Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കല്‍പ്പറ്റ ഗൂഡലായി കുന്നില്‍ നാടിനെ വിറപ്പിച്ച പുലി കൂട്ടിലായി: വനംവകുപ്പ് സ്ഥാപിച്ച കൂട്ടില്‍ കുടുങ്ങിയത് ഇന്ന് പുലര്‍ച്ചെ മൂന്ന് മണിക്ക്
കല്‍പ്പറ്റ: ജില്ലാ ആസ്ഥാനമായ കല്‍പ്പറ്റയിലെ ഗൂഡലായിക്കുന്നില്‍ നാടിനെ വിറപ്പിച്ച പുലി കെണിയിലായി. വനംവകുപ്പ് സ്ഥാപിച്ച കൂട്ടില്‍ ഇന്ന് പുലര്‍ച്ചെ മൂന്ന് മണിയോടെയാണ് പുലി കുടുങ്ങിയത്. ഗൂഡലായിക്കുന്നിന് സമീപത്തെ റോക്ക് സൈഡ് എസ്‌റ്റേറ്റില്‍ സ്ഥാപിച്ച കെണിയിലാണ് പുലി കുടുങ്ങിയത്. പുലി കെണിയില്‍ വീണ് ഒരു മണിക്കൂറിനുള്ളില്‍ തന്നെ മുത്തങ്ങയിലേക്ക് കൊണ്ടുപോയി.
കല്‍പ്പറ്റ നഗരസഭാ പരിധിയില്‍ ടൗണില്‍ നിന്നും രണ്ട് കിലോമീറ്റര്‍ മാത്രം ദൂരം വരുന്ന ഗൂഡലായിക്കുന്നിലാണ് കഴിഞ്ഞ ഒരു മാസമായി പുള്ളിപ്പുലി ഭീതിപരത്തിയിരുന്നത്. സ്വകാര്യവ്യക്തിയുടെ കാടുപിടിച്ചുകിടുന്ന സ്ഥലത്താണ് പുലിയുടെ സാന്നിധ്യം പല തവണ സ്ഥിരീകരിച്ചത്. ഗൂഡലായിക്കുന്ന്, കല്‍പ്പറ്റ എസ് കെ എം ജെ സ്‌കൂളിന്റെ പുറകുവശം, ബൈപ്പാസ് തുടങ്ങിയ സ്ഥലങ്ങളിലും നാട്ടുകാര്‍ പുലിയെ കണ്ടിരുന്നു. പുലിയെ കണ്ടെത്താനായി വനംവകുപ്പിന്റെ നേതൃത്വത്തില്‍ പ്രദേശത്ത് വ്യാപകമായി തിരച്ചില്‍ നടത്തിയെങ്കിലും ഫലമുണ്ടായില്ല.
2018 ഡിസംബര്‍ 27ന് രാത്രിയില്‍ വനംവകുപ്പ് സ്ഥാപിച്ച ക്യാമറയില്‍ പുലിയുടെ ചിത്രം പതിഞ്ഞിരുന്നു. പൂര്‍ണവളര്‍ച്ചയെത്തിയ പുള്ളിപ്പുലിയാണ് ചിത്രത്തില്‍ പതിഞ്ഞത്. പുലി ഏതാനം വളര്‍ത്തുമൃഗങ്ങളെയും ആക്രമിച്ചിരുന്നു. രണ്ട് പശു, ആടുകള്‍, നിരവധി വളര്‍ത്തുമൃഗങ്ങള്‍ എന്നിവ പുലിയുടെ ആക്രമണത്തിനിരയായി. പുലിക്കായി പത്ത് പേരുള്ള നാല് സംഘങ്ങളായി 10 ഹെക്ടര്‍ സ്ഥലത്ത് തിരച്ചില്‍ നടത്തിയെങ്കിലും കണ്ടെത്താനായിരുന്നില്ല.
തുടര്‍ന്ന് പ്രദേശവാസികളുടെ പ്രതിഷേധം വീണ്ടും ശക്തമായതോടെ കെണിയൊരുക്കുകയായിരുന്നു. അതേസമയം, ക്യാമറയില്‍ പതിഞ്ഞ പുലിയല്ല കെണിയിലായതെന്നും, പുലിയെ നേരം പുലരും മുമ്പ് മാറ്റിയതിലും ദുരൂഹതയുണ്ടെന്നും പ്രദേശവാസികള്‍ പറയുന്നു. റോക്ക് സൈഡ് എസ്‌റ്റേറ്റിന് സമീപത്ത് നേരത്തെ തന്നെ പുലിയുടെ സാന്നിധ്യമുണ്ടെന്നും, ഗൂഡലായിക്കുന്നിലെ ശല്യക്കാരനായ പുലിയും കുട്ടികളും ഇപ്പോഴും പിടിയിലായിട്ടില്ലെന്നുമാണ് ഏറ്റവുമൊടുവില്‍ പ്രദേശവാസികള്‍ നല്‍കുന്ന വിവരം. എന്നാല്‍ ഇത് സംബന്ധിച്ച് വനംവകുപ്പ് യാതൊരുവിധ പ്രസ്താവനകളും ഇതുവരെ ഇറക്കിയിട്ടില്ല.
1.
കല്‍പ്പറ്റ
ഗൂഡലായിക്കുന്നില്‍
വനംവകുപ്പ്
സ്ഥാപിച്ച
കൂട്ടില്‍
കുടുങ്ങിയ
പുലി
