മറുനാടന്‍ മലയാളിക്ക് വിഷു ഗൃഹാതുരതയുടേത്

മലയാളത്തനിമയുടെ ഭാഗമാണ് വിഷു ആഘോഷം. മലയാളി എവിടുണ്ടോ, അവിടെയെല്ലാം കണി കാണലും, വിഷുകൈനീട്ടവുമെല്ലാം ഉണ്ടാകും. ഇതൊന്നുമില്ലാതെ മലയാളിക്കെന്തു വിഷു.

ഒരുപക്ഷേ ഇന്നു കേരളത്തില്‍ ആഘോഷിക്കുന്നതിലും കേമമായി മറുനാടന്‍ മലയാളികള്‍ വിഷു ആഘോഷിക്കുന്നുണ്ട്. കാരണം അവര്‍ക്കിത് വെറുമൊരു വിഷുവല്ല കൈമോശം വന്ന നാടിന്റെ മണവും ഗൃഹാതുരത്വം ഉണര്‍ത്തുന്ന ഓര്‍മ്മകളുമെല്ലാം തിരിച്ചു പിടിക്കലും കൂടിയാണ്.

നാട്ടില്‍ പലരും ഓഫീസിലെയും മറ്റു ജോലിത്തിരക്കുകളുടെയും കെട്ടുപാടുകളില്‍ നിന്നൊഴിഞ്ഞ് മടിപിടിച്ച് വീട്ടിലിരിക്കാനുള്ള ഒരു അവസരമായാണ് ഇന്ന് മറ്റെല്ലാ ആഘോഷാവസരങ്ങളെയും പോലെ വിഷുവും കാണുന്നത്.

എന്നാല്‍ മറുനാടന്‍ മലയാളികളെ സംബന്ധിച്ചിടത്തോളം ഇതു പലതിന്റെയും വീണ്ടെടുപ്പിനുള്ള അവസരമാണ്. വിഷു വെള്ളിയാഴ്ച ആണെങ്കില്‍ മാത്രമേ ഗള്‍ഫ് മലയാളികളെ സംബന്ധിച്ചിടത്തോളം അന്നു ആഘോഷിക്കാന്‍ പറ്റൂ. അമേരിക്കയിലെയും, യൂറോപ്യന്‍ രാജ്യങ്ങളിലെയും മലയാളികളെയും സംബന്ധിച്ചിടത്തോളം ഇതു ഞായറാഴ്ചയായാല്‍ സമാധാനമായി.

ഗള്‍ഫ് മലയാളികളെ സംബന്ധിച്ചിടത്തോളം പല ഭാഗങ്ങളായിരിക്കുന്ന മലയാളികള്‍ക്ക് ഒത്തു ചേരാനും സൗഹൃദം പുതുക്കാനും എല്ലാം ഉള്ള ഒരു അവസരമാണ്. വിഷു ദിവസം കുടുംബമായി താമസിക്കുന്നവര്‍ കണിയൊരുക്കി, മക്കള്‍ക്കു വിഷുകൈനീട്ടവു നല്‍കി ഒരു മിനി വിഷു ആഘോഷം നടത്തും.

പിന്നെ തിരക്കിട്ട് ജോലിത്തിരക്കിലേക്കോടാനായിരിക്കും എല്ലാഴ്‌പോഴും മറുനാടന്‍ മലയാളികളുടെ വിധി.

അടുത്ത പേജില്‍

English summary

Now a days expatriate malayalees celebrate Vishu more colourfully than who reside in Kerala.