ഗ്രാമീണ സംരംഭകത്വ വികസന പദ്ധതിക്ക് വയനാട്ടില് തുടക്കമായി; പനമരം ബ്ലോക്കില് 1295 സംരംഭങ്ങള് തുടങ്ങും
കല്പ്പറ്റ: കുടുംബശ്രീ നടപ്പാക്കുന്ന ഗ്രാമീണ സംരംഭകത്വ വികസന പദ്ധതിക്ക് (എസ്.ഇ.വി.പി) ജില്ലയില് തുടക്കമായി. സാങ്കേതിക വൈദഗ്ദ്ധ്യം ആവശ്യമല്ലാത്തതും വിജയ സാധ്യതയേറെയുള്ളതുമായ മേഖലകളില് സംരംഭകരെ ആകര്ഷിച്ച് ജീവനോപാധി ഉറപ്പ് വരുത്തുകയെന്നതാണ് പദ്ധതി ലക്ഷ്യമിടുന്നത്. വയനാട്ടിലെ പനമരം ബ്ലോക്ക് പഞ്ചായത്തിലാണ് പദ്ധതി ആരംഭിച്ചിട്ടുള്ളത്. നാല് വര്ഷം കൊണ്ട് 4.5 കോടി രൂപയാണ് കേന്ദ്ര ഗ്രാമ വികസന മന്ത്രാലയം പദ്ധതിക്കായി വകയിരുത്തിയിട്ടുള്ളത്.
കുടുംബശ്രീ പനമരം ബ്ലോക്ക് പഞ്ചായത്തില് നടപ്പിലാക്കുന്ന ഗ്രാമീണ സംരംഭകത്വ വികസന പദ്ധതിയുടെ ഉദ്ഘാടനം ഒ ആര് കേളു എം എല് എ നിര്വഹിക്കുന്നു
പദ്ധതി കാലയളവില് പനമരം ബ്ലോക്കില് ചുരുങ്ങിയത് 1295 സംരംഭങ്ങള് ആരംഭിക്കുന്നതിനാണ് പ്രൊജക്ട് തയ്യാറാക്കിയിട്ടുള്ളത്. ഇത് പ്രകാരം ആദ്യ വര്ഷം മാത്രം 200 സംരംഭങ്ങള് ആരംഭിക്കണം. എന്നാല് ഉദ്ഘാടനത്തിന് മുമ്പ് തന്നെ അമ്പതോളം സംരംഭങ്ങള് ആരംഭിച്ചിട്ടുണ്ട്. ഓട്ടോമൊബൈല് പെയിന്റിംഗ് വര്ക്കഷോപ്പ്, ബ്യൂട്ടി പാര്ലര്, ബാര്ബര് ഷോപ്പ്, ഗ്ലാസ്സ് പെയിന്റിംഗ്, ഷോപ്പര് ബാഗുകള്, ചവിട്ടികള് തുടങ്ങിയവയുടെ നിര്മ്മാണ യൂനിറ്റുകള്, മാട്രിമോണിയല് എന്നിങ്ങനെയുള്ള സംരംഭങ്ങള് ആരംഭിച്ച് അത് വഴി സേവന മേഖലയിലും ശ്രദ്ധ കേന്ദ്രീകരിക്കാന് കുടുംബശ്രീ തയ്യാറെടുക്കുകയാണ്. ഗുണഭോക്താക്കളുടെ താല്പര്യപ്രകാരം വ്യക്തിഗതമായും ഗ്രൂപ്പുകളായും സംരംഭങ്ങള് ആരംഭിക്കാന് കഴിയും. പദ്ധതി പ്രകാരം രണ്ട് അംഗങ്ങളുണ്ടെങ്കില് ഗ്രൂപ്പ് സംരംഭങ്ങള് തുടങ്ങാനാകും. എസ്.വി.ഇ.പി പദ്ധതി പ്രാകരം ആരംഭിക്കുന്ന യൂണിറ്റുകള്ക്കെല്ലാം കുടുംബശ്രീ സൂക്ഷ്മ സംരംഭ മാനദണ്ഡ പ്രകാരമുള്ള മുഴുവന് ആനുകൂല്യങ്ങള്ക്കും അര്ഹതയുമുണ്ടാകും. ബാങ്ക് വായ്പക്കും മറ്റും കാലതാമസം നേരിടുന്നതിനാല് സംരംഭത്തിന്റെ പ്രാരംഭ മുതല്മുടക്കിനാവശ്യമായ തുക കമ്മ്യൂണിറ്റി ഇന്വെസ്റ്റ്മെന്റായി അനുവദിക്കും. നാല് ശതമാനം പലിശ നിരക്കില് വ്യക്തിഗത യൂണിറ്റുകള്ക്ക് 50,000 രൂപയും ഗ്രൂപ്പുകള്ക്ക് ഒരു ലക്ഷം രൂപയുമാണ് അനുവദിക്കുക. പനമരം ബ്ലോക്കിന് കീഴിലുള്ള അഞ്ച് ഗ്രാമ പഞ്ചായത്തുകളിലും പദ്ധതി നടത്തിപ്പിനായി എം.ഇ.സിമാരെ നിയമിച്ചിട്ടുണ്ട്.
അയല്ക്കൂട്ട, എ.ഡി.എസ്, സി.ഡി.എസ് യോഗങ്ങളില് പങ്കെടുത്ത് ഇവര് താല്പര്യമുള്ളവരെ കണ്ടെത്തുകയും അവബോധ ബോധവല്ക്കരണവും സംരംഭകത്വ വികസന പരിശീലനവും നല്കി യൂനിറ്റുകള് ആരംഭിക്കുകയുമാണ് ചെയ്യുന്നത്. ബ്ലോക്കിലെ ഒരു പഞ്ചായത്ത് ആസ്ഥാനത്ത് പ്രവര്ത്തനങ്ങള് ഏകോപിപ്പിക്കുന്നതിനായി ബ്ലോക്ക് റിസോഴ്സ് സെന്റര് എന്ന പേരില് ഓഫീസ് സംവിധാനം ഉടന് ആരംഭിക്കും. എം.ഇ.സിമാരുടെയും ബി.എന്.എസ്.ഇ.പി അംഗങ്ങളുടെയും അവലോകന യോഗങ്ങളും ദൈനം ദിന പ്രവര്ത്തനങ്ങളും ഈ ഓഫീസ് കേന്ദ്രീകരിച്ചാണ് നടത്തുക. പദ്ധതിയുടെ ഉദ്ഘാടനം പനമരം പഞ്ചായത്ത് ഹാളില് നടന്ന ചടങ്ങില് ഒ.ആര്.കേളു എം.എല്.എ നിര്വ്വഹിച്ചു. പഞ്ചായത്ത് വൈസ് പ്രസിഡന്റ് ടി. മോഹനന് അദ്ധ്യക്ഷനായിരുന്നു. ബ്ലോക്ക് പഞ്ചായത്ത് പ്രസിഡന്റ് ടി. ആര്. ദിലീപ് കുമാര്, പ്രസിഡന്റ്മാരായ രുഗ്മിണി സുബ്രഹ്മണ്യന്, ബിന്ദു പ്രകാശ്, ഗിരിജ കൃഷ്ണന് ക്ഷേമകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് മെഹറുന്നീസ റസാഖ് തുടങ്ങിയവര് സംസാരിച്ചു.
-
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്' -
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും
Click it and Unblock the Notifications
Sign in with Google