• search
  • Live TV
വയനാട് വാർത്തകൾക്ക്
നോട്ടിഫിക്കേഷൻ അനുവദിക്കൂ  

കെ ജയചന്ദ്രന്‍ സ്മാരക പുരസ്‌ക്കാരം കെ സുജിത്തിന് മന്ത്രി കടന്നപ്പള്ളി രാമചന്ദ്രന്‍ സമ്മാനിച്ചു; ചടങ്ങിന് മാറ്റ് കൂട്ടി നടന്‍ ജഗദീഷ് നയിച്ച കലാസന്ധ്യ

  • By Desk

കല്‍പ്പറ്റ: മാധ്യമപ്രവര്‍ത്തനരംഗത്ത് മനുഷ്യപക്ഷത്ത് നിന്ന് നിലാരംബര്‍ക്കും, അശരണര്‍ക്കുമായി തൂലിക ചലിപ്പിച്ച കെ ജയചന്ദ്രന്റെ പേരില്‍ വയനാട് പ്രസ്‌ക്ലബ് നല്‍കിവരുന്ന 10001 രൂപയും ശില്‍പ്പവും അടങ്ങുന്ന കെ ജയചന്ദ്രന്‍ സ്മാരക മാധ്യമ പുരസ്‌കാരം 2018 മംഗളം സീനിയര്‍ റിപ്പോര്‍ട്ടര്‍ കെ സുജിത്തിന് മന്ത്രി രാമചന്ദ്രന്‍ കടന്നപ്പള്ളി സമ്മാനിച്ചു. കല്‍പ്പറ്റ പുളിയാര്‍മല കൃഷ്ണഗൗഡര്‍ ഹാളില്‍ സംഘടിപ്പിച്ച അവാര്‍ഡ്ദാന ചടങ്ങില്‍ പത്രപ്രവര്‍ത്തക യൂണിയന്‍ സംസ്ഥാന പ്രസിഡന്റ് കമാല്‍ വരദൂര്‍ അനുസ്മരണ പ്രഭാഷണം നടത്തി.

ബുലന്ധ്‌ഷെഹര്‍ കലാപം: കൊല്ലപ്പെട്ട പോലീസുകാരന്റെ ഫോണ്‍ കൊലയാളിയുടെ വീട്ടില്‍

ഐ സി ബാലകൃഷ്ണന്‍ എം എല്‍ എ അധ്യക്ഷനായിരുന്നു. ജില്ലാ പഞ്ചായത്ത് പ്രസിഡന്റ് കെ ബി നസീമ മാധ്യമപ്രവര്‍ത്തകര്‍ക്കുള്ള ഐഡന്റിറ്റി കാര്‍ഡിന്റെ വിതരണോദ്ഘാടനം നടത്തി. കല്‍പ്പറ്റ നഗരസഭാധ്യക്ഷ സനിത ജഗദീഷ്, വയനാട് പ്രസ് ക്ലബ് പ്രസിഡന്റ് പ്രദീപ് മാനന്തവാടി, എ എസ് ഗിരീഷ് എന്നിവര്‍ സംസാരിച്ചു. കെ സുജിത്ത് മറുപടി പ്രസംഗം നടത്തി. പ്രസ്‌ക്ലബ് സെക്രട്ടറി പി ഒ ഷീജ സ്വാഗതവും കെ എ അനില്‍കുമാര്‍ നന്ദിയും പറഞ്ഞു.

ചടങ്ങിന് മാറ്റ് കൂട്ടി പ്രശസ്ത സിനിമാതാരവും ടെലിവിഷന്‍ അവതാരകനുമായ ജഗദീഷ് നയിച്ച കലാസന്ധ്യ ശ്രദ്ധേയമായി. വയനാട് പ്രസ്സ്‌ക്ലബ്ബിന്റെ വിവിധേദ്ദോശ പ്രവര്‍ത്തനങ്ങള്‍ക്കായാണ് ചലചിത്ര-മിനി സ്‌ക്രീന്‍ താരങ്ങളെ അണിനിരത്തിക്കൊണ്ട് ജഗദീഷിന്റെ നേതൃത്വത്തില്‍ കലാസന്ധ്യ സംഘടിപ്പിച്ചത്. കേരളത്തിന്റെ വിവിധ ഭാഗങ്ങളിലുള്ള 30 അംഗസംഘമാണ് വിവിധ പരിപാടികള്‍ അവതരിപ്പിച്ചത്.

പിന്നണി ഗായിക കീര്‍ത്തന ശബരീഷ്, കലാഭവന്‍ ജോഷ്യ, തത്സമയ വേഷപകര്‍ച്ചയിലൂടെ ശ്രദ്ധേയനായ അബി ചാത്തനൂര്‍, സ്‌പോട്ട് ഡബ്ബ് സ്‌പെഷ്യലിസ്റ്റ് രാജേഷ് അടിമാലി തുടങ്ങിയ കലാകാന്‍മാര്‍ അവതരിപ്പിച്ച പരിപാടികള്‍ കാഴ്ചക്കാരുടെ മനം കവര്‍ന്നു. കലാസന്ധ്യയോടൊപ്പം നടത്തിയ കെ ജയചന്ദ്രന്‍ സ്മാരക പുരസ്‌കാര വിതരണത്തിനെത്തിയ മന്ത്രി രാമചന്ദ്രന്‍ കടന്നപ്പള്ളി ഗാനം ആലപിച്ചതും ശ്രദ്ധേയമായി. 'ദേവി ശ്രീദേവി' എന്നഗാനം ആലപിച്ചാണ് മന്ത്രി കാഴ്ചക്കാരുടെ പ്രശംസ പിടിച്ചുപറ്റിയത്.

Wayanad

English summary
K Jayachandran memmorial award goes to K Sujith
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more