Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വൈറസ് ബാധ: കരിഞ്ഞുണങ്ങി പാവല്‍കൃഷിത്തോട്ടങ്ങള്‍; എടവക ഗ്രാമപഞ്ചായത്തില്‍ മാത്രം നശിച്ചത് 50 ഏക്കറോളം തോട്ടങ്ങള്‍
മാനന്തവാടി: പ്രളയത്തെ അതിജീവിക്കാന്‍ പാടുപെടുന്ന കര്‍ഷകരെ വീണ്ടും ദുരിതത്തിലാക്കി പാവലകൃഷിക്ക് വൈറസ് ബാധ. മാനന്തവാടി മേഖലയില്‍ മാത്രം നശിച്ചത് ഏക്കര്‍ കണക്കിന് പാവല്‍തോട്ടങ്ങള്‍. വയനാട്ടില്‍ ഏറ്റവുമധികം കൃഷി ചെയ്തുവരുന്ന തൊണ്ടര്‍നാട് ഗ്രാമപഞ്ചായത്തിലെ നിരവില്‍പുഴ, തവിഞ്ഞാല്‍ ഗ്രാമപഞ്ചായത്തിലെ പേര്യ എന്നിവിടങ്ങളില്‍ രോഗബാധയെ തുടര്‍ന്ന് നശിച്ചത് ഏക്കര്‍ കണക്കിന് കൃഷിയിടങ്ങളാണ്.
വൈറസ് രോഗബാധയാണെന്ന് സ്ഥിരീകരിച്ചെങ്കിലും ഇതിന് ഗുണപ്രദമായ മരുന്നില്ലെന്നാണ് കൃഷിവകുപ്പ് നല്‍കുന്ന വിവരം. ഇതോടെ പാവല്‍ കര്‍ഷകര്‍ കടുത്ത പ്രതിസന്ധിയിലായി. രോഗം ബാധിച്ചാല്‍ ആദ്യഘട്ടത്തില്‍ ഇല ചുരുണ്ടുകൂടും. പിന്നീട് തണ്ട് പഴുത്തിപൊട്ടിക്കീറി ചെടി കരിഞ്ഞുണങ്ങുകയാണ് ചെയ്യുന്നത്. നിലവില്‍ രോഗബാധ എടവക ഗ്രാമപഞ്ചായത്തിലെ കുന്നമംഗലത്തേക്കും പടര്‍ന്നിട്ടുണ്ട്.
എടകവ ഗ്രാമപഞ്ചായത്തിലെ നശിച്ച പാവല്‍തോട്ടങ്ങളിലൊന്ന്‌
ഇവിടെ വ്യാപകമായി പാവല്‍കൃഷി നടത്തിയിരുന്നു. ഇതെല്ലാം കരിഞ്ഞുണങ്ങിക്കൊണ്ടിരിക്കുകയാണ്. എടവകയില്‍ മാത്രമായി ഇതിനകം 50 ഏക്കറോളം സ്ഥലത്തെ കൃഷി നശിച്ചുകഴിഞ്ഞു. ഇവിടെ മാത്രമായി ഏകദേശം 50 ലക്ഷം രൂപയുടെ നഷ്ടമുണ്ടായതായാണ് പ്രാഥമിക കണക്ക്. ഒരേക്കര്‍ പാവല്‍ കൃഷി ചെയ്യാന്‍ ഏകദേശം ഒന്നലക്ഷത്തോളം രൂപയാണ് ചിലവ് വരുന്നത്. ചെടി വലുതായാല്‍ പന്തലിട്ടാണ് പാവല്‍ കൃഷി സംരക്ഷിച്ചുപോരുന്നത്. ഇടവേളകളിട്ട് ജലസേചനവും പാവല്‍ കൃഷിക്ക് അനിവാര്യമാണ്.
പാവല്‍ കൂട്ടത്തോടെ നശിച്ചതോടെ കര്‍ഷകരുടെ ഒരു വര്‍ഷത്തെ അധ്വാനമാണ് വെറുതെയായത്. ഹൈബ്രിഡ് വിത്തുകളാണ് ഇത്തവണ കൃഷിക്ക് ഉപയോഗിച്ചത്. 50 ഗ്രാമിന് 550 രൂപയാണ് വിത്തിന് വില. കുന്നമംഗലത്തെ വലിയ പറമ്പില്‍ ഷിബുവിന്റ് മൂന്ന് ഏക്കര്‍, എക്കമുണ്ട സുരേഷിന്റ് മൂന്ന് ഏക്കര്‍, ജോയിയുടെ ഒന്നര ഏക്കര്‍ എന്നിങ്ങനെ കൃഷി നശിച്ചവര്‍ നിരവധിയാണ്. തോട്ടവിളകളില്‍ നിന്നും മാറി പാവല്‍ കൃഷി ചെയ്ത് ലാഭമുണ്ടാക്കാമെന്ന കര്‍ഷകരുടെ പ്രതീക്ഷകളാണ് ഇതോടെ തകിടം മറിഞ്ഞിരിക്കുന്നത്.
