അന്ന് വാഹനം കാണുമ്പോള് ഓടിയൊളിച്ച വന്യമൃഗങ്ങള് ഇപ്പോള് സന്തോഷത്തോടെ അടുത്തേക്ക് വരുന്നു: ഇപി
വയനാട്: വന്യമൃഗങ്ങള്ക്ക് വാഹനങ്ങള് കാണുമ്പോള് ഇപ്പോള് സന്തോഷമാണെന്ന് എല് ഡി എഫ് കണ്വീനറും മുന്മന്ത്രിയുമായ ഇ പി ജയരാജന്. കര്ണാടകയില് നിന്ന് കേരളത്തിലേക്ക് ചോളത്തണ്ടും തീറ്റപ്പുല്ലും കൊണ്ടുവരുന്നതിന് നിരോധനമേര്പ്പെടുത്തിയ കര്ണാടകയുടെ നിലപാടില് പ്രതിഷേധിച്ച് എല് ഡി എഫിന്റെ നേതൃത്വത്തില് ക്ഷീരകര്ഷകര് നടത്തിയ മാര്ച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഇന്നത്തെ ആധുനിക വാഹനങ്ങള് ശബ്ദ മലിനീകരണമില്ലാത്തവയാണ് എന്നും അതുകൊണ്ട് തന്നെ വനമേഖലകളില് മൃഗങ്ങള്ക്ക് ഭീഷണി സൃഷ്ടിക്കുന്നില്ല എന്നും അദ്ദേഹം കൂട്ടിച്ചേര്ത്തു. ദേശീയപാത 766ല് സംസ്ഥാന അതിര്ത്തിയായ മൂലഹൊള്ളയിലേക്ക് ആണ് ക്ഷീരകര്ഷകര് മാര്ച്ച് നടത്തിയത്. ബന്ദിപ്പൂര് വനമേഖലയില് കര്ണാടക ഏര്പ്പെടുത്തിയിട്ടുള്ള രാത്രിയാത്രാ നിരോധനം നീക്കേണ്ടതിന്റെ ആവശ്യകതയെക്കുറിച്ച് സംസാരിക്കുമ്പോഴായിരുന്നു അദ്ദേഹത്തിന്റെ പ്രതികരണം.
മുന്പ് വാഹനങ്ങള് കാണുമ്പോള് മൃഗങ്ങള് ഓടിയൊളിക്കുമായിരുന്നു എന്നും എന്നാല് ഇപ്പോള് സന്തോഷത്തോടെ വന്യമൃഗങ്ങള് വാഹനങ്ങളുടെ അടുത്തേക്ക് വരികയാണ് എന്നും ഇ പി ജയരാജന് വ്യക്തമാക്കി. ദേശീയപാത 766 ലെ രാത്രിയാത്രാ നിരോധന വിഷയം ഇടത് മുന്നണി യോഗം ഗൗരവത്തോടെ തന്നെ ചര്ച്ച ചെയ്യും എന്നും ഇ പി ജയരാജന് കൂട്ടിച്ചേര്ത്തു.
വിഷയം കര്ണാടകയുമായി ചര്ച്ച ചെയ്യേണ്ടതിന്റെയും കോടതിയില് ഇടപെടേണ്ടതിന്റെയും കാര്യങ്ങള് എല് ഡി എഫ് പരിശോധിക്കും. അതേസമയം വയനാടിന്റെ ഒരു വികസന കാര്യത്തിലും എം പിയായ രാഹുല് ഗാന്ധി ഇടപെടുന്നില്ല എന്നും അദ്ദേഹം കുറ്റപ്പെടുത്തി. രാത്രിയാത്ര നിരോധന വിഷയത്തില് ദേശീയ നേതാവായ രാഹുല് ഗാന്ധിക്ക് ഏറെ സമ്മര്ദങ്ങള് ചെലുത്താനാകും എന്നും അദ്ദേഹം ചൂണ്ടിക്കാട്ടി.
എന്നാല് നിഷേധാത്മക നിലപാടാണ് ഈ വിഷയത്തില് രാഹുല് ഗാന്ധിയുടെ ഭാഗത്ത് നിന്ന് ഉണ്ടാകുന്നത് എന്നും അദ്ദേഹം പറഞ്ഞു. ബിജെപിക്കെതിരെ മതനിരപേക്ഷ ശക്തിയായി ഉയരാന് കോണ്ഗ്രസിന് കഴിയുന്നില്ല. കര്ണാടകയില് കോണ്ഗ്രസ് അധികാരത്തില് വന്നത് ബി ജെ പി വിരുദ്ധ തരംഗം മൂലമാണ് എന്നും ഇ പി ജയരാജന് പറഞ്ഞു. തെലങ്കാനയില് ബി ജെ പിയെ അല്ല ബി ജെ പിക്കെതിരെ പോരാടുന്നവരെയാണ് കോണ്ഗ്രസ് തോല്പിച്ചത് എന്നും അദ്ദേഹം പറഞ്ഞു.
അതേസമയം വയനാട്ടിലെ രാഹുല് ഗാന്ധിയുടെ സ്ഥാനാര്ത്ഥിത്വം സംബന്ധിച്ചും ഇ പി ജയരാജന് പ്രതികരിച്ചു. രാഹുല് ഗാന്ധി എവിടെ മത്സരിക്കണമെന്ന് അവരാണ് തീരുമാനിക്കേണ്ടത് എന്നും അതില് തങ്ങള് ഇടപെടാനില്ല എന്നും ഇ പി ജയരാജന് പറഞ്ഞു.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google