പ്രളയത്തെ അതിജീവിക്കാന് 'തണലി'ന്റെ പ്രകൃതി സൗഹൃദഭവനം; ആദ്യവീട് വിധവയായ പാത്തുമ്മക്ക്
കല്പ്പറ്റ: മഴക്കെടുതിയില്പ്പെട്ട് വീട് നഷ്ടപ്പെട്ടവര്ക്ക് കുറഞ്ഞ ചിലവില് നിര്മ്മിക്കുന്ന പ്രകൃതിസൗഹൃദ ഭവനം ശ്രദ്ധേയമാവുന്നു. വടകര ആസ്ഥാനമായി പ്രവര്ത്തിക്കുന്ന തണല്ലാണ് (ദയ റിഹാബിലിറ്റേഷന് ട്രസ്റ്റ്) വെള്ളപ്പൊക്കത്തെയും പ്രതിരോധിക്കുന്ന വീട് നിര്മ്മിച്ചിരിക്കുന്നത്. മഴക്കെടുതി രൂക്ഷമായിരുന്ന പൊഴുതന ആറാംമൈല് അച്ചൂരാനം കളത്തിങ്കല് പാത്തുമ്മയ്ക്കാണ് ആദ്യവീട് നിര്മ്മിച്ചുനല്കുന്നത്. ഭര്ത്താവ് മരിച്ചുപോയ പാത്തുമ്മയുടെ ഏഴംഗ കുടുംബത്തിന് താമസിക്കാനുതകും വിധമാണ് വീട് നിര്മ്മിച്ചിട്ടുള്ളത്. നിര്മ്മാണം പൂര്ത്തിയായ വീടിന്റെ കൈമാറ്റം ഇന്ന് നടക്കും.
പൊഴുതന ഗ്രാമപഞ്ചായത്തുമായി ചേര്ന്ന ഉര്വി ഫൗണ്ടേഷന്റെ സാങ്കേതിക സഹായത്തോടെയാണ് വീടിന്റെ നിര്മ്മാണം പൂര്ത്തിയാക്കിയത്. 15 ദിവസം കൊണ്ട് പൂര്ത്തിയാക്കിയ ഈ വീടിന് നിരവധി പ്രത്യേകതകളുണ്ട്. വെള്ളം കയറാത്ത വിധത്തില് തറനിരപ്പില് നിന്ന് ഉയര്ത്തിയാണ് ഈ വീട് നിര്മ്മിച്ചിരിക്കുന്നത്. കേരളമാതൃക നിലനിര്ത്തിക്കൊണ്ട് തന്നെ ഗുണമേന്മ കൂടിയ സിമന്റ് ഫൈബര് ബോര്ഡ്, ജി ഐ, എം എസ് പൈപ്പുകള്, റൂഫ് സിസ്റ്റം എന്നിവയിലൂടെ ഉറപ്പും സൗന്ദര്യവും ഒത്തിണങ്ങിയ രീതിയിലാണ് ഇതിന്റെ നിര്മ്മാണം.
വര്ഷങ്ങള് കഴിഞ്ഞാലും ആവശ്യമെങ്കില് സാധനസാമഗ്രികള് നഷ്ടപ്പെടാതെ തന്നെ അഴിച്ചുമാറ്റി മറ്റൊരിടത്ത് നിര്മ്മിക്കാമെന്നതും ഈ വീടിന്റെ പ്രത്യേകതകളിലൊന്നാണ്. കാലാവസ്ഥക്കും പ്രകൃതിക്കും അനുയോജ്യമായ വിധത്തിലാണ് ഇതിന്റെ നിര്മ്മാണപ്രവൃത്തികള് നടത്തിയിട്ടുള്ളത്. വയല്പ്രദേശത്താണ് ആദ്യവീട് നിര്മ്മിച്ചിരിക്കുന്നത്. അതുകൊണ്ട് തന്നെ ഇനിയും വെളളപൊക്കമടക്കമുണ്ടാകാനുള്ള സാധ്യത നിലനില്ക്കുന്നുണ്ട്. സാഹചര്യത്തില് തറനിരപ്പില് നിന്നും പൈപ്പുകള് ഉപയോഗിച്ച് ഉയര്ത്തിയാണ് ഇതിന്റെ നിര്മ്മാണം. വീട്ടിലേക്ക് കയറുന്ന വഴികളും, അകവുമെല്ലാം സിമന്റ് ഷീറ്റുകളുപയോഗിച്ചാണ് പാകപ്പെടുത്തിയിട്ടുള്ളത്.
മേല്ക്കൂരയാണെങ്കില് പരമ്പരാഗത വീടു പോലെ തന്നെ ഓട് പാകിയിട്ടുണ്ട്. 6.25 ലക്ഷം രൂപയാണ് ഈ വീടിന് വരുന്ന ചിലവ്. തണലിന്റെ നേതൃത്വത്തില് ജില്ലയില് 50-ഓളം വീടുകള് ഇത്തരത്തില് മഴക്കെടുതിയില് വീട് നഷ്ടപ്പെട്ടവര്ക്കായി ജില്ലയില് നിര്മ്മിച്ചുനല്കാനാണ് ഉദ്ദേശിക്കുന്നത്. പനമരം അടക്കമുള്ള മഴക്കെടുതി ബാധിത പ്രദേശങ്ങളില് ഇതിനായുള്ള സ്ഥലം കണ്ടെത്തിയതായും തണല് ഭാരവാഹികള് പറഞ്ഞു. സെപ്റ്റംബര് 18ന് ചൊവ്വാഴ്ച രാവിലെ 10 മണിക്ക് എക്സൈസ് മന്ത്രി ടി പി രാമകൃഷ്ണന് വീടിന്റെ താക്കോല്ദാനം നിര്വഹിക്കും. സി കെ ശശീന്ദ്രന് എം എല് എ അധ്യക്ഷനായിരിക്കുന്ന ചടങ്ങില് ജില്ലാകലക്ടര് എ ആര് അജയകുമാര്, ഹാബിറ്റാറ്റ് ഗ്രൂപ്പ് ചീഫ് ആര്ക്കിടെക്ട് എ ആര് ശങ്കര്, എന് സി പ്രസാദ്, സിബി വര്ഗീസ്, പി സി മുസ്തഫ, ജേക്കബ്ബ് മാത്യു, കെ കെ ഹനീഫ, പി എം വിമല, സക്കീന മുജീബ്, ഡോക്ടര് ഇദ്രീസ്, ഹസന് നസീഫ് തുടങ്ങിയവര് ചടങ്ങില് സംബന്ധിക്കും.
-
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം
Click it and Unblock the Notifications
Sign in with Google