ച് കച്ചവടം ഉറപ്പിക്കുന്ന സമയത്താണ് എക്‌സാണെന്ന തിരിച്ചറിവില്‍ പ്രതി ഉദ്യോഗസ്ഥരെ ആക്രമിച്ചു രക്ഷപ്പെടാന്‍ ശ്രമിച്ചത്.
തുടര്‍ന്ന് ഇന്‍സ്പെക്ടര്‍ ഷറഫുദ്ദീനും പാര്‍ട്ടിയും പ്രതിയെ ബലപ്രയോഗത്തിലൂടെ കീഴ്പെടുത്തി അറസ്റ്റു ചെയ്തു. തുടര്‍ന്ന്പരിക്കേറ്റ സിവില്‍ എക്സൈസ് ഓഫീസര്‍മാരായ ഹാഷിം, അഖില്‍ എന്നിവര്‍ ജില്ലാ ആശുപത്രിയില്‍ ചികിത്സ തേടി. കൃത്യനിര്‍വ്വഹണം തടസ്സപ്പെടുത്തിയതിനും ഉദ്യോഗസ്ഥരെ കയ്യേറ്റം ചെയ്തതിനും ഷാഹുലിനെതിരെ മാനന്തവാടി പോലീസ് കേസ് രജിസ്റ്റര്‍ ചെയ്തിട്ടുണ്ട്. മാനന്തവാടി ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
തോല്‍പ്പെട്ടിയിലാണ് നാല് യുവാക്കളെ രണ്ട് കിലോ കഞ്ചാവുമായി പിടികൂടിയത്. വയനാട് ജില്ല എക്സൈസ് ഡെപ്യൂട്ടി കമ്മീഷണര്‍ മാത്യൂസ് ജോണിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ മാനന്തവാടി റെയ്ഞ്ച് ഇന്‍സ്പെക്ടര്‍ ഷറഫുദ്ദീനും ടീമും, തോല്‍പ്പെട്ടി ചെക്ക് പോസ്റ്റിലെ പ്രിവന്റീവ് ഓഫീസര്‍ ഗോപിയും സംഘവും സംയുക്തമായി നടത്തിയ വാഹനപരിശോധനയില്‍ കാറില്‍ കടത്തുകയായിരുന്ന രണ്ട് കിലോ കഞ്ചാവ് പിടികൂടിയത്. കാറിന്റെ ബോണറ്റില്‍ നിന്നുമാണ് 2.050 കഞ്ചാവ് കണ്ടെടുത്തത്. കഞ്ചാവ് കടത്തിയ വാരാമ്പറ്റ പന്തിപ്പൊയില്‍ സ്വദേശികളായ മൂന്നാം പുഴ എം.പി ഹാരിസ് (29),ഊക്കാടന്‍ മുഹമ്മദ് റാഫി (23),പിലാക്കാട്ടില്‍ എം.പി മന്‍സൂര്‍ അലി (25),കണ്ടോത്തന്‍ കെ.ഇ റാഷിദ് (24) എന്നിവരെ അറസ്റ്റ് ചെയ്തു.
