Click it and Unblock the Notifications
Just In
Don't Miss
-
ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില് -
വിട്ടുമാറാതെ രോഗം അലട്ടുന്നോ, കുടുംബത്തില് വാസ്തുദോഷമുണ്ടാവാം -
7000 രൂപ നിക്ഷേപിക്കാനുണ്ടോ? 12 ലക്ഷം റിട്ടേൺസ് നേടാം, കൂടുതൽ അറിയാം... -
'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു' -
T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ് -
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
സാക്ഷരതാ പഠിതാക്കള്‍ക്കായി ക്വിസ്: വായനമത്സരങ്ങള്‍ നടത്തി
കല്‍പ്പറ്റ: സാക്ഷരതാ പഠിതാക്കള്‍ക്കായി ക്വിസ്, വായനമത്സരങ്ങള്‍ നടത്തി. വായനാ വാരാചരണത്തിന്റെ ഭാഗമായി ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പും ജില്ലാ സാക്ഷരതാ മിഷനും ജില്ലയിലെ ഹൈസ്‌കൂള്‍, ഹയര്‍സെക്കന്ററിതല സാക്ഷരതാ പഠിതാക്കള്‍ക്കായാണ് ക്വിസ് മത്സരവും വായനാ മത്സരവും സംഘടിപ്പിച്ചത്. നിരവധി പഠിതാക്കളാണ് മത്സരത്തിനെത്തിയത്. വായനാവാരാചരണത്തിന്റെ ഭാഗമായി ജില്ലാ ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പ് നിരവധി പരിപാടികളാണ് ഇത്തവണ സംഘടിപ്പിച്ചത്.
കലക്‌ട്രേറ്റില്‍ നടന്ന പുസ്തകോത്സവമായിരുന്നു അതില്‍ ഏറ്റവും ശ്രദ്ധേയം. വിജയമായി തീര്‍ന്ന പുസ്തകോത്സവത്തില്‍ സംസ്ഥാനത്തെ പ്രശസ്ത പ്രസാധകരും എത്തിയിരുന്നു. കൂടാതെ പി ആര്‍ ഡി പുറത്തിറക്കിയ പ്രസിദ്ധീകരണങ്ങളും പുസ്‌കോത്സവത്തില്‍ ലഭ്യമാക്കിയിരുന്നു. കണിയാമ്പറ്റ സ്‌കൂളിലായിരുന്നു വായനാവാരാചരണത്തിന് തുടക്കമിട്ടത്.
വായനാവാരാചരണത്തിന്റെ ഭാഗമായി നടന്ന ക്വിസ് മത്സരത്തില്‍ മുണ്ടേരി ഗവ.ഹയര്‍ സെക്കന്ററി സ്‌കൂളിലെ എ.കെ. ബിജു ഒന്നാം സ്ഥാനവും, അച്ചൂര്‍ ഗവ.ഹയര്‍ സെക്കന്ററി സ്‌കൂളിലെ പി. ഉമ്മര്‍, തലപ്പുഴ ഗവ.യു.പി. സ്‌കൂളിലെ കെ.പി. ഷാജി എന്നിവര്‍ രണ്ടാംസ്ഥാനവും പടിഞ്ഞാറത്തറ ഗവ.ഹയര്‍ സെക്കന്ററി സ്‌കൂളിലെ പി. അബ്ബാസ്, മാനന്തവാടി ഗവ.ഹയര്‍ സെക്കന്ററി സ്‌കൂളിലെ ടി.കെ.മമ്മൂട്ടി എന്നിവര്‍ മൂന്നാം സ്ഥാനവും നേടി. വായനാ മത്സരത്തില്‍ ജാനു മേപ്പാടി ഒന്നാം സ്ഥാനം നേടി. വയനാട് കലക്‌ട്രേറ്റിലെ എ.പി.ജെ. ഹാളില്‍ നടന്ന പരിപാടിയില്‍ ജില്ലാ ഇന്‍ഫര്‍മേഷന്‍ ഓഫീസര്‍ കെ.പി. അബ്ദുള്‍ ഖാദര്‍, ജില്ലാ പ്ലാനിംഗ് ഓഫീസര്‍ സുഭദ്ര നായര്‍, സാക്ഷരതാ മിഷന്‍ ജില്ലാ കോ-ഓര്‍ഡിനേറ്റര്‍ പി.എന്‍.ബാബു, അസി.കോ-ഓര്‍ഡിനേറ്റര്‍ സ്വയ നാസര്‍, പി.വി. ജാഫര്‍ തുടങ്ങിയവര്‍ സംസാരിച്ചു.
