Click it and Unblock the Notifications
Just In
Don't Miss
-
കന്യകാത്വം നഷ്ടപ്പെട്ടതെപ്പോള്? അര്ഹാന് ഖാനോട് മലൈക; അമ്മയുടെ കല്യാണമെന്നാണെന്ന് തിരിച്ച് ചോദ്യം -
IPL 2024: കെകെആര് ജയിച്ചേനെ, തോല്പ്പിച്ചത് ശ്രേയസിന്റെ മണ്ടന് ക്യാപ്റ്റന്സി! ആ പിഴവ് തിരിച്ചടി -
രക്തയോട്ടം മോശമായാല് ശരീരം നല്കും അപായ സൂചന; രക്തചംക്രമണം നേരെയാക്കാന് വഴി -
കാലം വരുത്തിയ മാറ്റങ്ങൾ; ദിവസം 2.5ജിബി ഡാറ്റ ലഭിക്കുന്ന ഇപ്പോഴത്തെ ജിയോ പ്ലാനുകൾ ഇതാ -
ഈ വിലയ്ക്ക് 2 ആൾട്ടോയും ഒരു സ്വിഫ്റ്റും പോർച്ചിൽ കിടക്കും; കണ്ണഞ്ചിപ്പിക്കും വിലയിൽ 2024 അപ്രീലിയ ട്യൂണോ 660 -
വിപണിയുടെ ഇടിവിലും വാങ്ങാൻ 3 ഓഹരികൾ, മുന്നേറ്റത്തിന് കാരണം ഇതാണ്, നോക്കുന്നോ... -
ശെന്തുരുണിയിലേക്ക് കാനനയാത്ര, മുത്തങ്ങയിൽ ജംഗിൾ സഫാരി... അവധിക്കാല പാക്കേജുമായി കെഎസ്ആർടിസി
കുങ്കിച്ചിറ പൈതൃക മ്യൂസിയത്തിന്റെ നിര്‍മ്മാണം അന്തിമഘട്ടത്തിലേക്ക്; അടുത്തവര്‍ഷം തുറന്നുകൊടുത്തേക്കും
മാനന്തവാടി: വയനാടിന്റെ ടൂറിസംഭൂപടത്തില്‍ മറ്റൊരു പൊന്‍തൂലല്‍ കൂടി. മ്യൂസിയം വകുപ്പിന് കീഴില്‍ മാനന്തവാടി നിയോജക മണ്ഡലത്തിലെ കുങ്കിച്ചിറയില്‍ നിര്‍മ്മിച്ച് വരുന്ന കുങ്കിച്ചിറ പൈതൃക മ്യൂസിയത്തിന്റെ പ്രവൃത്തികള്‍ അന്തിമഘട്ടത്തിലേക്ക് കടന്നിരിക്കുകയാണ്. നിലവില്‍ മ്യൂസിയത്തിന്റെ 95 ശതമാനം പ്രവൃത്തികളും പൂര്‍ത്തിയായതായി കഴിഞ്ഞ ദിവസം മ്യൂസിയം മന്ത്രി കടന്നപ്പള്ളി രാമചന്ദ്രന്‍ നിയമസഭയില്‍ വ്യക്തമാക്കിയിരിക്കുന്നു.
കേന്ദ്ര സര്‍ക്കാര്‍ അംഗീകൃത ഏജന്‍സിയായ ഹിന്ദുസ്ഥാന്‍ പ്രീ-ഫാബ് ലിമിറ്റഡാണ് മ്യൂസിയത്തിന്റെ നിര്‍മ്മാണ പ്രവര്‍ത്തനങ്ങള്‍ നടത്തിവരുന്നത്. ചിറയുടെ നവീകരണം സംസ്ഥാന സര്‍ക്കാര്‍ അംഗീകൃത ഏജന്‍സിയായ ഹാബിറ്റാറ്റ് ലിമിറ്റഡുമാണ് ഏറ്റെടുത്തിട്ടുള്ളത്. എല്ലാ ജോലികളും പൂര്‍ത്തികരിച്ച് 2019-20 ഓട് കൂടി പൊതുജനങ്ങള്‍ക്ക് മ്യൂസിയം തുറന്നു കൊടുക്കാന്‍ കഴിയുമെന്നാണ് പ്രതീക്ഷിക്കുന്നതെന്ന് മാനന്തവാടി എം.എല്‍.എ ഒ.ആര്‍ കേളുവും പറയുന്നു.
അടിസ്ഥാന സൗകര്യങ്ങളുടെ നിര്‍മ്മാണപ്രവൃത്തികളില്‍ ഭൂരിഭാഗവും ഇതിനകം തന്നെ പൂര്‍ത്തിയായി കഴിഞ്ഞു. കെ.എസ്.ഇ.ബി മുഖേനെ വൈദ്യുതി ലഭ്യമാകുന്നതിനായി ട്രാന്‍സ്ഫോര്‍മര്‍, ജനറേറ്റര്‍ തുടങ്ങിയവ സ്ഥാപിച്ചുകഴിഞ്ഞു. മ്യൂസിയത്തിന്റെ ചുറ്റുമതിലിന്റെ നിര്‍മ്മാണം ഇതിനകം തന്നെ പൂര്‍ത്തിയായിരുന്നു. ചിറയുടെ സംരക്ഷ പ്രവര്‍ത്തനങ്ങളുടെ ഭാഗമായുള്ള സംരക്ഷണ ഭിത്തികളുടേയും നടപ്പാതകളുടെ നിര്‍മ്മാണ പ്രവര്‍ത്തനങ്ങളും അന്തിമഘട്ടത്തിലെത്തി കഴിഞ്ഞു. നിലവില്‍ ഒരു സൂപ്പറ്വൈസറി ഉദ്യോഗസ്ഥന്‍, നാല് ഗാര്‍ഡനര്‍മാര്‍, ഒരു സ്വീപ്പര്‍ എന്നിവരടക്കം ആറ് ജീവനക്കാരാണ് കുങ്കിച്ചിറയിലുള്ളത്.
മ്യൂസിയത്തിലേക്ക് ലഭ്യമായ വസ്തുക്കള്‍ സജ്ജീകരിക്കുന്ന ചുമതല നോഡല്‍ ഏജന്‍സിയായ കേരള ചരിത്ര പൈതൃക മ്യൂസിയത്തിനാണുള്ളത്. മ്യൂസിയത്തിന് മുന്നിലെ ചിറ നവീകരണം നടത്തി കുങ്കിയമ്മയുടെ പ്രതീകാത്മകമായ പ്രതിമ ചിറയില്‍ സ്ഥാപിച്ചിട്ടുണ്ട്. മ്യൂസിയത്തിന്റെ അടിസ്ഥാന സൗകര്യം ഒരുക്കുന്നതിന്റെ ഭാഗമായി മ്യൂസിയം സന്ദര്‍ശിക്കാനെത്തുന്ന ഭിന്നശേഷിക്കാര്‍ ഉള്‍പ്പെടെയുള്ള സന്ദര്‍ശകര്‍ക്ക് ഉപയോഗിക്കാന്‍ ആധുനിക രീതിയിലുള്ള ശുചീകരണ മുറികളും സജ്ജമാക്കിയിട്ടുണ്ട്.
സുല്‍ത്താന്‍ബത്തേരി താലൂക്കിലെ അമ്പലവയലിലാണ് നിലവില്‍ വയനാട്ടിലെ ഏക ഹെറിറ്റേജ് മ്യൂസിയം പ്രവര്‍ത്തിക്കുന്നത്. 2017-18 സാമ്പത്തികമ്യൂസിയത്തില്‍ ഈ ഹെറിറ്റേജ് മ്യൂസിയത്തില്‍ 1,01,839 പേര് എത്തിയതാണ് ഔദ്യോഗിക കണക്ക്. കുങ്കിച്ചിറയോട് അനുബന്ധിച്ച് പൈതൃക മ്യൂസിയം വരുന്നതോടെ വയനാടിന്റെ വിനോദസഞ്ചാര മേഖക്കും ചരിത്രപഠിതാക്കള്‍ക്കും പുതിയ പ്രതീക്ഷയാവുകയാണ്.
