ഭാഗ്യം യുഡിഎഫിനൊപ്പം; നറുക്കെടുപ്പില് വയനാട് ജില്ലാ പഞ്ചായത്ത് പ്രസിഡന്റ് സ്ഥാനം യുഡിഎഫിന്
കല്പ്പറ്റ: വയനാട് ജില്ലാ പഞ്ചായത്ത് പ്രസിഡന്റ് തിരഞ്ഞെടുപ്പില് യുഡിഎഫിന് വിജയം. നറുക്കെടുപ്പിലൂടെ കോണ്ഗ്രസിലെ സംഷാദ് മരക്കാറിനെ പ്രസിഡന്റായി തിരഞ്ഞെടുത്തു. ജില്ലാ പഞ്ചായത്ത് തിരഞ്ഞെടുപ്പില് എല്ഡിഎഫിലും യുഡിഎഫിനും തുല്യ സീറ്റുകളാണ് ലഭിച്ചത്. ആകെയുള്ള 16 സീറ്റുകളില് 8 വീതം സീറ്റുകള് ഇരുമുന്നണികള്ക്കും ലഭിച്ചു. യുഡിഎഫില് കോണ്ഗ്രസിന് ആറും ലീഗിന് രണ്ടും സീറ്റുകളും എല്ഡിഎഫില് സിപിഎമ്മിന് ആറും സിപിഐയും ജനതാദള് എസും ഒരോ സീറ്റിലുമാണ് വിജയിച്ചത്.
ജില്ലാ പഞ്ചായത്ത് പ്രസിഡന്റ് വോട്ടെടുപ്പില് ഇരുമുന്നണികള്ക്കും തുല്യ വോട്ടുകള് ലഭിച്ചു. പിന്നീടായിരുന്നു നറുക്കെടുപ്പ് . സിപിഎം ജില്ലാ കമ്മിറ്റി അംഗം സുരേഷ് താളൂരാണ് എല്ഡിഎഫ് സ്ഥാനാര്ഥിയായി മത്സരിച്ചത്. യൂത്ത് കോണ്ഡഗ്രസ് ജില്ലാ പ്രസിഡന്റു കൂടിയാണ് ജില്ലാ പഞ്ചായത്ത് പ്രസിഡന്റ് കൂടിയായ സംഷാദ്.
Recommended Video