സ്കൂള്ബസ് മറിഞ്ഞ് 1മലയാളിവിദ്യാര്ത്ഥി മരിച്ചു
സീബ് ഇന്ത്യന് സ്കൂളിന്റെ ബസ്സാണ് അപകടത്തില് പെട്ടിരിക്കുന്നത്. അപകടത്തില് പരിക്കേറ്റ പതിനൊന്നോളം വിദ്യര്ത്ഥികളെ ആശുപത്രിയില് പ്രവേശിപ്പിച്ചിരിക്കുകയാണ്. ഇതില് 4 പേരുടെ ആരോഗ്യനില ഗുരുതരമാണ്.
സീബ് ഇന്ത്യന് സ്കൂളിലെ അഞ്ചാം ക്ലാസ് വിദ്യാര്ത്ഥിയായിരുന്നു മരിച്ച ജാബിര്. ജാബിറിന്റെ സഹോദരന് ആമിറും അപകടത്തില് പെട്ടിട്ടുണ്ട് എന്നാണ് റിപ്പോര്ട്ട്. റുസൈലിലെ മിലിട്ടറി ആശുപത്രിയില് സൂക്ഷിച്ചിരിക്കുകയാണ് ജാബിറിന്റെ മൃതദേഹം. അപകടത്തില് പരിക്കേറ്റ മറ്റു വിദ്യാര്ത്ഥികളെ കുറിച്ചുള്ള വിവരങ്ങള് ഇതുവരെ ലഭ്യമായിട്ടില്ല.
ബുധനാഴ്ച രാവിലെ ഏഴു മണിയോടെ ആണ് അപകടം സംഭവിച്ചിരിക്കുന്നത്. സീബ് സിറ്റി സെന്ററിന് സമീപം എതിരെ വന്ന ഒരു വാഹനവുമായി കൂട്ടിയിടിച്ച സ്കൂള് ബസ് മറിയുകയാണ് ഉണ്ടായത്.
ഫഞ്ച ഭാഗത്തു നിന്നും ഉള്ള വിദ്യാര്ത്ഥികള് ആണ് ബസ്സില് ഉണ്ടായിരുന്നത്. മസ്ക്കറ്റ് ഖൗല, റോയല് ആശുപത്രി, അല്ഹൈല്, ബദര്അല്സമ എന്നീ ആശുപത്രികളിലായാണ് പരിക്കേറ്റ വിദ്യാര്ത്ഥികളെ പ്രവേശിപ്പിച്ചിരിക്കുന്നത്.