പീക്ക് സീസണില് ഷാര്ജയില് നിന്നും 18 വിമാനങ്ങള് കേരളത്തിലേക്ക് പറക്കും
ഷാര്ജ: കേരളത്തിലെ പ്രധാന ആഘോഷ നാളുകളില് ഗള്ഫില് നിന്നും നാട്ടിലെത്താന് ആഗ്രഹിക്കുന്ന പ്രവാസികളെ ചൂഷണം ചെയ്യുന്ന വിമാനകമ്പനികള്ക്കെതിരെ ശക്തമായ നടപടികള് സ്വീകരിക്കണമെന്ന് കേരള മുഖ്യമന്ത്രി കേന്ദ്ര സര്ക്കാറിനോട് ആവശ്യപ്പെട്ടു.
പ്രശ്നത്തില് ഷാര്ജ ഗവണ്മെന്റിന്റെ സഹായം തേടിയ കേരള മുഖ്യന് ആഗസ്റ്റ് 27 മുതല് സെപ്റ്റംബര് 10 വരെയുള്ള കാലയളവില് ഷാര്ജയില് നിന്നും പതിനെട്ട് വിമാന സര്വ്വീസുകള് നടത്താന് ഷാര്ജ അധിക്രതര് സമ്മതം നല്കിയതായി കേരള മുഖ്യമന്ത്രി പിണറായി വിജയന് അറിയിച്ചു. എയര് ഇന്ത്യാ എക്സ്പ്രസ്സിന്റെ വിമാനങ്ങളായിരിക്കും ഇവിടെ നിന്ന് സര്വ്വീസ് നടത്തുകയെന്നും അദ്ദേഹം അറിയിച്ചു.
തിരിച്ചുള്ള സര്വ്വീസിനായി എയര് അറേബ്യ അധിക്രതര് ഇന്ത്യയിലെ സര്ക്കാറിനോട് അനുമതിക്ക് വേണ്ടി സമീപിച്ചിട്ടുണ്ടെങ്കിലും ഇക്കാര്യത്തില് അനുകൂല തീരുമാനം ഇതുവരെ ലഭിച്ചിട്ടില്ലെന്ന് എയര് അറബ്യ അറിയിച്ചു.