• search
വയനാട് വാർത്തകൾക്ക്
നോട്ടിഫിക്കേഷൻ അനുവദിക്കൂ  

വയനാട് കലക്‌ട്രേറ്റില്‍ ഹാം റേഡിയോ സംവിധാനം ഏര്‍പ്പെടുത്തി: ലക്ഷ്യം അടിയന്തര സാഹചര്യം മറികടക്കല്‍

  • By desk

കല്‍പ്പറ്റ: മഴക്കെടുതി രൂക്ഷമായ സാഹചര്യത്തില്‍ ആശയവിനിമയം മുടങ്ങാതിരിക്കാന്‍ വയനാട് കലക്‌ട്രേറ്റില്‍ ഹാം റേഡിയോ സംവിധാനം ഏല്‍പ്പെടുത്തി. ജില്ലാ കലക്ടര്‍ എ ആര്‍ അജയകുമാര്‍ ബന്ധപ്പെട്ടതനുസരിച്ച് വയനാട് ഹാംസ് ക്ലബ്ബ് പാരലല്‍ കമ്മ്യൂണിക്കേഷന്‍ കണ്‍വീനര്‍ വി.എം തമ്പിയുടെ നേതൃത്വത്തിലാണ് കലക്ടറേറ്റില്‍ ബേസ് സ്റ്റേഷനൊരുക്കിയിട്ടുള്ളത്.

പ്രളയം: എന്‍ജിനീയറിംഗ് വിദ്യാർത്ഥികളടക്കം 17 പേരെ രക്ഷിച്ചു, ഹെലിക്കോപ്റ്ററിൽ വർക്കലയിലെത്തിച്ചു

സുല്‍ത്താന്‍ബത്തേരി, വൈത്തിരി, മാനന്തവാടി എന്നീ താലൂക്ക് ആസ്ഥാനങ്ങളിലും സബ്‌സ്റ്റേഷനുകള്‍ സജ്ജമായിട്ടുണ്ട്. മഴക്കെടുതിയുടെ പശ്ചാത്തലത്തില്‍ പ്രത്യേകം സജ്ജമാക്കിയ ഹാം റേഡിയോയുടെ വയനാട് ക്ലബ്ബില്‍ 35ഓളം അംഗങ്ങളാണുള്ളത്. മതപരമായകാര്യങ്ങള്‍, ബിസിനസ് പ്രമോഷന്‍, രാഷ്ട്രീയം, മ്യൂസിക് ബ്രോഡ്കാസ്റ്റ് തുടങ്ങിയവ ഒഴികെ എന്തിനെക്കുറിച്ചും ഹാം റേഡിയോയിലൂടെ ചര്‍ച്ച ചെയ്യാമെങ്കിലും നിലവില്‍ മഴക്കെടുതി മൂലമുള്ള പ്രതിസന്ധി ഘട്ടങ്ങളില്‍ ഉപയോഗിക്കാനാണ് ഹാം റേഡിയോ സജ്ജമാക്കിയത്.

Hamm radio

മേശപ്പുറത്ത് പ്രവര്‍ത്തിക്കുന്ന ചെറിയ റേഡിയോ സ്റ്റേഷന്‍ തന്നെയാണ് ഹാം വയര്‍ലസ് സെറ്റ് അഥവാ ട്രാന്‍സീവര്‍ (ട്രാന്‍സ്മിറ്ററും റിസീവറും ചേര്‍ന്നത്). ഇതില്‍ ഒരു റേഡിയോ പ്രക്ഷേപണിയും റേഡിയോ സ്വീകരണിയും ഒരു സ്ഥലത്ത് പ്രവര്‍ത്തിക്കുന്നു. വെരി ഹൈ ഫ്രീക്വന്‍സിയിലാണ് വയനാട് ഹാംസ് ക്ലബ്ബിന്റെ പ്രവര്‍ത്തനം. 144 മുതല്‍ 146 മെഗാ ഹെര്‍ട്സ് വരെയാണ് ഫ്രീക്വന്‍സി.

കേന്ദ്ര വാര്‍ത്താവിനിമയ മന്ത്രാലയത്തിന്റെ കീഴിലുള്ള വയര്‍ലെസ് പ്ലാനിങ് ആന്റ് കോ-ഓഡിനേഷന്‍ വിങാണ് ലൈസന്‍സിങ് അതോറിറ്റി. കേരളത്തില്‍ കേന്ദ്ര വാര്‍ത്താവിനിമയ മന്ത്രാലയത്തിനു കീഴില്‍ തിരുവനന്തപുരത്തുള്ള മോണിറ്ററിങ് സ്റ്റേഷനാണ് ഹാം റേഡിയോ അനുമതിക്കുള്ള പരീക്ഷ നടത്തുന്നത്. ഇതുമായി ബന്ധപ്പെട്ട കൂടുതല്‍ വിവരങ്ങള്‍ക്ക് 94477110289 എന്ന നമ്പറില്‍ ബന്ധപ്പെടാം.

വൈദ്യുതിയും സാധാരണ ഉപയോഗത്തിലുള്ള വാര്‍ത്താ വിനിമയ ഉപാധികളും താറുമാറായാല്‍ ബന്ധപ്പെട്ട താലൂക്ക് തഹസില്‍ ദാര്‍മാരെ കലക്ടറേറ്റുമായി ബന്ധപ്പെടാന്‍ ഈ സംവിധാനം ഉപയോഗിക്കുകയെന്നതാണ് പ്രധാനലക്ഷ്യം.

ഇതര ജില്ലകളില്‍ നിന്നു വയനാട് കലക്ടറേറ്റിലേക്ക് നിരന്തരം ഫോണ്‍ കോളുകള്‍ എത്തുന്ന പശ്ചാത്തല ത്തിലാണ് നടപടി. വിനോദം, സന്ദേശ വിനിമയം, പരീക്ഷണം, പഠനം, അടിയന്തര സന്ദര്‍ഭങ്ങളിലെ വാര്‍ത്താവിനിമയം തുടങ്ങിയ ആവശ്യങ്ങള്‍ക്ക് നിശ്ചിത ആവൃത്തിയിലുള്ള തരംഗങ്ങള്‍ ഉപയോഗിച്ച് സ്വകാര്യവ്യക്തികള്‍ നടത്തുന്ന റേഡിയോ സന്ദേശവിനിമയമാണ് ഹാം റേഡിയോ അഥവാ അമച്വര്‍ റേഡിയോ.

കൂടുതൽ വയനാട് വാർത്തകൾView All

Wayanad

മുഖ്യമന്ത്രിയുടെ ദുരിതാശ്വാസ നിധിയിലേക്ക് നിങ്ങൾക്കും സംഭാവന നൽകാം. ഇതാണ് സംഭാവനകൾ അയക്കാനുള്ള വിവരം.

Name of Donee: CMDRF
Account number : 67319948232
Bank: State Bank of India
Branch: City branch, Thiruvananthapuram
IFSC Code: SBIN0070028
Swift Code: SBININBBT08

keralacmrdf@sbi എന്ന യുപിഐ ഐഡി വഴിയും സംഭാവനകൾ നല്‍കാവുന്നതാണ്.

English summary
Wayanad local news about ham radio in collectorate

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more