Click it and Unblock the Notifications
Just In
Don't Miss
-
ഗബ്രിയെ തേക്കുന്ന ദിവസം; ജാസ്മിന് ചതിച്ചത് ഒരേസമയം രണ്ട് പേരെ; നിലനില്പ്പിന് വേണ്ടി എന്തും ചെയ്യും! -
ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
പ്രവാസി നിക്ഷേപം കാര്‍ഷികമേഖലയിലേക്ക്
കാര്‍ഷികമേഖലയില്‍ തൊട്ടാല്‍ കൈപൊള്ളുമെന്ന വാദമുഖങ്ങളെ തിരുത്തിയെഴുതുകയാണ് ഒരു കൂട്ടം പ്രവാസികള്‍. വന്‍കിട വ്യവസായ പദ്ധതികളില്‍ മുതല്‍ മുടക്കാതെ ഹരിത ലോകത്തേക്ക് കാല്‍വെയ്ക്കാനുള്ള ഈ തീരുമാനത്തിന് പിന്നില്‍ പ്രമുഖ പ്രവാസി സംഘടനയായ ഇന്‍ഡോ-അറബ് കോണ്‍ഫെഡറേഷന്‍ കൗണ്‍സില്‍-ആണുള്ളത്.
പ്രവാസികളുടെ പുനരധിവാസ നിക്ഷേപ പദ്ധതികള്‍ക്ക് മുന്‍തൂക്കം നല്‍കി, കോണ്‍ഫെഡറേഷന്‍ കൗണ്‍സിലിന്റെ നേതൃത്വത്തില്‍ മുംബൈയില്‍ നടന്ന ആഗോള മലയാളിസംഗമത്തിലാണ് ഇതുസംബന്ധിച്ച തീരുമാനമുണ്ടായത്. കേരളത്തിന്റെ കാര്‍ഷികമേഖലയില്‍ അനന്ത സാധ്യതകളാണുള്ളതെന്നും ശാസ്ത്രീയമായി അതുപയോഗപ്പെടുത്തിയാല്‍ പ്രവാസി നിക്ഷേപങ്ങള്‍ ഗുണകരമായി ചെലവഴിക്കാന്‍ കഴിയുമെന്നുമുള്ള തീരുമാനം ഈ പ്രവാസി സംഗമത്തിന് പുതിയ മാനമാണ് നല്‍കിയത്.
പ്രമുഖ വിദേശ മലയാളി സംഘടനാ പ്രതിനിധികളും വ്യവസായികളും സാമൂഹ്യവിദഗ്ധരും സമ്മേളനത്തില്‍ പങ്കുചേരാന്‍ എത്തിയിരുന്നു. പ്രവാസിലോകത്ത് ഇന്ത്യക്കാര്‍, വിശിഷ്യാ മലയാളികള്‍ അഭിമുഖീകരിക്കുന്ന ആശങ്കകളും പ്രതിസന്ധികളും സംബന്ധിച്ച് ആഴമേറിയ ചര്‍ച്ചകളും മാര്‍ഗ്ഗനിര്‍ദ്ദേശങ്ങളും സംഗമത്തിലുയര്‍ന്നു.
പ്രവാസികളുടെ ഉന്നമനം ലക്ഷ്യമിട്ട് ഒട്ടേറെ പദ്ധതികള്‍ സര്‍ക്കാര്‍ ആസൂത്രണം ചെയ്യുന്നുണ്ടെന്നും വൈകാതെ അത് പ്രാവര്‍ത്തികമാകുമെന്നും സൂചിപ്പിച്ചുകൊണ്ടാണ് എംഎ ഷാനവാസ് എംപി ആഗോള മലയാളിസംഗമം ഉദ്ഘാടനം ചെയ്തത്. സഞ്ജയ് നായ്ക് എംപി(മഹാരാഷ്ട്ര) മുഖ്യപ്രഭാഷണം നടത്തി.
ഗ്ലോബല്‍ എക്‌സലന്‍സി അവാര്‍ഡ് ആര്‍ക്കിടെക്ട് സുരേഷ് ബാബു ഷാനവാസില്‍ നിന്നും ഏറ്റുവാങ്ങി. ചീഫ് പേട്രണ്‍ എന്‍കെ ഭൂലേഷ് ബാബു അധ്യക്ഷത വഹിച്ചു. ഹസൈനാര്‍ തളങ്കര, ആറ്റക്കോയ പള്ളിക്കണ്ടി, സി ഷംസുദ്ദീന്‍(പൂനെ), ബാങ്ക് ഓഫ് മഹാരാഷ്ട്ര ജനറല്‍ മാനേജര്‍ ഭരത് ഭൂഷണല്‍, വാശി ടൈംസ് എഡിറ്റര്‍ വികെഎന്‍ നായര്‍, ഡോ കെഎം ജോര്‍ജ്ജ്, ഡോ. പതേക്കര്‍, കെവി കൃഷ്ണന്‍ തുടങ്ങിയവര്‍ പ്രസംഗിച്ചു.
