Click it and Unblock the Notifications
Just In
Don't Miss
-
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്‍; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
ആദര്‍ശസമ്മേളനത്തിന് സമാപനം; പങ്കെടുത്തത് 2000-ലധികം പേര്‍; മതാചാരങ്ങളുടെ ദുരുപയോഗം ആപത്ക്കരമെന്ന് !
കല്‍പ്പറ്റ: രാഷ്ട്രീയലക്ഷ്യത്തിനും വര്‍ഗീയ ചേരിതിരിവിനും മതാചാരങ്ങളുടെ ദുരുപയോഗം ആപത്കരമെന്ന് കെ എന്‍ എം ജില്ലാ ആദര്‍ശ സമ്മേളനം.രാജ്യത്തിന്റെ ആഭിമാനമായി കരുതി കാത്തുസൂക്ഷിച്ചുപോരുന്ന മതേതരത്വവും സഹിഷ്ണുതയും നിലനിര്‍ത്താനും അത്യന്തം അപകടകരമായി മാറിയ മതാചാരങ്ങളുടെ പേരിലുള്ള ശിഥിലീകരണം ഇല്ലാതാക്കാനും രാഷ്ട്രീയ സാമൂഹിക രംഗത്തുള്ളവര്‍ തയ്യാറാകണം.
പൊതുസമൂഹം മതപ്രമാണങ്ങള്‍ അനുസരിച്ചും, രാജ്യത്തെ നിയമങ്ങള്‍ അനുസരിച്ചും പ്രവര്‍ത്തിക്കാന്‍ തയ്യാറാകണം. മനുഷ്യനെ മാനവികതയിലേക്കും ഏകത്വത്തിലേക്കും ക്ഷണിക്കുന്നത് മതദര്‍ശനങ്ങളാണ്. അന്ധവിശ്വാസങ്ങളും അത്യാചാരങ്ങളും ഇല്ലായ്മ ചെയ്യാന്‍ ആവശ്യമായ ബുദ്ധിപരമായ ഇടപെടലുകളാണ് വേണ്ടത്.
കല്‍പ്പറ്റ ചന്ദ്രഗിരി ഓഡിറ്റോറിയത്തിലാണ് ജില്ലാ ആദര്‍ശ സമ്മേളനം നടന്നത്. സമാപനം കെ എന്‍ എം സംസ്ഥാന അധ്യക്ഷന്‍ ടി പി അബ്ദുള്ളക്കോയ മദനി ഉദ്ഘാടനം ചെയ്തു. മതം മാനവ സംസ്‌കരണത്തിന് എന്ന വിഷയത്തില്‍ അബ്ദുള്‍ ഹബീബ് മദനിയും ആദര്‍ശത്തനിമ ശ്വതലോകത്തേക്ക് എന്ന വിഷയത്തില്‍ ഷുക്കൂര്‍ സ്വലാഹിയും ക്ലാസ്സെടുത്തു. കെ.എന്‍.എം. സംസ്ഥാന നിര്‍വ്വാഹക സമിതി അംഗം കെ.എം.കെ.ദേവര്‍ഷോല അധ്യക്ഷത വഹിച്ചു. ഉച്ചയ്ക്ക് ശേഷം നടന്ന വനിതാ സമ്മേളനത്തില്‍ കുടുംബം ശാന്തിയുടെ ഗേഹം എന്ന വിഷയത്തില്‍ ആയിഷ ചെറുമുത്ത് പ്രഭാഷണം നടത്തി. ഫാത്തിമ ഇഖ്ബാല്‍ അധ്യക്ഷത വഹിച്ചു. രാവിലെ 9-30തിന് ആരംഭിച്ച സമ്മേളനം വൈകുന്നേരം അഞ്ച് മണിക്കാണ് സമാപിച്ചത്. ജില്ലയിലെ വിവിധ ശാഖകളില്‍ നിന്നായി 2000ത്തിലധികം പ്രവര്‍ത്തകര്‍ പരിപാടിയില്‍ പങ്കെടുത്തു.
