• search
  • Live TV
വയനാട് വാർത്തകൾക്ക്
നോട്ടിഫിക്കേഷൻ അനുവദിക്കൂ  

മലയാളസിനിമയിലെ നായികമാരെ സ്വപ്‌നസുന്ദരികളാക്കി മാറ്റുന്ന വയനാടന്‍ സാന്നിധ്യം 'ജോബി പുല്‍പ്പള്ളി'

  • By Desk

പുല്‍പ്പള്ളി: സിനിമയെ സ്‌നേഹിക്കാത്തവരായി ആരുമുണ്ടാവില്ല. അതുകൊണ്ട് തന്നെയാവണം സിനിമയിലെ നായികാനായകന്മാരുടെ നടപ്പും, ഇരിപ്പും, വസ്ത്രവും, ആഭരണങ്ങളും, മുടിയും, മേക്കപ്പുമെല്ലാം അനുകരിക്കാന്‍ മലയാളികള്‍ക്കിഷ്ടം. വസ്ത്ര, ആഭരണ ശാലകളില്‍ സിനിമയുടെ പേരിലാണ് പലപ്പോഴും ആടയാഭരണങ്ങള്‍ തന്നെ അറിയപ്പെടുക. അതുപോലെ തന്നെ അനുകരണീയമാണ് നായികാനായകന്മാരുടെ ഹെയര്‍സ്‌റ്റൈലുകളും.

മലയാള സിനിമയിലെ നായികമാരുടെ വ്യത്യസ്തയാര്‍ന്ന ഹെയര്‍സ്റ്റൈലുകള്‍ക്ക് പിന്നില്‍ ഒരു വയനാടന്‍ വനിതാ സാന്നിധ്യമുണ്ട്. പുല്‍പ്പള്ളി പ്ലാത്തോട്ടത്തില്‍ ജോബി ജോര്‍ജാണ് ഒരു പതിറ്റാണ്ടായി മലയാളസിനിമയില്‍ മേക്കപ്പ് ആന്റ് ഹെയര്‍ ഡിസൈനറുടെ വേഷത്തില്‍ തിളങ്ങിക്കൊണ്ടിരിക്കുന്നത്. സംവൃതാസുനില്‍, കാവ്യമാധവന്‍, മീരാജാസ്മിന്‍, നമിതാപ്രമോദ്, ഭാമ, നിഖില വിമല്‍ എന്നിങ്ങനെ പോകുന്നു ജോബി അണിയിച്ചൊരുക്കിയ നായികമാരുടെ നീണ്ടനിര. ഇനി സിനിമകളിലേക്ക് വരികയാണെങ്കില്‍ ഫോര്‍ ഫ്രണ്ട്‌സ്, ഗദ്ദാമ, സ്വപ്‌നസഞ്ചാരി, പുതിയതീരങ്ങള്‍ തുടങ്ങി അടുത്ത് പുറത്തിറങ്ങാനിരിക്കുന്ന സത്യന്‍അന്തിക്കാട്-ശ്രീനിവാസന്‍ ടീമിന്റെ ഞാന്‍ പ്രകാശന്‍ വരെ നീളുന്നു ജോബിയുടെ വിരല്‍സ്പര്‍ശം പതിഞ്ഞ സിനിമകള്‍. മൂന്ന് വര്‍ഷം മുമ്പ് മുംബൈയില്‍ നടന്ന മോഡലിംഗ് ഷോയില്‍ ഹിന്ദി സിനിമയിലെ സ്വപ്‌നനായിക ജൂഹി ചൗളയെ അണിയിച്ചൊരുക്കിയത് ജോബിയായിരുന്നു.

 സിനിമയിലേക്ക്...

സിനിമയിലേക്ക്...

മലയാളത്തിലെ പുതുതലമുറയുടെ നായികയായ ഭാമയുടെ ഫാഷന്‍ഷോ അടക്കമുള്ള പരിപാടികളിലെ മേക്കപ്പ് വുമണ്‍ ജോബിയായിരുന്നു. വയനാട്ടിലെ പ്രശസ്ത ബ്യൂട്ടിപാര്‍ലറുകളിലൊന്നായ ലാഫേമിന്റെ ഉടമയാണ് ജോബി. ഷഹനാസ് ഹുസൈന്റെ ഡല്‍ഹി ഇന്‍സ്റ്റിറ്റ്യൂട്ടില്‍ നിന്ന് ബെസ്റ്റ് സ്റ്റുഡന്‍സ് അവാര്‍ഡ് വാങ്ങിയാണ് ജോബി ബ്യൂട്ടീഷന്‍ കോഴ്‌സ് പാസാവുന്നത്. നിരവധി വര്‍ഷത്തെ പരിശീലനത്തിനൊടുവിലാണ് ജോബി സിനിമയിലെത്തുന്നത്. ബോളിവുഡിലെ പ്രശസ്ത മേക്കപ്പ് ആര്‍ട്ടിസ്റ്റുകള്‍ക്ക് കീഴില്‍ റാമ്പ്, ഫിലിംമേക്കപ്പില്‍ പരിശീലനം നേടി. ക്ലാരാ ഇന്റര്‍നാഷണലില്‍ നിന്ന് ബ്രൈഡല്‍മേക്കപ്പിലും, ഐ മേക്കപ്പിലും, ഇന്റോ വെസ്‌റ്റേണ്‍ ഹെയര്‍സ്‌റ്റൈല്‍ എന്നിവയിലും ഡല്‍ഹിയില്‍ നിന്നും അഡ്വാന്‍സ്ഡ് ഹെയര്‍കട്ട്‌സ് ആന്റ് ട്രീറ്റ്‌മെന്റ്‌സ് കോഴ്‌സില്‍ ഡിപ്ലോമയും സ്വന്തമാക്കി.

 കേരളത്തിലും ബാംഗ്ലൂരിലും ബ്യൂട്ടിപാര്‍ലറുകള്‍

കേരളത്തിലും ബാംഗ്ലൂരിലും ബ്യൂട്ടിപാര്‍ലറുകള്‍

തിരക്കുപിടിച്ച ജോലികള്‍ക്കിടയിലും പുല്‍പ്പള്ളി, സുല്‍ത്താന്‍ബത്തേരി, ബാംഗ്ലൂര്‍ എന്നിവിടങ്ങളില്‍ ജോബി ബ്യൂട്ടിപാര്‍ലറുകള്‍ നടത്തിവരുന്നുണ്ട്. ഈയാഴ്ച കല്‍പ്പറ്റയിലും മറ്റൊരു പാര്‍ലര്‍ കൂടി തുറക്കാനുള്ള തയ്യാറെടുപ്പിലാണ് ജോലി. നിരവധി പരസ്യചിത്രങ്ങള്‍ക്കും, ഫാഷന്‍ഷോ, മോഡലിംഗ് മത്സരങ്ങള്‍ എന്നിവയിലേക്കെല്ലാം മേക്കപ്പിനായി ജോബിയെ തേടി ആളുകളെത്താറുണ്ട്. ഐഡിയ മൊബൈല്‍ നെറ്റ് വര്‍ക്കിന്റെ പരസ്യത്തോടെയായിരുന്നു ജോബി ആ മേഖലയില്‍ തുടക്കം കുറിച്ചത്. പിന്നീട് അനേകം പരസ്യചിത്രങ്ങളുടെ അണിയറയില്‍ പ്രവര്‍ത്തിച്ചു.

 മണവാട്ടിമാരെ ഒരുക്കല്‍

മണവാട്ടിമാരെ ഒരുക്കല്‍

പരസ്യ, സിനിമാ നായികമാരെ അണിയിച്ചൊരുക്കുന്നതിനേക്കാള്‍ പ്രിയം മണവാട്ടിമാരെ അണിയിച്ചൊരുക്കുന്നതാണെന്ന് ജോബി പറയുന്നു. സുഹൃത്ത് കൂടിയായ നടി സംവൃത സുനിലിനെ വിവാഹത്തിന് അണിയിച്ചൊരുക്കിയ ഓര്‍മ്മകള്‍ മറക്കാനാവില്ലെന്ന് ജോബി കൂട്ടിച്ചേര്‍ക്കുന്നു. നിരവധി സിനിമകളില്‍ പ്രവര്‍ത്തിച്ച ജോബിക്ക് ഫെഫ്ക്കയുടെ അംഗത്വവുമുണ്ട്. പുല്‍പ്പള്ളി വിജയ ഹയര്‍സെക്കന്ററി സ്‌കൂളിലെ അധ്യാപകനായ ബോബി ഫിലിപ്പാണ് ഭര്‍ത്താവ് ബത്തേരി ഗ്രീന്‍ഹില്‍സ് സ്‌കൂളിലെ വിദ്യാര്‍ത്ഥികളായ ഇവാന, വില്ല്യം എന്നിവരാണ് മക്കള്‍.

Wayanad

English summary
Story behind make up woman joby pulpally in malayalam film industry
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more