• search
For wayanad Updates
Allow Notification  

    വയനാട്ടിലെ കാര്‍ഷികനഷ്ടം കണക്കാക്കാന്‍ പ്രത്യേക ദൗത്യ സേനയെ നിയോഗിക്കണമെന്ന് ഫ്രണ്ട്സ് ഓഫ് വയനാട്

    • By desk

    പുല്‍പ്പളളി: കാലവര്‍ഷക്കെടുതിയില്‍പ്പെട്ട വയനാട്ടില്‍ കാര്‍ഷികമേഖലക്കുണ്ടായ നഷ്ടം കണക്കാക്കുന്നതിനായി സ്‌പെഷ്യല്‍ ടാസ്‌ക്‌ഫോഴ്‌സിനെ നിയോഗിക്കണമെന്ന് ഫ്രണ്ട്‌സ് ഓഫ് വയനാട് പുല്‍പ്പളളി മേഖല യോഗം ആവശ്യപ്പെട്ടു. നാശനഷ്ടങ്ങള്‍ നേരിട്ട കര്‍ഷകര്‍ കൃഷിഭവന്‍ മുഖേന പേര് നല്‍കണമെന്നാണ് അധികൃതര്‍ ആവശ്യപ്പെട്ടിരിക്കുന്നത്. എന്നാല്‍ കൃഷിഭവന്‍ മുഖേന നഷ്ടങ്ങളുടെ കണക്കെടുപ്പ് പൂര്‍ത്തിയാകാന്‍ കാലങ്ങളെടുക്കും.

    വന്‍ദുരന്തമാണ് ജില്ലയിലെ കാര്‍ഷികമേഖലക്ക് സംഭവിച്ചിരിക്കുന്നത്. ജില്ലയിലെ പ്രധാന കാര്‍ഷിക വിളകളായ കാപ്പി, കുരുമുളക്, കമുക്, തെങ്ങ് എന്നീ ദീര്‍ഘകാല വിളകള്‍ പൂര്‍ണമായി നശിച്ച അവസ്ഥയിലാണ്. കൂടാതെ ഇഞ്ചി, വാഴ, ചേന, നെല്ല് തുടങ്ങിയ കാര്‍ഷികവിളകളും വ്യാപകമായി നശിച്ചു. മഴക്കെടുതി വരും മുന്നെ കടക്കെണിയിലായ കര്‍ഷകര്‍ക്ക് ഇപ്പോഴുണ്ടായ കനത്ത നഷ്ടം അതിജീവിക്കാനാവാത്ത അവസ്ഥയാണ്. അതുകൊണ്ട് അടിയന്തരമായി നഷ്ടപരിഹാരമടക്കം കര്‍ഷകര്‍ക്ക് നല്‍കി പ്രതിസന്ധികള്‍ക്ക് പരിഹാരം കാണാന്‍ അധികൃതര്‍ തയ്യാറാവണമെന്നും യോഗം ആവശ്യപ്പെട്ടു.

    wayanadfloodlos

    ഫ്രണ്ട്‌സ് ഓഫ് വയനാട് രക്ഷാധികാരി ജോസഫ് മാര്‍ തോമസ് മെത്രാപ്പോലീത്താ യോഗം ഉദ്ഘാടനം ചെയ്തു. നവവയനാടിന്റെ പുന:സൃഷ്ടിക്കായി കക്ഷിരാഷ്ട്രീയം മറന്ന് എല്ലാവരും ഒറ്റമനസ്സോടെ പ്രവര്‍ത്തിക്കണമെന്ന് അദ്ദേഹം അഭ്യര്‍ത്ഥിച്ചു. വയനാട് റെയില്‍വെ യാഥാര്‍ത്ഥ്യമാക്കുന്നതിലും, ചുരം ബദല്‍ റോഡ് നിര്‍മ്മാണത്തിന്റെ ആവശ്യത്തിലും, ദേശീയപാതയിലെ 766-ലെ രാത്രിയാത്രാനിരോധന വിഷയത്തിലും പരിഹാരം കാണുന്നതിനായി കൂട്ടായ്മ അനിവാര്യമാണെന്നും അദ്ദേഹം കൂട്ടിച്ചേര്‍ത്തു. പുല്‍പ്പളളി പഞ്ചായത്ത് പ്രസിഡന്റ് ബിന്ദുപ്രകാശ് അധ്യക്ഷനായിരുന്നു. പ്രസിഡന്റ് അഡ്വ.പി.വേണുഗോപാല്‍,ഫാ.ടോണി കോഴിമണ്ണില്‍, മത്തായി തണ്ടായിമറ്റം, അഡ്വ. ടി.എം.റഷീദ്, ജേക്കബ് ബത്തേരി തുടങ്ങിയവര്‍ സംബന്ധിച്ചു.

    കൂടുതൽ വയനാട് വാർത്തകൾView All

    Wayanad

    English summary
    wayanad local news about farmers seek special task force to calcutate flood loss.

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more