ശ്രീധന്യക്ക് അഭിനന്ദനപ്രവാഹം; ഗവര്ണര് പി സദാശിവവും, മുല്ലപ്പള്ളി രാമചന്ദ്രനും ആശംസകളുമായെത്തി
കല്പ്പറ്റ: ദുരിതത്തോട് പോരാടി സിവില്സര്വീസ് പരീക്ഷയില് ഉന്നതവിജയം നേടിയ ശ്രീധന്യ സുരേഷിന് അഭിനന്ദനപ്രവാഹം. ഞായറാഴ്ച രാവിലെ വയനാട്ടിലെത്തിയ ശ്രീധന്യയെ ആദ്യം അഭിനന്ദിക്കാനെത്തിയത് ഗവര്ണര് പി സദാശിവമായിരുന്നു. രാഷ്ട്രീയ വിധേയത്വമല്ല ജനങ്ങള്ക്കുള്ള സേവനമാണ് സിവില് സര്വ്വീസ് ഉദ്യോസ്ഥരില് നിന്ന് ഉണ്ടാകേണ്ടതെന്നും സദാശിവം ശ്രീധന്യയെ ഉപദേശിച്ചു. കല്പ്പറ്റ ഗവ. റസ്റ്റ്ഹൗസില് നടന്ന ചടങ്ങില് ഗവര്ണറുടെ ഭാര്യ സരസ്വതി സദാശിവം, ജില്ലാ കളക്ടര് എ.ആര് അജയകുമാര്, ഗവര്ണറുടെ സുരക്ഷ ചുമതലയുള്ള അരുള് ആര്.ബി. കൃഷ്ണ, ജില്ലാ പൊലീസ് മേധാവി ആര്. കറുപ്പസാമി, ശ്രീധന്യയുടെ മാതാപിതാക്കളായ കെ.കെ സുരേഷ്, കെ.സി കമല, സഹോദരന് ശ്രീരാഗ് എന്നിവരും പങ്കെടുത്തു.
ശ്രീധന്യയെ അഭിനന്ദിച്ച ഗവര്ണര് വീട്ടുകാര്യങ്ങളും ചോദിച്ചറിഞ്ഞു. തുടര്ന്ന് ശ്രീധന്യയുടെ കുടുംബത്തിന്റെ പ്രശ്നങ്ങള് പരിഹരിക്കാന് കലക്ടര്ക്ക് നിര്ദേശം നല്കി. ശ്രീധന്യയുടെ മാതാപിതാക്കളുമായി പ്രശ്നങ്ങള് സംസാരിക്കുമെന്ന് കലക്ടറും ഉറപ്പുനല്കി. ഗവര്ണറുടെ സന്ദര്ശനത്തില് ഏറെ സന്തോഷമുണ്ട്. അദ്ദേഹത്തിന്റെ ഉപദേശം ഉള്കൊണ്ട് ചട്ടങ്ങളും നിയമങ്ങളും പാലിച്ച് എല്ലാവര്ക്കും വേണ്ടി പ്രവര്ത്തിക്കുമെന്നും ശ്രീധന്യ മറുപടി പറഞ്ഞു.
അരമണിക്കൂറോളം നീണ്ടുനിന്ന സൗഹൃദ കൂടിക്കാഴ്ച ചായസത്ക്കാരത്തിനു ശേഷം പിരിഞ്ഞു. വൈകിട്ട് അഞ്ച് മണിയോടെ കെ പി സി സി അധ്യക്ഷന് മുല്ലപ്പള്ളി രാമചന്ദ്രന് ശ്രീധന്യയുടെ വീട്ടിലെത്തി അഭിനന്ദിച്ചു. കണ്ണീരില് കുതിര്ന്ന കൗമാരം പിന്നിട്ട് നേടിയ ഈ വിജയം അവഗണനയും വിവേചനവും നേരിടുന്ന ഒരു ജനതയുടെ ഉയര്ത്തെഴുന്നേല്പ്പിന്റെ പ്രതീകമാണെന്നായിരുന്നു മുല്ലപ്പള്ളിയുടെ പ്രതികരണം. അതേസമയം, ശ്രീധന്യാ സുരേഷിനെ സമൂഹമാധ്യമങ്ങളില് വംശീയമായി അധിക്ഷേപിച്ചവര്ക്കെതിരെ നടപടി വേണമെന്ന് മുന് പട്ടികവര്ഗ ക്ഷേമ വകുപ്പ് മന്ത്രിയും എ.ഐ. സി.സി. അംഗവുമായ പി.കെ. ജയലക്ഷ്മി പറഞ്ഞു.
ശ്രീധന്യയെ അഭിനന്ദിക്കാനായി പൊഴുതനയിലെ വീട്ടിലെത്തിയതായിരുന്നു അവര്. ഒരു ദൃശ്യമാധ്യമം നല്കിയ നല്ല വാര്ത്തക്ക് കമന്റായാണ് ശ്രീധന്യയെ അപകീര്ത്തിപ്പെടുത്തും വിധം വംശീയമായി അധിക്ഷേ പിച്ചിട്ടുള്ളത്. ഗവര്ണറുടെ അഭിനന്ദനം കഴിഞ്ഞ് വീട്ടിലെത്തിയ താന് ഏറെ സന്തോഷത്തിലിരിക്കെ ഇത്തരം പോസ്റ്റുകള് കണ്ടതോടെ കടുത്ത മാനസിക വിഷമത്തിലാണന്ന് ശ്രീധന്യ തന്നോട് പറഞ്ഞുവെന്നും ജയലക്ഷ്മി കൂട്ടിച്ചേര്ത്തു. ജില്ലയിലെ ജെ സി എ അടക്കമുള്ള സംഘടനകളും ഞായറാഴ്ച ശ്രീധന്യയെ അഭിനന്ദിച്ചു. ശ്രീധന്യയുടെ കുടുംബത്തിന്റെ പ്രശ്നങ്ങള്ക്ക് ഉടന് പരിഹാരം കാണണമെന്ന് ജില്ലാകലക്ടറോട് പി സദാശിവം ആവശ്യപ്പെട്ടിട്ടുണ്ട്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google