Click it and Unblock the Notifications
Just In
Don't Miss
-
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര -
IPL 2024: സിഎസ്കെയുടെ വില്ലന് ജഡേജയല്ല, അത് ധോണി! കളി തോല്പ്പിച്ച മണ്ടന് തീരുമാനം ഇതാ -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
വയനാട്ടില്‍ തെരുവുനായ ശല്യം രൂക്ഷമാകുന്നു; പേവിഷ പ്രതിരോധ കുത്തിവെപ്പ് ഉടന്‍ നടത്തും
കല്‍പറ്റ: വയനാട്ടില്‍ തെരുവുനായ ശല്യം രൂക്ഷമായ സാഹചര്യത്തില്‍ പേവിഷ പ്രതിരോധ കുത്തിവെപ്പ് ശക്തമാകുന്നു. ജില്ലയില്‍ അതിനായുള്ള ഒരുക്കങ്ങള്‍ പുരോഗമിക്കുകയാണ്. ആശുപത്രിയില്‍ വരെ തെരുവുനായകള്‍ എത്തി നില്‍ക്കുന്ന സാഹചര്യത്തില്‍ ഇവയെ നിയന്ത്രിക്കാന്‍ തന്നെയാണ് തീരുമാനം.
നിലവില്‍ പരിശീലനം ലഭിച്ച ഏഴോളം പട്ടി പിടുത്തക്കാരാണ് ജില്ലയില്‍ മാത്രമായിട്ടുള്ളത്. ഇതില്‍ മാത്രം ഒതുങ്ങി നില്‍ക്കേണ്ട എന്നാണ് ജില്ലാ ഭരണകൂടത്തിന്റെ തീരുമാനം.
കുടുംബശ്രീ പ്രവര്‍ത്തകര്‍, ജനമൈത്രി പോലീസ്, സന്നദ്ധ സംഘടനകള്‍, വളണ്ടിയര്‍മാര്‍ തുടങ്ങിയവര്‍ക്ക് കൂടി പരിശീലനം ലഭ്യമാക്കി സന്നദ്ധ സേന രൂപീകരിച്ച് പ്രതിരോധ കുത്തിവെപ്പ് വേഗത്തില്‍ പൂര്‍ത്തിയാക്കാനാണ് ജില്ലാ ഭരണസമിതിയുടെ തീരുമാനം. ഇതുവരെ സന്നദ്ധ സേനയിലേക്ക് രജിസ്റ്റര്‍ ചെയ്തിരിക്കുന്നത് 75 പേരാണ്.
നാടാകെ തെരുവ് പട്ടികള്‍ നിറഞ്ഞിരിക്കുന്ന സമയത്ത് ഇനിയും ആളുകള്‍ എത്തുമെന്നാണ് ജില്ലാ ഭരണസമിതി കരുതുന്നത്. ആളുകളെ കൂട്ടത്തോടെയാണ് തെരുവുനായ ആക്രമിക്കുന്നത്. എവിടേക്കെങ്കിലും ഒന്ന് പോകാന്‍ ഇറങ്ങിയാല്‍ പോലും ഭയത്തോടെയല്ലാതെ നാട്ടുകാര്‍ക്ക് സഞ്ചരിക്കാന്‍ സാധിക്കുന്നില്ല.
അതേസമയം രജിസ്റ്റര്‍ ചെയ്തവര്‍ക്കുള്ള പരിശീലന പരിപാടികള്‍ ക്രമീകരിക്കാന്‍ വെറ്ററിനറി സര്‍വകലാശാലയോട് ആവശ്യപ്പെട്ടിട്ടുണ്ട്. സന്നദ്ധ സേനാംഗങ്ങള്‍ക്ക് ആന്റി റാബീസ് വാക്‌സിനും ലഭ്യമാക്കും. കഴിഞ്ഞ മാസം പതിനാറാം തിയതി മുതലാണ് ജില്ലയില്‍ പരീക്ഷണാടിസ്ഥാനത്തില്‍ തെരുവുനായ്ക്കള്‍ക്കുള്ള പേവിഷ പ്രതിരോധ കുത്തിവെപ്പ് ആരംഭിച്ചത്.
മുപ്പതിന് മുമ്പ് വളര്‍ത്തുമൃഗങ്ങള്‍ക്ക് വാക്‌സിനേഷന്‍ നല്‍കി ലൈസന്‍സ് നടപടികള്‍ പൂര്‍ത്തീകരിക്കാനാണ് ശ്രമം. വാക്‌സിനേഷന്‍ പൂര്‍ത്തിയായാല്‍ അടുത്ത നടപടിയിലേക്ക് കടക്കും. നായ്ക്കളെ പിടിക്കൂടി വന്ധ്യംകരിക്കുകയാണ് ചെയ്യുക.
ജില്ലയിലെ ആദ്യത്തെ ഹോട്‌സ്‌പോട്ടായ കല്‍പ്പറ്റയിലെ തെരുവുനായ്ക്കള്‍ക്കാണ് വാക്‌സിനേഷന്‍ ആദ്യം നല്‍കുക. ഹോട്‌സ്‌പോട്ടുകളില്‍ മാത്രമാണ് ആദ്യ ഘട്ടത്തില്‍ കുത്തിവെപ്പ് ക്യാമ്പ് നടത്തുക. പിന്നീട് അങ്ങനെയല്ലാത്ത തദ്ദേശ സ്ഥാപനങ്ങളുടെ പരിധിയിലുള്ള ഇടങ്ങളിലും വാക്‌സിന്‍ ലഭ്യമാക്കും. വളര്‍ത്തും നായ്ക്കള്‍ക്കുള്ള വാക്‌സിനേഷന്‍ നേരത്തെ ആരംഭിച്ചതാണ്.
ഇത് വിവിധ തദ്ദേശ സ്ഥാപനങ്ങളില്‍ പുരോഗമിക്കുന്നുണ്ട്. വയനാട് ജില്ലയില്‍ നിലവില്‍ മൂന്ന് നഗരസഭകള്‍ ഉള്‍പ്പെടെ ഏഴ് ഹോട്‌സ്‌പോട്ടുകളാണ് ഉള്ളത്. തെരുവുനായ്ക്കള്‍ക്കായി ഒക്ടോബര്‍ അവസാന വാരത്തോടെ ഷെല്‍റ്റര്‍ ഹോമുകളും സജ്ജമാക്കും.
