Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
വേതനവും ഗ്രാറ്റുവിറ്റിയുമില്ല: വയനാട്ടില്‍ എല്‍സ്റ്റണ്‍ എസ്റ്റേറ്റില്‍ തൊഴിലാളികള്‍ സമരത്തിന്
കല്‍പ്പറ്റ: വേതനവും ഗ്രാറ്റുവിറ്റിയുമില്ല, എല്‍സ്റ്റണ്‍ എസ്റ്റേറ്റില്‍ തൊഴിലാളികള്‍ തേയില ചപ്പ് പറിച്ച് സമരം ചെയ്യും. സംയുക്ത ട്രേഡ് യൂണിയന്റെ നേതൃത്വത്തില്‍ ജൂലൈ 10 മുതലാണ് തൊഴിലാളികള്‍ അനിശ്ചിതകാല സമരം നടത്തുക. എല്‍സ്റ്റണ്‍ എസ്റ്റേറ്റിലെ മുന്നൂറോളം വരുന്ന തൊഴിലാളികള്‍ക്ക് മൂന്ന് മാസത്തെ ശമ്പളം ഇതുവരെ നല്‍കിയിട്ടില്ല. മാത്രമല്ല, സര്‍വ്വീസില്‍ നിന്ന് 10 വര്‍ഷമായി പിരിഞ്ഞ നൂറോളം തൊഴിലാളികള്‍ക്ക് ഗ്രാറ്റുവിറ്റി നല്‍കാത്തതിലും പ്രതിഷേധം ശക്തമാണ്.
2016-2017 വര്‍ഷങ്ങളിലെ ബോണസും ഇതുവരെ നല്‍കിയിട്ടില്ല. സര്‍വ്വീസില്‍ നിന്ന് പിരിഞ്ഞ തൊഴിലാളികള്‍ ജോലി ചെയ്ത കാലത്ത് നിയമവിരുദ്ധമായി പി.എഫ് വിഹിതം പിടിച്ച് കൈവശപ്പെടുത്തി വഞ്ചിച്ച മാനേജ്‌മെന്റിന്റെ നിലപാടിലും തൊഴിലാളികള്‍ക്കിടയില്‍ പ്രതിഷേധമുണ്ട്. കഴിഞ്ഞ അഞ്ച് വര്‍ഷമായി തൊഴിലാളികളില്‍ നിന്ന് പിടിച്ച വിഹിതം പി.എഫ് അക്കൗണ്ടില്‍ അടയ്ക്കാത്തതിലും നാല് വര്‍ഷമായി മെഡിക്കല്‍ ആനുകൂല്യം, കമ്പിളി, പുതപ്പ് തുടങ്ങിയവ നല്‍കാത്തതിലും പ്രതിഷേധിച്ച് കൂടിയാണ് സംയുക്ത ട്രേഡ് യൂണിയന്റെ നേതൃത്വത്തില്‍ ജൂലൈ 10 മുതല്‍ അനിശ്ചിതകാല സമരം നടത്തുന്നത്.
സമര പ്രഖ്യാപന കണ്‍വെന്‍ഷന്‍ ഐ എന്‍ ടി യു സി ജില്ലാ പ്രസിഡന്റ് പി.പി. ആലി ഉദ്ഘാടനം ചെയ്തു. എന്‍.ഒ.ദേവസ്യ അധ്യക്ഷത വഹിച്ചു.എന്‍.വേണു മാസ്റ്റര്‍, യു.കരുണന്‍, സാം പി മാത്യു, കെ.ടി.ബാലകൃഷ്ണന്‍ എന്നിവര്‍ പ്രസംഗിച്ചു. സമരസമിതി ഭാരവാഹികളായി പി.പി. ആലി (ചെയര്‍മാന്‍), എന്‍.വേണു മാസ്റ്റര്‍ ,എന്‍.ഒ.ദേവസ്യ (വൈസ് ചെയര്‍മാന്‍മാര്‍ ), യു.കരുണന്‍, കെ.ടി.ബാല കൃഷ്ണന്‍(കണ്‍വീനര്‍മാര്‍) സാം പി മാത്യു (ജോയിന്റ് കണ്‍വീനര്‍) എന്നിവരെ തെരെഞ്ഞെടുത്തു.
