വയനാട്ടില് മയക്കുമരുന്ന് വേട്ട; എംഡിഎംഎയുമായി കോഴിക്കോട് സ്വദേശി പിടിയിൽ
കല്പ്പറ്റ: വയനാട് കൽപ്പറ്റയിൽ എം.ഡി.എം.എയും, കഞ്ചാവുമായി രണ്ട് യുവാക്കള് പിടിയില്. കോഴിക്കോട് പുതുപ്പാടി സ്വദേശി പി.കെ. മുഹമ്മദ് ഫാസിദ്, താമരശേരി സ്വദേശി പി.കെ. അനൂപ് എന്നിവരാണ് മയക്കുമരുന്നുമായി അറസ്റ്റിലായത്. ജില്ലാ ലഹരി വിരുദ്ധ സ്ക്വാഡും കല്പറ്റ പോലീസും സംയുക്തമായി കൽപ്പറ്റ ജംഗ്ഷനില് വെച്ചു നടത്തിയ വാഹന പരിശോധനയിലാണ് ഇരുവരേയും പിടികൂടിയത്.
സംശയത്തിന്റെ അടിസ്ഥാനത്തിൽ പോലീസ് നടത്തിയ പരിശോധനയിലാണ് പ്രതികൾ കുടുങ്ങിയത്.പരിശോധനയിൽ മാരുതി സ്വിഫ്റ്റ് കാറില് നിന്നും 12 ഗ്രാം എം.ഡി.എം.എയും, 23 ഗ്രാം കഞ്ചാവും കണ്ടെത്തി. ഇവര്ക്കെതിരെ എന്.ഡി.പി.എസ് വകുപ്പുകള് പ്രകാരം കേസ് രജിസ്റ്റര് ചെയ്തു
പ്രതികളെ ചോദ്യം ചെയ്തുവരികയാണെന്നും മയക്കുമരുന്നിന്റെ ഉറവിടം കണ്ടെത്താനുള്ള അന്വേഷണം ആരംഭിച്ചിട്ടുണ്ടെന്നും പൊലീസ് അറിയിച്ചു.
ജിതിനെ 14 ദിവസത്തേക്ക് റിമാന്റ് ചെയ്തു, ആക്രമണം പ്രാദേശിക നേതാക്കളുടെ അറിവോടെയെന്ന് ക്രൈംബ്രാഞ്ച്
അതിനിടെ മലപ്പുറം ജില്ലയില് കോടികളുടെ മാരക മയക്കുമരുന്നുമായി ഒരാളെ പോലീസ് അറസ്റ്റ് ചെയ്തു. കോട്ടക്കല് ഒതുക്കങ്ങള് സ്വദേശി കാളങ്ങാടന് സുബൈറിനെ (42)യാണ് അറസ്റ്റ് ചെയ്തത്. ബാംഗ്ലൂര്, വിരാജ്പേട്ട എന്നിവിടങ്ങളില് നിന്ന് ജില്ലയില് വില്പ്പന നടത്താനായി എത്തിച്ച സിന്തറ്റിക് മയക്കുമരുന്ന് ഇനത്തില്പ്പെട്ട എംഡി എം എയുമായാണ് ഇയാളെ കൊളത്തൂര് പെോലീസ് പിടികൂടിയത്.
പോലീസിന് ലഭിച്ച രഹസ്യ വിവരങ്ങളുടെ അടിസ്ഥാനത്തിലായിരുന്നു പരിശോധന. പടപ്പറമ്പ് ടൗണിന് സമീപത്തു നിന്നാണ് 140 ഗ്രാം എം ഡി എം എയുമായി പ്രതിയെ അറസ്റ്റു ചെയ്തത്. എം ഡി എം എ, എല് എസ് ഡി സ്റ്റാമ്പുകള് തുടങ്ങിയ സിന്തറ്റിക് മയക്കുമരുന്നുകള് തദ്ദേശീയരായ ഏജന്റുമാര് മുഖേന ജില്ലയിലെത്തിച്ച് വില്പ്പന നടത്തുന്നത് കോട്ടക്കല് കേന്ദ്രീകരിച്ചാണെന്ന് പോലീസിന് സൂചന ലഭിച്ചിരുന്നു. പിടികൂടിയ മയക്കുമരുന്നിന് ഒരു കോടിയോളം വില വരുമെന്ന് പൊലീസ് പറഞ്ഞു.
Click it and Unblock the Notifications
Sign in with Google