Click it and Unblock the Notifications
Just In
-
-
-
Don't Miss
-
IPL 2024: പഞ്ചാബ് എന്തിനത് ചെയ്തു? പാളിയത് ആ തന്ത്രം; കളി തോല്പ്പിച്ച കറെന്റെ മണ്ടത്തരം ഇതാ -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വയനാട് വഴിയുള്ള ലഹരി വസ്തുക്കളുടെ ഒഴുക്ക് തുടരുന്നു: മുത്തങ്ങയില്‍ പിടിച്ചത് 7000 പാക്കറ്റ് ഹാന്‍സ്
സുല്‍ത്താന്‍ബത്തേരി: അതിര്‍ത്തി ചെക്ക്പോസ്റ്റുകള്‍ വഴിയുള്ള ലഹരിവസ്തുക്കളുടെ കടത്ത് വര്‍ധിക്കുന്നു. വയനാട്ടില്‍ ഓരോ ദിവസവും നിരവധി പേരാണ് ലഹരികടത്തുമായി ബന്ധപ്പെട്ട് അറസ്റ്റിലാകുന്നത്. തോല്‍പ്പെട്ടി, മുത്തങ്ങ ചെക്കുപോസ്റ്റുകള്‍ വഴി കഞ്ചാവ്, നിരോധിത പുകയില ഉല്പന്നങ്ങള്‍ എന്നിവ കടത്തുന്നത് നിത്യസംഭവമായി മാറിയിരിക്കുകയാണ്. ഞായറാഴ്ച മുത്തങ്ങ ചെക്കുപോസ്റ്റില്‍ എക്സൈസ് വിഭാഗം നടത്തിയ വാഹനപരിശോധനയില്‍ 110 കിലോ തൂക്കമുള്ള ഏഴായിരത്തോളം നിരോധിത പാന്‍മസാല ഉല്പന്നമായ ഹാന്‍സാണ് പിടികൂടിയത്.
എക്സൈസ് വയനാട് ഇന്റലിജന്‍സ് ബ്യൂറോ, എക്സൈസ് ചെക്പോസ്റ്റ് സംഘങ്ങള്‍ ചേര്‍ന്ന് സംയുക്തമായി നടത്തിയ പരിശോധനയില്‍ കാറിന്റെ ഡിക്കിയിലും, ബോണറ്റിലും ബംപറിലുമായി ഒളിപ്പിച്ചുവെച്ച നിലയിലായിരുന്നു ഹാന്‍സ്. സംഭവവുമായി ബന്ധപ്പെട്ട് മലപ്പുറം കൊണ്ടോട്ടി കൊട്ടപ്പുറം ചോലയില്‍ പി ടി സിറാജുദ്ദീന്‍ (40), കൊണ്ടോട്ടി അരൂര്‍ ചണ്ടന്‍പിലാക്കല്‍ കെ.എസ് മുഹമ്മദ് സലീം (33), വാഴയൂര്‍ ചൊല്ലിക്കര ഇ ഫൈസല്‍ (39) എന്നിവരെ എക്സൈസ് അറസ്റ്റ് ചെയ്തു. കര്‍ണ്ണാടകയിലെ ചാമരാജ് നഗറില്‍ നിന്നും കൊണ്ടോട്ടിയിലേക്ക് കടത്തുകയായിരുന്നു ഹാന്‍സെന്നാണ് പ്രതികളില്‍ നിന്നും ലഭിക്കുന്ന വിവരം.
ഹാന്‍സ് കടത്തിയ കാറും എക്സൈസ് കസ്റ്റഡിയിലെടുത്തിട്ടുണ്ട്. ചെക്ക് പോസ്റ്റുകളില്‍ സാധാരണ പരിശോധനകള്‍ നടക്കാറുണ്ടെങ്കിലും രഹസ്യ വിവരത്തിന്റെ അടിസ്ഥാനത്തില്‍ വയനാട് എക്സൈസ് ഇന്റലിജന്റ്സ് ബ്യൂറോ ഉദ്യോഗസ്ഥരും, മുത്തങ്ങ എക്സൈസ് ചെക്പോസ്റ്റ് സംഘാംഗങ്ങളും ചേര്‍ന്നാണ് ഞായറാഴ്ച പരിശോധന കര്‍ശനമാക്കിയത്. എക്സൈസ് ഇന്റലിജന്റ്സ് ഇന്‍സ്പെക്ടര്‍ ഇന്‍സ്പെക്ടര്‍ എംകെ സുനില്‍, എക്സൈസ് ഇന്‍സ്പെക്ടര്‍ പി ഷാജു, പ്രിവന്റീവ് ഓഫീസര്‍മാരായ കെ രമേശ്, കെ അബ്ദുള്‍ അസീസ്, എന്‍ ആര്‍ ബാബുരാജ്, ഷാജിമോന്‍, സിഇഒമാരായ കെഎം ലത്തീഫ്, കെ റഷീദ്, ഡ്രൈവര്‍ കെപി ബീരാന്‍കോയ എന്നിവരാണ് പരിശോധനാസംഘത്തിലുണ്ടായിരുന്നത്.
